السلام عليكم
ابارك للكل لكل من نجح بهذا المنتدى ومن بره المنتدى الطيب !
طبعا جاتني عده رسايل خااصه تقولي ياللمخلب ساعدني ابي ادرس عندكم بقطر !
فقلت علشان اريح الشباب مره وحده بدخل بالموضوع وبكتب موضوع شامل عن كل الجامعات الي في دوله قطر الحبيبه
بسم الله نبتدي :
1-
جامعه كورنيل الطبيه !
هي جامعه امريكيه من الجامعات الاولى في امريكا للطب وهي طبعا معترف بها دوليا !
التخصصات كل الي تبيه من اول الاسنان الى اخر الجراحه !
شلون تقبلنا ! طبعا الجامعه هذي مو اي واااحد يدخلها الله يسلمكم الي يبي يدشها لازم يحط بباله عده اشياء
اولا : توفل 550 ! او ماايوافقه ! ( كـ ال اي تي سي ال (( تقدر تاخذه من المعهد البريطاني للغات )) )
ثانيا : سات 650 ! << تقريبا !
ثالثا : المقابله الشخصيه والي رااح يسلونك فيها اجانب دكاتره طبعا !
رابعا : سيتم اختيار 50 طالب فقط من المتقدمييين ! من الجنسين الذكور والاناث !
السعر :
طبعا بما ان المدينه التعليميه كما يقال انها غير ربحيه !
فقط خصصت مبلغ لسنه الواحده في هذه الجامعه الي هو : " 95 الف ريال في السنه الدراسيه الواحده "
البعض سيشتكي من السعر لذلك : " خصصت الشيخه موزه اعانه للطلاب الملتحقين بحيث يدفع الشخص نصف المبلغ وتدفع المدينه التعليميه النصف الاخر بشرط ! ان يعمل هذا المتخرج باذن الله تعالى في احد المستشفيات الوطنيه او الخارجيه ويسدد المبلغ من راتبه الشهري لاحقا !