فوردمونديو 2004 أو فوكس 2006 .. ارجو المساعدة

السلام عليكم

هلا اخوي

الواحد اذا ساق الموتر يدري فيها abs ولا مافيها


اذا ضربت فرامل بقوة .. تدري ذاك الحين ان السيارة فيها ولا مافيها

أخوي سبشل ..

أقول لك .. الـ ABS موجود لكن كلام بس .. حتى الكامري لما تجي تشغل السلف يطلع لك إن موجود ABS و هو أصلا لو تجي تجرب فيها ولا ما فيها .. راح يتبين إن مافيها أصلا ؟؟! زي كذا المونديو

السلام عليكم
ياشباب المونديو على كلام الوكالة وشوفة عيني في الوكالة السياحية ماتجي بمكيف الكتروني وانا متأكد من كلامي 100%

اما عن abs فهو موجود

انا اخوي معاه فوكس 2000 وفيها ؟

فكيف المونديو مافيها ؟

GTO_KING

أخوي .. ممكن يكون اللي معاه فيها إيرباق .. .لأن صاحبي معاه من أول أول دفعة للمونديو في السعودية ..

بالنسبة للي تقول لبن .. يا حبيبي هذا أسم سيارتي تبي تطلع عليها و على مواصفاتها .. أتفضل
http://www.assayyarat.com/forums/showthread.php?t=51186

.. أما الفوكس بيها ABS و المونديو ما فيها .. شي عادي .. لأنك لو تشوف مشاركتك أخونا في الله مونديو 05 ,, يقول لك المونديو ما بيها ESP أما الفوكس فيها و سياحي كمان ...
أما كلمة ABS اللي تظهر عند تشغيل السيارة .. فا مو كل السيارات تطلع الكلمة دي و الجهاز نفسه موجود ..

تعريف لنظام الـ ABS:
هو عبارة عن جهاز فوق الياي و الجانين داخل الطبلون .. على حسب إختلاف السيارات و صناعتها .. يبدأ عمل هذا الجهاز عندما تضغط على المكابح بأقصى قدرة السيارة .. فتشوف الكفرات راح يطلعون صوت تحفيط بس مقطع .. لكن لو طلع حوووووووووووأ ... يعني هاذي مستحيل بيها ABS ... و لو كان بيها .. فأكيد فيه شي ...

يعني بالعربي .. ما يخلي القماشات تمسك على الهوب . .لأنها لو مسكت كان فحطت .. تمسك ثانية و يفك على طول .. و هكذا و هكذا

أما المكيف الإلكتروني .. أنا في سيارة صاحبي سيااحي 2003 أول أول دفعة إلكتروني ؟؟ وش رأيك ؟؟



أسمح لينا أخوي al_mrsh معليش دوخناك معانا .. بس في النهاية .. خذ مونديو ولا تفكر ولا تحتار

تحياااااااتي

صباح الخير ...
أشكركم اخواني الاعزاء جزيل الشكر على هذه المشاركه القيمة والعزيزة التي اثرت االموضوع البالغ الأهمية لدي .. فقد اسهمت كثيرا ورفعت اسهم هذه السياره عندي ولن اوفر عليكم ان امكن مزيدا من المعلومات عنها ... دمتم بود.

بالنسبه للمنديو سياحي فيها اي بي سي...

بس اخوي لتاخذ سياحي ابد ماوصفات تعبانه ومافيه متعه قياده نفس النص فل والفل..

ايوة ياحبيبي اتوكل على الله وخذ المونديو تراها فله حتى لوسياحي تراه 100% كل شيء فيها مش مثل بعض المواتير الله يخلف على سيارتي لومينا ال اس ايرباج واحد وبدون abs
اخويا اكتيفيا اسمك كانه لبن مع احترامي واحدمن اصحابي معاه واده 2003 سياحية طيس فيها 2 ايرباغ اونا متأكد 100% واذا تبي راح اصوره لك والله قسم بالله العظيم ان فيها 2 ايرباغ واحد بالدريكسون وواحد بجهة الراكب بس مايبيبن لأنه في داخل الطبلون محطوط خط بس ومكتوب ايرباغ تحته صغيره اتأكد عدل وانا خوك واذا تبي تثبت كلامك حط صور حرام عليك تقول مافيها abs اخوي الأصغر معاه فوكس 2002 لونها اسود سياحي قسم بالله ماكذبت عليك عساني احترق اذا اكذب فيها abs كيف المنديو مافيها النظام شوفه انت قبل لا تشغل الموتر راح تطلع لمبة صغيرة مكتوب absونا متاكد الف في المية حبيبي الظاهر نظرك فيه شيء والله ناوي تخلي المتديو زي السكودا سيارتك مافيها الأ ايرباغ واحد حتى ولو فل ولد عمي معاه واحده لونها ابيض 2003 فل الظاهر مكينتها 1.9 تربو مافيها مواصفات حبيب عيوني abs وظيفته انه لما تمسك بريك يخلي الكفر يتدرج في توقيف السياره ولآزم تحس برجه قوية عند ضغط البريك وتسمع صوت طرررررر زي كيذا
حبيبي خبير المنديو انت قلت السياحي فيها مكيف الكتروني انا صاحبي سياته 2003 سياحي مكيف عادي مدري اذا تغير في الموديلات الجديده اولا
مع السلامه

أخوي MONDEO _05 ...

