وش رايكم في قراند شروكي الجديد .. احد جربه

ط

طالب الادارية

القراند الشروكي الجديد .... روعة في كل شيء بس.... عيبه .. وكياه دمار..... وسعره عليه الغلا ... ( مشكور اخ .... ابو اسد على معلوماتك ) القيمة....

والشكر ايضا لاخ محرك....|3|

القراند الشروكي الجديد .... روعة في كل شيء بس.... عيبه :mad: .. وكياه دمار..... وسعره عليه الغلا ... ( مشكور اخ .... ابو اسد على معلوماتك ) القيمة....

أخوي محرك أنا بأقولك كلام مهم
ليش مهم؟؟
لأن عندي يوكون دينالي وفكرت أبيعه وأشتري قراند شيروكي هيمي
ولكن بعد ماجربته عند الوكاله صرفت النظر بعد ما مشيت أقل من 200 متر .
ياخي تحس المكينة والقير تحتك وانت تسوق.أنا استغربت هالشي وأتوقع إن سيارة التجربة كان فيها مشكلةفي الدفرنس أو القير
لذلك أنصحك ماتشتري السيارة إلا بعد ما تجربها.والله يوفقك

حد علمي الي تابعته من المواقع :rolleyes:

أثبتت كلها أنه سوف يكون له تجديد وليس تغير كامل للسيارة
مثل الكابرس 2003 عن الكابرس 2004 صح أن الأختلافات فيها تقريبا كثيرة :D بس المحركات والأبعاد وبعض طريقة تصاميم الديكور الداخلي فيها شبه قليل منها |6|

والي عرفته أن سوف ينزل في أواخر عام 2006 كموديل 2007 |1|

أستفسارات أخرى أنا حاضر
أخوك أبوأسد|3|

شكرا جزيلا ابو اسد , بس مدري عندك فكرة متى بيتغير اليوكون .. سامع إنه بيتغير قريب ؟

ههههههههههههه أدعس يا مثقف أجل (وهذا لايعدو انه ناتج من بوتقة النظرة المعاصرة للمادة) هههههه
صدق أنك وسيع صدر وخفيف دم :D

المهم نجي لكلامك أخوي عن ضخامة السيارة

أنا بنسبة لي أحب الأشياء العملاقة جدا لأنها تعطي منظر مهيب وفخم للغاية وأحب أسوق السيارة الي أجد غيري ما يوصل إلى أرتفاع سيارتي (تخبر كثر السيدان لدينا خخخخخخ)

وعلى كلامك الي يدرسون مادة السيارة وش علينا منهم خلهم يبربرون على كيفهم لأن مزاجهم ما يرتاح لين يركبون سيارة فخمة جدا وفارهة كبر تويوتا XA :D الأوروبيون ما يرتاحون إلا في السيارات الصغيرة أما حنا في الخليج فنحب السيارات الكبيرة لأن الحمد الله, الله موسع علينا نقدر نشتري السيارات بسعر معقول بس هم الألمانيون أعتقد أكشخ واحد فيهم معه مرسيدس فئة E وياله بعد فهم كل شوارعهم يندر وجود سيارة كبيرة مثل شوارعنا كل السيارات كبيرة بقوة هههههههههه

وعلى كلامك أخوي في وزن اليوكون والشروكي أكيد الاخف يكون أفضل وأسهل في الطعوس بس أنا أحب أسوق الجموس في البر |1|
للمعلومية بعطيك بعض معلومات عن الجمس الي أطعس به:
المحرك طراز 454 سعة 7.4 لتر وبقوة 230 حصان فقط!
السيارة هي: سوبربان يعني أطول نوع في جمس!
توفر الدفع الرباعي: لايوجد دبل!!!
الوزن الأجمالي: 3901 كيلوجرام!!!

وقل ماشاء الله
وقل ماشاء الله
وقل ماشاء الله
(مني ناقص مشاكل بس علشان تعرف شيء واحد)

وأصعد أخر الطعوس بهذا الجمس ووصلت لأعلى الطعوس وش رايك فهي أخوي أذا تعرف تسوق الموتر ما تعوق معك ابدا بتمشي في المكان الي يعجبك|1|

وأخوي يقهرني يعني جيب أمريكي بس صفين من المقاعد وحجم ليس كبيرا كثيرا وسعره يكون لمحرك الهيمي 5.7 لتر بـ 152 ألف! صراحة غالي بقوة لو تشوف الدورانجو نفس المكينة وأكبر حجم وكل شيء وثلاث صفوف مقاعد وجلد وفتحة سقف وفل أبشن تماما ما يتعدى 117 ألف مهب فرق كبير جدا مع أنهم كلهم تبع شركة ديملر كليسلر :confused:
ولا تنس تعاسة وكيلنا وما في إلا هو المتحدة للسيارة قطع فحط أذا جاب لك القطع الغيار المطلوبة لسيارتك سريعا
خدمة سمعت أنها الله بالخير

يعني كل واحد والي يريحة أخوي العزيز في أختيار السيارة أنا ما أجبرك على شيء أنا بعجنبي أو أنك تجبرني على حب شيء أنا ما يعجبني وهكذا

أخوك أبوأسد|3|

لا ماتخاف اخي من محرك هيمي...

ان شاء الله مافيه مشاكل...

المحرك موجود من 2003 والأن على 300 سي ومافيه مشاكل

الله يسعد ايامك ابو اسد .. مراحب اخوي

انا اشعر انه يوجد تفاوت في المفاهميم التقنية بيني وبينك ابو اسد وهذا لايعدو انه ناتج من بوتقة |13| النظرة المعاصرة للمادة |10|

تراي منيب هين ابو اسد :D

ضخامة السيارة ابو اسد عيب مب مزية وشف وشلون النقد الحاد لشركة BMW من قبل اساتذه الجامعات الألمانية الذين يدرسون مادة السيارات على هذه الشركة حتى انها غيرت التصميم في خلال سنه واحده في سابقة تاريخيه لهذه الشركة
وزن اليوكون 2900ك ولشروكي 2000 ك فقط , تخيل الفرق 900 كيلو .. إذا كنت في الرمال فهذا يعني الشي الكثير
هاه وش رايك .. ترى ابو اسد ولله رايك هو الي يبي يحدد نوع شرائي للسيارة|3|

حلو ولله يعني في البر شنب وفي المدينة كوريلا |3|

اخاف ينكبنا هيمي ويطلع خربات زي الشروكي القديم

فيه حصانين <<< جمع حصان مب صاحية

السلام عليكم

على حسب علمي ان القراند شوركي اقوى جيب في فئته من الجيوب المتوسطة

ولا يوقف في طريقة شي هذا القديم بالنسبة للجديد ما عندي خبر

اعيب عليه سعرة المرتفع نسبياً والوكيل سمع انه ما زين

هلا فيك أخوي العزيز محرك مرة أخرى

بنسبة لأرتفاع الحرارة في اليوكون هذا صحيح وأيضا الأمر طبيعي جدا.

بنسبة لي أنا أذا أرتفعت فوق النصف ما أهتم وإلى الأن ما شفت مشكلة :D (قولو ماشاء الله)
وبنسبة لموضوع تخفيض الحرارة كنت بحط مروحة للجمس بس المروحة عندي ومتعيجز أركبها في ورشة :D هي وضيفتها أنها تريح المكينة وتجعلها أقوى أيضا لأن أذا أرتفعت الحرارة كثيرا جدا في الأمريكي يبدا العزم يضعف أي لا أقصد أذا وصلت الحرارة فوق النصف بشوي لأني ما أشوف تغير في القوة إلا قليل جدا
بس أذا تعدت المعدل المذكور يضعف القوة والعزم كثيرا.
فالحل الأمثل مراوح الكهرب.
وبنسبة لمحل أعرفه في الصناعية والله هنا ما أعرف :rolleyes: بس علشان ترتاح ودها عند فلبيني يضبطها لك تخبر قليل جدا أن تلقى فلبيني ما يضبط شغلة في التركيب والتصليح ;) وأفضلك خلها يدوية التشغيل أي تضغط على زر علشان تشتغل وقد ركبت أنا من زمان في بيوك رودماستر الي كان معي سابقا ما أشتكيت من خرابها ووديتها عن كهربائي في محطة عادية بس كانت مثل قلتها ومالها فايدة لأن المروحة كانت صغيرة.

