الســـيارات الانســـب للـــبر

مارين @user_1315 عضو · 09-08-2002

السلام عليكم

حيث كثر الكلام عن السياره الانسب للبر......

حبيت ادلي بدلوي في الموضوع مجتهدا وارجو من الله التوفيق

ولان الموضوع مهم جدا خاصة من وجهة نظري حبيت افصل فيه

اولا لاحظت ان معظم الشباب ما يفرق بين سيارة البر وسيارة البلد

وسيارة البر غير سيارة المدينه المقرونه بالرفاهيه وسيارة البر المقرونه بالعمليه وقلة الرفاهيه

فلو طفى عليك السكاليد في البر الي بيصير انك بتقعد تطالع فيه لوصرت اكبر فني وليس المقصود السكاليد وانما كمثال لما شابهه من

سيارات الرفاهيه وهي كثيره حيث اصبح الميول للدفع الرباعي في المدينه ...

اذا نقول وبالله التوفيق...

لتحديد سياره للبر يجب ان تعرف حاجتك من السياره في البر وهل

الحاجه لروحة البر للقنص او للمكاشيت او للتمشيه او للتطعيس او اي

سبب اخر... وبعد كذا هل حاجتك يفي بها الونيت او الصالون وهل

امكانياتك الماديه تكفي لشراء سياره للبر واخرى للمدينه وللعائله

واذا كانت لا تسمح وانت راعي بر ما هي السياره التي تجمع بين

الاثنين يعني جوكر زي ما يقولون

من السيارات الشامله للبر والمدينه ما يلي

1- لاند كروزر VXR ,GXR ,GX والافضل للي يبي يتنازل عن الشكل شوي GX لانه بعد عودتك من البر خاصه اذا كان الطريق وعر بيكون

شكل سيارتك مهوب الي انت تبي يعني هذي نسافه طايحه وهذي

ربلة صدام منطلقه وهذي دعاسه جانبيه مظروبه ومتعوجه

وماشابه ......... يعني تقول مفقع وجهه بكم بنيه ........

2- باترول سفاري و SGL ونفس الكلام ينطبق على السفاري او السوبر سفاري

3- باجيرو وهذي السياره ما فيها مشاكل حيث ان الصانع ماخذ حساب

هالامور ومركبه جميع الديكورات الجماليه الخارجيه بشكل عملي ومن

الصعب انها تتاثر الا ما شالله مع التحفظ على الوكيل وتوفر قطع الغيار

مع قلة حاجتك لها ولكن عند الحاجه تكبر المصيبه حيث لا حلول الا في المدن الرئيسيه.....

عدم مناسبة اي سيارة السبير تاير او الاستبنه تحت لانه بيمسك في

كل شي ... زي VXR و GXR ومن الافظل تثبيته داخل السياراه قبل

الذهاب للبر لانه بيصير عائق للسياره او الاكتفاء باكفر الي معلق

على باب ورى......

السياره الخاصه بالبر للي يقدر يخصص سياره للبر

1- بالنسبه للونيت... شاص تويوتا .... والصالون ... GX

2- بالنسبه للونيت ... شاص باترول...والصالون ... SGL

3- باجيرو صالون

اسباب اختيار هذه السيارات دون غيرها

اولا اثبتت هذه المجموعه انها اكثر السيارات من واقع تجارب اهل الخليج لها في الاعمال الشاقه تحملا

ثانيا الاقل لما يسمى بالعكاس او الخرابات المفاجئه التي تنتهي بدون حل

ثالثا سهولة اصلاح الاعطال الروتينيه وكذلك سهولة اكتشافها أ- لسبب

انتشارها بين الناس ب- في حالة عدم المامك بالامور الفنيه للسياره

سوف تجد من يستطيع اصلاحها ج- امكانية وجود ما تحتاج من قطع لا

توجد معك مع الاخرين....

ثالثا تتمتع هذه المجموعه بمكاين ممتازه للتعامل مع التضاريس الصعبه

مثل الجبال والرمال والطين وما شابه من ما قد يواجهك في البر حيث

ان قطع كم كيلو رمل والدبل مشبوك في غير هذي السيارات سوف

يبين لك عيوب ما تتوقعها ولا اريد هنا ان اوضح بعض السلبيات لبعض السيارات

ولكن هناك ارتفاع كبير في الحراره يعني يوصل H ونقص في الزيت يصل

الى علبتين احتراق الكلتش وامور اخرى كثيره...

وهناك سياره جيده اخرى ومرغوبه لدى الكثيرين وليس فيها اي عيب

سوى الصغر وهي جيب تويوتا ربع موديل 2002 وكذلك باترول م2002

باب واحد وهذه السيارتين الاخيرتين تمتاز يقصر شاصيها وخفة وزنها

وامكانيات هائله في المناورات ومن الممكن اضافة الباجيرو باب واحد ...

الموضوع يطول ويطول ولاكن لا نريد الاطاله حتى لا نسبب لكم الملل...

