شباب أحد فيكم مجرب مرسيدس CLK240 - E 240 ؟

انا مجرب E240 مالت اخوي حلوة ومريحه وعندي واحد من ربعي يبي بيع E240


انا قاعد اسويله دعايه


والتفاصيل مع التوضيح
للبيع سيارة بدولة الكويت
E240
6 سلندر
مطلوبة دينار كويتي10.700
على دار الاستثمار
القسط دينار كويتي99
موديل 2004
لايوجد دفعة أخيرة
فوق الطلب 6000دينار كويتي
تأمين شامل
وارد الوكالة بالسعودية وعليها كفالة سعودية
اللون أزرق دلفيني
4 أبواب
فتحة
CD تشيل6
واضافات وكماليات عديدة
ستائر خلفية وجانبية
كشنات جلد
ماشي 8000 كيلوا
تحت الكفالة

الكمبريسر يعطي قوة رهيبه من خلال ضغط الهواء
فقوة 4سلندر تصير اقوى من6
بس 280و320 من اي تكون مزوده بكمبريسر يعني ال200 سي ال كي مايوكل عيش جنبه
وعالعموم مهما تغيرت الموديلات واختلفات القوة كلها تجتمع تحت مسمى واحد وهو مرسيدس بنز كلهم نفس العلامة الي تذل على الفخامة والعراقه
تحياتي

انا جربت الـ CLK 200 Compressor كومبريسر :) حق واحد من الشباب موديل 2005
وجربت الـ E240 بعد حق واحد من الشباب 2004

الصراحه الـ 200 رووووووووووووووووووعه واحسن من الـ 240 بكثيييييييييييييييييييييييير
صحيح انه 4 سلندر بس والله قوته أكبر من الـ 240
والصراحه عجبني فيه انك لما تسوقه تحس انه الموتر جامد ومتماسك بقوة حتى على اللفات القويه بسبب الجنبينات الرياضيه :)
بس إذا بتاخذ انا انصحك تاخذ الـ 200 كومبريسر وانسى شيء اسمه 6 سلندر لانه الـ 200 أقوى :)

اخوي يمكن كان ثقيل عليك لنه حاط القير على W لو على S اخف
وبالنسبه للفرامل يمكن انك مشغل نظام يخليها كذا
تحياتي

بلنسبه لل240 جربت موديل 2004 يوم كامل من احد الزملاء
وبصراحه السياره ثقيله وقاسيه ونظام الفرامل الكهربائيه الجديد يلعب باعصابك اذا رفعت رجلك من الفرامل
بس فخامه وجوده مايعلى عليها لكن 350 او 500 خيااااال وبتحصل قمة المتعه بقيادتهم خصوصا 500

مرحبا
بالنسبة للراحه والفخامة والهدوء ماتقارنها لي مع الفورد لنه مافي وجه مقارنه ابدا
مرسيدس >< فورد(هذا في لغة البيسك:D )
والقومه بالنسبة الى E240 قويه بس اذا قارنتها مع 280 او 320راح تشوفها تافهه جدا
انا طلعت قومه مع CLK 240 موديل 2003 وانا بمرسيدس E280 موديل 2001رغم فارق الوزن قصيته بمسافه
بس اذا جبت CLK320 or 500 هذا كلام ثاني واذا جا \\\AMG شرط انه يقص البورش كاريرا
ونفس الكلام الى E
بس 240على الخط قوي جدا والسيارات اليابانيه باستثناء لكزس مايقاربونه لنه طبلونه يوصل الى 250بسرعه بدون مايوقف والياباني وبعض الامريكي من يوصل 180 تدعس الدعسة لحدها ويجيب 220ببطأ
ومثل ماقلت في الراحه محد يقدر يتكلم وزي ماتعرف هذا مركب الامراء والملوك
تحياتي

السيارة حلوة وطيبة وما عليها كلام والله اني اعرف ناس كارفينها كرف الحمير ومسوين فيها حادث والى يومك يستخدمونها
السيارة تعتبر اقتصادية
القومة عادية لكن بالخط قوية وايد بالنسبة لمثيلاتها اليابانيات
تبي اقوى اخذ لك CLK 320 الموتر هذا ما شاء الله يمشي صح
واذا تبي وحش اخذلك CLK 500

أهلا بك...
بالنسبة الى CLK 240 موديل 2003 جربتها ... مشية السيارة عادية يعني مو سيئة ولا خارقة تقدر تقول وسط .. بالنسبة الى راحتها فيها قساوة شوي مثل اي مرسيدس ..مقاعدها مريحة والحزام يطلع لك اول ماتركب السيارة طبعا هذا للراكب الامامي.. ركوبها بشكل عام حلو ولكنها مايتقارن مع الفياجرا ابدا ..