ونجي لسؤلك الأخير :D (سؤال ابو اسد . لو خيروك بين اليوكون الدنيالي ولا القراند شروكي وش راح يكون اختيارك ؟؟)


معروف هذا الشيء:
للبر يوكون دينالي
وللمدينة يوكون دينالي
والسبب وكيل جيب لدينا سيئ ولا ينشرى منه سيارة الي يدور الراحة في الخدمة وتوفر قطع الغيار
ولا تنس ضخامة اليوكون (سواء العادي أو الدينالي) مقارنتا بالجراند شروكي
وأيضا اليوكون أذا جيت تبيعة يمسك سعرة أكثر من الجراند شروكي

أخوك أبوأسد|3|

والله الشرف لي ابواسد .. وحياك الله اخوي ..

ابو اسد على كلامك ذا .. اليوكون إذا طعست فيه ترتفع الحرارة ؟

بس فكرة المراوح ممتازة وسئلت عنها ؟ قالوا يحط مفتاح التشغيل عند السواق وإذا أرتفعت الحرارة
اثناء التطعيس .. تشغلهم ؟حلو .. وترجع الحرارة لنصف

هل لديك فكرة عن افضل ورشة في الصناعية تركب هذي المراوح؟
سؤال ابو اسد . لو خيروك بين اليوكون الدنيالي ولا القراند شروكي وش راح يكون اختيارك ؟؟





1

ماني متأكد بس أعتقد وبقوة انهم اضافوا لها تقنية MDS

اللي تمشي السيارة على 4 سلندر عند عدم الحاجه للقوة الزائده...
وتعطيك كامل القوة لما تحتاجها...

يعني توفير بنزين كمان...

قراند شيروكي الجديد حلو وقوي مره في الزفلت والبر وخاصه مع محرك هيمي الجديد

فيه قوه ع الزفلت غير طبيعيه ..تسارع جبّـار..طالع مع ماكسيما قدام عيني .. !!

أحب أتشرف وأكون أول واحد يرد على موضوعك :D

بنسبة للحرارة يا أخوي أرتفاع الحرارة أمر طبيعي جدا للأمريكي في الطعوس
وأعطيك مثال حي
أنا عندي جمس سوبربان مكينة 454 دائما أطعس به :D قبل لا أدخل الطعوس العادة تكون الحرارة ما بين الربع إلى أقل من النصف بس أذا جيت أطعس تتعدى النصف بشوي مثل الجراند شروكي
وأذا كرفته مرة وقاعد أدعس علييييييه على الأخر طول الوقت توصل الحرارة إلى ثلاث أرباع في بعض الاحيان وليس دائما, وهذا أمر طبيعي على الأمريكي.
شف بنسبة لي الحرارة توصل فوق النصف بشوي أمر طبيعي لكن أكثر من كذا هنا ما عندي علم واجد :rolleyes:
فيه طرق أخوي أنك تخفض الحرارة وهي وضع مراوح كهرب وهي تخلي الحرارة تثبت عند تحت النصف بشوي وما تكلف واجد أذا كانت جديدة وسعرها حول 400 أو 600 ريال وناس كثيييييييييييييير جربو هذي الطريقة ودائما أهل التطعيس يحطونها في مواترهم :D ;)

أخوك أبوأسد|3|