وبقي ان اقول موضوع في غاية الاهميه ان البر لا تكفي له سياره واحده

ولا عند الضروره والافضل دائما والانسب ثلاث سيارات وست اشخاص

والذكي من استفاد من مصائب غيره ...

واذا كان الموضوع تطعيس في النفود وفي اماكن يجتمع فيها الناس واذا

خربت السياره راعي السطحه او الونش واقف على جنب او اي واحد

من الشباب يوصلك للي تبغى فالموضوع يختلف وكل يجرب الي يعجبه

ولكن ثبت من ما شاهدنا مع طول الوقت انه ليس هناك منافس

للشروكي والرانقلر ...الى ان طلع التويوتا ربع 2002 حيث سحب

البساط من تحتهم وبدون رجعه والفرق كبير ...

ارجو ان اكون قد توفقت في توصيل معلومه مفيده

وتقبلو تحياتي

مارين

القماري @user_1541 · 24-08-2002

إلي يقول اللاند أقوى من السوبر سفاري غلطان (اللاند شهرة على الفاضي حاله حال الكابرس ) خذ لك فيه طلعتين على الطعوس وشوف بعيونك كيف يدوخ ومن تضرب فيه شوي رمل طاح الصدام الامامي .
وش فيه زود على السفاري ؟ أفضل نوع فيه ال VXR وشوف الفرق في سعره تقول رولزرايس وهوه كله تويوتا لاراح ولا جاء ،ويكفيك إستغلال الوكيل ، كل سنة يزود السعر والمواصفات هي هي
وبعدين كل السيارات تعتمد على السائق يعني باترول ما رقى طعس هافمون (المشكلة في السواق وليس في السيارة)
وأناهيك طعوس الامارات أطلق وأصعب وأجمل من طعس هافمون إلي صار حاله ذا الحين والشارع مايتعدى العشرين متر.

ابوعلـــ2002ــي @user_1318 · 24-08-2002

صح والا لا

مارين @user_1315 عضو صاحب الموضوع · 24-08-2002

السلام عليكم

وجودك معي يطرح البركه ملغوم لانك وجه مبارك

بس ياخوي ما معي موتر تطعيس لاكن عندي لك حل الموتر عليك

والتطعيس على ولا لك الا طيبت الخاطر كل جمعه تطعيس وساعة صدر

وانت اقعد زبط الخرابات الي تصير من السبت للخميس والجمعه نعيد

الموضوع وانت الربحان لانك بتستمتع بالتطعيس وبتشغل نفسك طول

الاسبوع بالاصلاحات...

وشكرا لك على مداخلتك

وللجميع التحيه

مارين

ملغوم @user_1383 · 21-08-2002

السلام عليكم ..

تحية لك على هالمواضيع المفيدة ..

وأنا بصراحة ( خبرتي توها يادوووووب بالتطعيس والبر ) ...

ياليت تحجز لي مكان الراكب الأمامي ..من الحين الى بعد الربيع ..

ترا أخوك خوش أخو على الخطوط والسفر ..

بس التطعيس والبر ... فمنكم نستفيد ..:مشكل:

الحلوو @user_958 · 13-08-2002

الى لاند كروزر......
انا شفت جيب لكزس LX470 فيه شاشه بالطبلون او كمبيوتر مو متاكد هذا بكم سعره؟؟؟:باي: :باي: :باي: :باي: :باي:

لاندكروزر vxr @user_910 · 13-08-2002

يمكن ب150 الف أو 160 الف

بس نصيحة لك ان كنت ناوي انك تشتريه من دبي تأكد

من قوته (250 حصان) وطبلونه 220 كم

وتأكد انهم ماقفلوا الطبلون علشان لماتصدره قلهم بافك الطبلون

مع السلامة:باي: :باي: :باي: :باي: :باي: :باي: :باي: :باي:

الحلوو @user_958 · 12-08-2002

كفيت ووفيت شكرا الف الف الف شكر
بالسعوديه 180الف
يعني بدبي 150 الف تقريبا؟صح؟

لاندكروزر vxr @user_910 · 12-08-2002

في بداية عام 2002

كان سعره 210 الاف ريال

اما الحين تلقاه ب180 ألف ريال

عندك طلب ثاني امر

مع السلامة:باي: :باي: :باي: :باي: :باي: :باي: :باي: :باي: :باي:

لاندكروزر vxr @user_910 · 12-08-2002

طورت لكزس الجيل الجديد من أل ، أكس للسيطرة على قطاع سيارات 4×4 الكبيرة المترفة ، فجاءت بتصميمها الرائع وعوامل الترف المطلقة مثل العدادات الكريستال والمحرك الجديد كلياً من 8 اسطوانات سعة 4.7 ليتر بقوة 250 حصاناً ، وبنظام تعليق الكتروني للتحكم بإرتفاع السيارة

باختصار اللكزس كل اللي تبيه موجود بالسيارة نصيحة لك لون أسود والا ابيض

وضلله اسود سواء هذا اللون او هذا اللون وقلب الكفرات(لاتبين حروف الكفرات)

