والله محتاااار يا شباااب !!!

مشكوووورين يا شباب ..

والله يعطيكم ألف عافيه ..

أفضل الكامري قراندي .

الاخ فامب ما قصر وياك..


وانا انصحك بالالتيما يالغالي..

وبالاخير الخيار لك..

حبيبي شوف انا معاي التيما فل مخمل .. يوم طلعتها اول مانزلت كانت قريب ال 86 .. وامس واحد يقول لي سألت بالوكالة سعرها تقريباً 79 ألف ريال !! فل كامل بس مخمل ..

المواصفات زينون وكالة مرة حلو (بأربع آلاف قيمته بالوكالة) جناح جنوط 17 بمافيها الأستبنة !! الأسبير جنط 17 بعد الكفر نفس المقاس .. قير عادي 6 نمر 6 اسطوانات عندك قدام نظام صوتي جبااااار اللهم صلي على النبي .. نظام BOSE عاالي مرة وفوق هذا واضح بعد كأنها أوفرات .. ريموت معاها طبعاً فيها إنذار وتنزل القزازات عن طريق الريموت .. المقاعد كهرب والقزاز كله كهرب وأوتو بعد ماعدا الخلفي كهرب لكن مو أوتو .. ولا تنسى فتحة السقف وكشافات الضباب :)

طبعاً الرساوة السيارة ثابتة وراسية بشكل مو سهل .. تمشي 250 كأنك ماشي 120 .. الطارة ماتصلب عندك مثل الأكورد .. تعطيك نفس التحكم .. لاهي خفيفة ولا ثقيلة .. وحلوا المشكلة هذه عن طريق حساس بالدركسون :) يعني حتى على 250 تتحكم بالسيارة زي الحلاوة .. وفوق هذا السيارة ثااااااااابتة بمسارها اللهم صلي على محمد .. ولا تلعب .. سافرت فيها لين مامليت :)

هذا اللي ببالي الحين ..

العيوب الخامات الداخلية .. سيئة بشكل مو سهل .. عندي القزاز حق الراكب بس لما أنزله اسمع اصوات .. اما باقي القزازات تطلع وتنزل عادي ! وهذه شفتها بكم ألتيما .. وايضاً وانت ماشي مرات تسمع حركة بالقزاز حق الراكب وفتحة السقف تحسها مو ثابتة .. وهذه شفتها بألتيما ثانية بعد .. وعندي السماعات لما اشغل ال سي دي بعض السماعات تقطع وماتشتغل إلا بفرملة وكذا (لاحظتها عندي بس اما الألتيمات الثانية ماشفت فيها هالشيء .. يمكن جاتني عين :( )

هذه مميزاتها وعيوبها بكل صراحة :) وناوي إن شاء الله أسدحها بموضوع لحاله :)

مشكورين يا شباب
انا بصراحه حاير بين السوناتا والالتيما
لكني بصراحه تفاجات بسعر الاتيما تقريبا حول الالسوناتا

حياك الله أخويvAMP ومشكوووور على ردك ..

والله يهنيك بالألتيما ..

بس تكفون حبيبي بغيت منك مواصفات الألتيما وعيوبها إذا ما عليك كلافه ..

الف شكر لكم يا شباب على ردووودكم وأرائكم ..

والله لا يحرمني منكم ..

الالتيما الافضل بين منافساتها لسعرها بالمقارنه مع غيرها

ولقوتها بالمقارنه مع غيرها

ولمواصفاتها بالمقارنه مع غيرها

ولشكلها بالمقارنه مع الكامري

الالتيما هي الاقوى والاجدد شكلا وتملك مواصفاات الرفااهية من الدااخل والارخص في السعر

انا اتكلم عن الفل كامل 6 سلندر . .

حبيبي ..

الإستخارة بتقفل عليك سيارتين وبتاخذ الثالثة .. واسأل مجرب ..

كنت ميت عند الأكورد .. لكن استخرت وربك مايسر ..

وانغصبت على الكامري والفورد .. واستخرت وربك مايسرها بعد ..

واستخرت عند الألتيما وربك سهلها علي ووالله مع مشاكلها بالخامات الداخلية إلا إني إلى الآن مبسوط منها ولاني متحسف عليها ولا ندمان عليها .. بالعكس والله مبسوووووط منها وهي من السيارات اللي أحس إن فيها متعة بالقيادة والسيارة مرتاح لها لأبعد الحدود ومونستني بالسفريات ومريحتني بالصرفية وتبيض الوجه وتبرد القلب قدام اللومينات

المقصد من كلامي استخير .. وحط ببالك لو ربك ماوفقك بالسيارة اللي تبيها مابعدك عنها إلا لخيرة .. والله ماتدري وشلون كنت رامي عند الأكورد .. سنتين جهازي كله صور لها ومقاطع فيديو وصوت وكل اللي براسك .. وعناد مع أبوي إلا هالسيارة يقول لي قطع ناار ووكيل تعبان قلت مالي شغل يا يبا احبهااااااا خخخخخخخخخخخخخ سار زواج ذا

المهم يوم رحت الوكالة ماجازت لي مدري ليه ناسي والله مو متذكر .. يمكن عشان الفل منها كان اربع سلندر ب 86 ألف او شيء وجنوط صغار ولا زينون .. يعني كأني شفت إن سعرها مبالغ فيه بشكل خيالي زيادة عن اللزوم والسيارة فاضية مافيها مميزات أبد ..

والكامري ابوي اجبرني عليها وقال لي باخذ لك قراندي وانا كاره الكامري من قلب .. وعناد مع الوالد والله شفت مافيه فكة .. قلت خل استخير خل نشوف ربك ويش يقول .. وابوي قدم على الورق ووقع وانتهى .. بعد 5 ايام يردون علينا يقولون مافيه قراندي بالمملكة كلها ! مافيه إلا سفينة من اليابان بتجي وبعد شهر بعد !! انا استغربت من الكلام ذا ووالله إنه جد يا إخوان .. قلت حلو جات منك ياربي وبس قلت لأبوي يبا ياحبيبي والله ما انتظرت شهر عشان سيارة لو إنك حاجز لي مايباخ !! ما ابيها ابي سيارة ذالحينة :D

وخلاص استقريت على الألتيما واستخرت وربي وفقني معاها والحمدلله مرتاح لها للحين

ادري طولت عليكم ودخلت بسالفة مال لأمها داعي بس طفشان من امس لحالي بالليل وقلت خل اكتب شوي واضيع طفش

المهم استخير يابعدي انت وإن شاء الله ماتندم على اللي بيسير .. والله يعينك ويوفقك إن شاء الله ..

فخامه الاكورد

السلامه الاكورد

القوة الالتيما

التحمل الكامري

توفر قطع الغيار كامري

رخص قطع الغيار كامري

الثبات الاكورد

افضل قيمه الالتيما


وانا كنت محتار مثلك واخذت الاكورد ومرتاح ولله الحمد

وحتى لو اني اخذت التيما او كامري مابكون ندمان

1- اكورد
2- التيما
3- كامري

وموديلات 2006 غالبا انها بتنزل برمضان (( بعض الشركات نزلت من الحين ))

والالتيما هاليومين منزلين بسعرها مررررره يعني ان كنت ناوي عليها تلاحق عمرك :)

اخوووووووووووك مرزوووووووووووق

والله بصراحة لو اني مكانك خذت

كامري.... تستحمل و مريحة في نفس الوقت
|1|

أنا مثلك حيران بين اكورد وألتيما وبيجو 407

ولكن احسن شيء وأضمن شيء أكوورد وانت مرتاح