السبت 18 أبريل 2026
عاجل

ناوي اشتري H2 وابغي مساعدتكم.....

نادي سيارات ال SUV و العائلية والنقل مغلق
13 رد 5,545 مشاهدة 11 مشارك الأقدم أولاً
h
hirfa @user_19843 · 13-08-2005
السلام عليمن ورحمة الله وبركاته

انا من الامارات وناوي استري همر H2 جديد على الزيرو بس المشكله ان لا يوجد وكيل للهمر في الامارات :mad: :mad: وانا ابغي اشتريه خليجي بس ابغي اعرف شو رايكم فيه و وين الافضل الخليجي ولا الامريكي من حين المواصفات و المميزات بين الخليجي والامريكي وكم سعره في السعوديه و قطر وعمان.:confused:
هل الخليجي يتوفر فيه شاشة نيفيقيشن للاستدلال على المواقع لاني دايم اخل البر وكيف مشيه في البر.:confused:

مع تحياتي اخوكم حرفه|3| :cool:
M
M_K_J @user_21005 · 18-08-2005
اناانصحك بH3
مشكور على الموضوع الرائع
a
aaw @user_19915 · 17-08-2005
أخوي kia lover
ليش كم سعر البورش أنا خبري أن البورش غالي مره يوصل سعره إلى 500ألف أو اكثر
h
hirfa @user_19843 صاحب الموضوع · 16-08-2005
مشكورين جميعا يا شباب على الردود
بس انا مجرب الهمر في البر لواحد من اصحابي مشيه في البر يعجبك مايهمه شي بس الي عندنه وارد امريكا مانصحني اشتري وارد امريكا
وانا ابغيه خليجي و من الوكاله بعد.....................
واترم انا وجهات نظركم بس انا مجربنه في البر وما عليه كلام
ياريت واحد يقدر يساعدني ويعطني اسعاره في الخليج
وتقبلو تحياتي.....................
s
salehhd @user_17805 · 14-08-2005
اقول خذلك طال عمرك انفنتي الجديد قيمتة ماتوصل 200 الف وشكله تحفة فنية وقوة جبارة

وارخص من الهمر ومن اللاندكروزر

ولا خلذلك رانجروفر سبورت
أ
أبوعصيدة @user_17652 · 14-08-2005
|1| واللة ب250 اخد جيب لكزس كشخة وشيك في البيع وراعى بر
H
Hunter @user_5524 · 14-08-2005
كيا لوفر الكايين تيربو ب 450الف وينك وين
الهمر ب 250 الف
k
kia lover @user_1199 · 14-08-2005
اذا وصلت سعر الهمر اشتر بورش كاين تيربو موتر رزه وهيبة وشكل ونادر وقوي
ك
كابـــSSـــرس @user_6060 · 14-08-2005
شف يالغالي الهمر مشكلته انه غالي ونادر يطيح في يد واحد راعي بر

الى ماندر

لذلك الى له خبره في التطعيس وشق الرمال فانه الهمر هو الافضل

ومن ناحية الاستهلاك فأنه يستهلك بنزين

تحياتي لك
ا
ابــو راشــد @user_20271 · 14-08-2005
يا اخوان ياخوان ترا الهمر يغرز لان الي يسوق مايعرفله تدري ان الهمر يشق الصحرا هاذا واذا غرو في زر يظغط يخلي السيارة تهز


وتطلع من الرمل لاكن والله الي عندن هنا عليهم عقول الحمدلله والشكر هههه
s
salehhd @user_17805 · 13-08-2005
السلام عليكم

السيارة عليها محرك جمس يوكن وهي ثقيلة مرة حوالي 3 طن

وبصراحة شفت واحد قدام عيني مغرز في هاف مون لونه اسود وعدي صورة له بس مش واضحة

اذا تبي الموتر حق بر ما انصحك فيه السيارة بصراحة حق كشخة وبس

وهذي صور الهمر الاسود الصور من بعيد لاني بصراح كسر خاطري راعي الهمر ومابغيت اصورة من قريب علشان ما يصيدة احراج
والدفرنش الخلفي كان عالق وما طلعة الا سفاري وسلمنلي على الياباني في البر





ا
المقنع2 @user_20554 · 13-08-2005
احسن لك تاخذ ال H3 لان ال H2 يستهلك بنزين بكثرة وبعدين الاتش 3 متطور اكثر من الاتش 2 وارخص
وفي النهاية الامر يعود لك
وشكرا
ا
ابــو راشــد @user_20271 · 13-08-2005
ياخوي نصيحة مني خذلك واحد من عندكم في الامارات روح شوف المعارض الي عندكم لان الي عندكم يمكن قوته 500 حصان يوصل و

والي عندنا في السعودية الي انت تبيه من الشركة نفسها اتوقع يجيلك قونه 320 حصان يعني مكينة كابريس ال تي زد واذا انت تبي

سيارت بر وزي كذا انصحك في الرنج روفر وبعدين ياخوي احمد لاتستهين في الهمر ادري انه الهمر الاصفر الي في الهافمون علق

مفشلنا لاني كنت هناك انا وبعدين تدري ليه علق لان الي يسوقه مايعرفله الهامر في نظام هزاز يهز السيارات وتطلع وكنه العيد

لاكن الي يسوق مايعرفله وشوف ايش سار له
a
ahmad2050 @user_20064 · 13-08-2005
أنا أعتقد أن الهمر سيارة عسكرية أقرب إلى المدرعة منها إلى سيارة ركوب عادية داخل المدن أو حتى في البر . إضافة إلى أنها ثقيلة الوزن ( و الدم أيضاً ) ! و هي تناسب الطرق و المناطق الوعرة أكثر من مناسبتها للطرق البرية ( الرملية ) .
و عموماً أنت على راحتك ، و أكيد المواصفات الخليجية أفضل من غيرها ، و شاشة الملاحة الظاهر أنها غير متوفرة لدينا ( أعني السعودية ) و لا أدري عن دول الخليج الأخرى .
و أكيد أخوي أبو أسد راح يفيدك في المواصفات و الأسعار أكثر مني .
و بالمناسبة عندي مقطع فيديو ( أحاول أضع رابط تحميل له ) يظهر فيه الهامر و هو عالق !!!