أحب أصحح لك معلومة ...







.. إسمح للي مع إنك أخبر مني في الفورد و خاصة المونديو ... إلا إني ركبت وحده و سقتها و تاكدت من الكلام اللي تقوله .. طبعا اللي سقتها موديل2003 فضي سياااحي ... المهم ..

أؤيدك في .. المكيف الإلكتروني .. و التحكم بالمسجل .. و الطيس ..|1|


أما الكرسي الكهرب .. فهذا بصراحة ما شفتها .. أنا اللي شفته يدوي ..:)

نجي للوسائد الهوائية .. يوجد وسادة واحدة هوائية فقط .. و انا متأكد من هذا الشي.. لأني سألت صاحبي " صاحب السيارة " اول ماسقتها .. قلت له فيها إيرباق للركاب ؟؟ قال لي لأ .. و شيــكـــنا " تأكدنا ".. و طلع مافيه ..

الـ ABS .. في في المونديو نظام يحل محل الـ ABS في السياحي :eek: .. ألا وهو ... إنك كلما سرعت دوسة الفرامل .. تطلع بره تطلع و تطلع يعني لما تجي تمسك بريك يمسك معاه بس يسوي تحفيط و يطلع صوت إنه يمسك الكفر مع الشارع .. يعني مافي ABS


و آسف على الإطالة بس حبيت أصحح المعلومات ;) |3|

تحياتي لكم .. محبكم Octavia 2002

االفورد مونديو موصاحي مووتر قووويه ورساوه
لاكن الفوكس مقدرافتيلك فيها
بس استخير

السلام عليكم ..
..
بالنسبة لأختيارك بين المونديو والفوكس ..
..
اول شيء المونديو السياحي بالوكاله بـ 49.500 ريال وهي 2005 .. موديل 2004 تحصله اذا جديده يعني مانباعت من الوكاله 45.000 الف وبرى المعارض مستعمل 2004 بـ 43 او 44 الف تقريبا لأقل فئة ..
..
ومثبت السرعه موجود بالنص فل والفل كامل .. والسياحي فيه مواصفات مثل .. : مكيف ألكتروني .. تحكم بالمسجل من الدريكسون .. كرسي كهرباء بوضعية واحده .. 2 وسائد هوائية .ABS + EBD .. وكمان طيس تجيك مقاس 16 وهذي نادر تصير بسياره من حجمها ..
وكمان اشياء بـ 49.500 ريال ..
..
الفوكس الجديد 2006 .. لأ انفي اعجابي بها .. وايضاُ بمواصفاتها .. حيث الفئة الوحيده عندنا بسعر 48.000 تقريباً وتعتبر الفئة السياحية ولكن تتفوق في بعض المواصفات عن المونديو السياحيه فقط ..
..
حيث شكل جديد .. وكمان .. مكيف الكتروني وتحكم بالمسجل من الدريكسون .. و 2 وسائد هوائية . ABS + EBD .. وانوار ضباب امامية وخلفية .. هذا كله في السياحي تقريبا ً تتشابه في كل شيء مع المونديو السياحي ألأ شيء واحد تتفوق به الفوكس ..
..
وهو نظام ESP لتعزيز الثبات والمحافظة على استقرار السياره في الطريف عند انحرافها .. وهذا النظام تقدر انت تفصله وتشبكه براحتك لأن الزر تبع النظام موجود تحت المسجل ومكتوب عليه ESP ..
..
كمان حبيبي محرك الفوكس 1.6 بقوة 127 حصان ..
..
وارجو منك كامل الرجاء انك أذا اخذت اي واحده خذها اوتو .. لان الجير العادي مزعج وسواقته ممله ..
..
ترى مصنع المونديو غير الفوكس .. هذي معلومه اصححها لك .. المونديو في مدينة جنيك البلجيكية على الحدود الألمانية مصنعها ..
..
اما الفوكس مصنعها في أسبانيا ..
..
راح اتكلم عن قطع الغيار ..
..
وراح تكون المقارنه مع الكامري موديل 2002 وسيارتي موديل 2003 بحكم ان هذا الموديل اول موديل ينزل .. في المملكه والكامري من موديل 98 والتي تعتبر قطعها رخيصة ..
..
بجانب القماشات .. الكامري من عند الوكيل وليس من محلات قطع الغيار القماشات الخلفية بـ 180 ريال بينما المونديو بـ 200 ريال وأعتقد الفرق 20 ريال ليست بكثيرة بحكم جودة وطول عمر البريك وقوته المبهرة .. فكيف اصبحت قطعها غالية ؟ ..
..
وكمان انا انصحك بالمونديو لأنها افضل ..
ولا تنسى تماتيك افضل ..
..

المونديو بدون تردد ..

المونديو الفرق تجي ثلاث انواع

(1) سياحي

وهذا يجي : طيس - قزاز الراكبين الامامين كهرب و ورا عادي - لايوجد مثبت سرعة - يوجد تحكم في المسجل من الدريكسون

لايوجد انوار ضباب امامية - توجد انوار ضباب خلفية -

2 نص فل

جنوط 16 - القزاز كله كهرب - على مااظن انه يوجد مثبت سرعة - انوار ضباب امامية وخلفية - سيدي وكاسيت- تحكم في المكيف باللمس


3 فل كامل

الفل كامل فيه مميزات كثيرة حلوة لكن والله مااذكرها .. واعذرني ان نسيت شي من المواصفات

وبالنسبة لقطع الغيار معقولة وليست غالية

ونصيحيتي لك خذ المونديو .. الفوكس ليست سيئة ولكن المونديو احلى


اخوك

سبشل

مساء الخير ...
أشكركم اخواني جزيل الشكر على تفاعلكم واهتمامكم جميعا .. بس حبيت اعرف هل قطع الغيار متوفره ومعقوله السعر ولا اخفيكم مدى استغرابي من العرض على المونديو 2004بـ 50 الف ريال عند الوكالة لانه كان المنطقي ان يكون على موديل 2005 نظرا لقرب نزول موديل 2006 وانا وضعت المقارنه مع الفوكس 2006نظرا لفرق الموديل اضافة لتغير الفوكس بالشكل والحجم الجديد التي لاتختلف كثيرا عن المونديو وتصنع بنفس المصنع لكن على ماعتقد ان لديها ماكينه 100 حصان وهذا قليل على القير الاوتوماتيك مما سيجعل صوت الماكينه مزعجا وهذا غير مرغوب لدي وهذا ماجعلني ارجح كفة المونديو .. اتمنى منكم التعقيب على كلامي واريد معرفة الفرق بين الفئه العاديه والمتوسطه من حيث المواصفات والسعر إن امكن .. ولكم مني جزيل التحايا وفائق الشكر والتقدير .

مساء الخير ...
أشكركم جزيل الشكر على تفاعلكم واهتمامكم جميعا .. بس حبيت اعرف هل قطع الغيار متوفره ومعقوله السعر ولا اخفيكم مدى استغرابي من العرض على المونديو 2004بـ 50 الف ريال عند الوكالة لانه كان المنطقي ان يكون على موديل 2005 نظرا لقرب نزول موديل 2006 وانا وضعت المقارنه مع الفوكس 2006نظرا لفرق الموديل اضافة لتغير الفوكس بالشكل والحجم الجديد التي لاتختلف كثيرا عن المونديو وتصنع بنفس المصنع لكن على ماعتقد ان لديها ماكينه 100 حصان وهذا قليل على القير الاوتوماتيك مما سيجعل صوت الماكينه مزعجا وهذا غير مرغوب لدي وهذا ماجعلني ارجح كفة المونديو .. اتمنى منكم التعقيب على كلامي واريد معرفة الفرق بين الفئه العاديه والمتوسطه من حيث المواصفات والسعر إن امكن .. ولكم مني جزيل التحايا وفائق الشكر والتقدير .

|1| أكيــــــد المونديــــــو يالغالي |1|

|1|

وبدون أي تفكيـــــــــر

|3|


BAssAM ss

|1| أكيــــــد المونديــــــو يالغالي |1|

|1|

وبدون أي تفكيـــــــــر

|3|


BAssAM ss

فورد مونديو :)

... و الله اخوي لا تحتار ولا شي .. المونديو بمراحل بعد ... حتى لو كانت المونديو سياحي ...

المونديو راسية ... وقوية .. و إقتصادية في نفس الوقت ... لكن يبي لها من يداريها ... يعني على ما سمعت إن قطعها غالية حبتين .. و يبي لك شوي تستنى .. لأن القطع مو متوفرة على طول ..

قبل كل شي إستخير و ما راح يصير إلا كل خير

تحياتي محبكم Octavia 2002