والله يهنيك فيها (يعطيك خيرها ويكفيك شرها)

مع السلامة:باي: :باي: :باي: :باي: :باي: :باي: :باي: :باي: :باي: :باي:

لاندكروزر vxr @user_910 · 12-08-2002

تامر امر

الحلوو @user_958 · 11-08-2002

شكرا على ردك بس ممكن يامارين صور للجيب الاند كروزرVXR رقم 3 من الداخل والخارج والسعر بالسعوديه وبدبي ولك تحياتي وهذه بوسه على راسك

:بوسه:
عشان بقارنه بالجيب اللكزس؟
ومن وجهة نظرك اش رايك بالجيب اللكزس؟؟؟
علما اني ابغي جيب للكشخه مو للبر

الحلوو @user_958 · 11-08-2002

شكرا على ردك بس ممكن يامارين صور للجيب الاند كروزرVXR رقم 3 من الداخل والخارج والسعر بالسعوديه وبدبي ولك تحياتي وهذه بوسه على راسك

:بوسه:
عشان بقارنه بالجيب اللكزس؟
ومن وجهة نظرك اش رايك بالجيب اللكزس؟؟؟

مارين @user_1315 عضو صاحب الموضوع · 11-08-2002

السلام عليكم

الشكر الجزيل لكل من قام بالمداخله او الاضافه

والشكر لكل من مر على الموضوع ....

الاخ الحلو

الناس رغبات ولكل انسان ما يرغب فرغبتي الشخصيه قد لا تعجب

الاخرين ولاكن بالنسبه لي VXR رقم ثلاثه الي هو اعلى المواصفات

يعتبر عندي افظل سياره صالون سواء دفع رباعي او عادي زي الجمس

وبعده يجي السفاري ايضا الفل كامل لما في هذه السيارات من مواصفات

جيده سبق ذكرها ولا توجد في غيرها...

الاخوه الكرام حيث ان الموضوع عن السياره الانسب للبر وتحول الحوار

الى التطعيس فقد تم كتابة موضوع مستقل (السيارة الانسب للتطعيس)

ليتم الحوار عن التطعيس هناك وعن البر هنا..........

وللجميع التحيه

مارين

الحلوو @user_958 · 11-08-2002

شكرا على ردكم بس ممكن يالاند كروزر صور للجيب لكزس من الداخل والخارج والسعر بالسعوديه وبدبي تكفى لانك اقنعتني بالجيب لكزس ولك تحياتي وهذه بوسه على راسك:بوسه:

لاندكروزر vxr @user_910 · 11-08-2002

نصيحة لك جيب لكزس اللي مثل اللاندكروزر في اكس ار

اما ان كنت مصمم على الموترين(اسكاليد)(لاندكروزر) خذ لك

لاندكروزر بس ان كنت ماتبيه للبر تدور الفخامة خذ جيب اللكزس

مع السلامة:باي: :باي: :باي: :باي: :باي: :باي: :باي: :باي: :باي: :باي:

لاندكروزر vxr @user_910 · 11-08-2002

دايما تقول الامارات والامارات أنا مقابل ولد خالي جايب واحد اماراتي

لاندكروزر طبلونه 180 لايعرف طعس ولاشيء

حبيبي اهل الامارات يبون يعرفون قوة مواترهم يجون عندنا الشرقية

هافمون ونشوف من احسن الباترول والا اللاند

مواصل تعال هافمون وتشوف انه الباترول مايدبر شيء

فهمتني محد يرقى القص الا القوي

(قاهرة الأرض)

مع السلامة
:باي: :باي: :باي: :باي: :باي: :باي: :باي: :باي: :باي:

][][مواصل][][ @user_881 · 11-08-2002

لا الباترول مصنوع خصصيصا للرمال والدليل شف المسبقات الاماراتيه لانهم مهتمين بالجيوب دايم يصير الباترول الافضل
خاصه بع تقويه مكينته للموديل الجديد

فيصل @user_218 · 11-08-2002

كيف نشكركم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاندكروزر vxr @user_910 · 10-08-2002

السفاري أضعف من اللاند في ارتقاء المرتفعات

والدليل يوم الخميس كل انواع تويوتا تطعس في هافمون

في اكس ار وجي اكس وجي

كلهم رقوا القص وجاء بعد حيي الشاص ورقاه

والكبسولة الاسود ماعرفت راعيه
وجاء اللاند القديم ورقاه مثل السلامم عليكم

ماكان أبد في نيسان الجيب الغريب هو الرنقلر

كان احسن جيب في ارتقاء القص لاند جي عادي أصلا مايجي منه اوتوماتيك

ورقاه وجه لوجه القص لان اللاندات والشواص والكبسولة كلهم يرقون

مثل الاشارة اللي بأحطها لكم \ فهمتوني اما الجي وجه لوجه

اذا واحد يبي لاند طعوس مو كشخة ياخذ جي اف شيء وأرخص شيء

مع السلامة

:باي: :باي: :باي: :باي: :باي: :باي: :باي: