السلام عليكم ورحمة الله وبركاته ,,
اتمنى من الاخوان اللي ماجربوا انهم مايحكمون على السيارة او الوكالة بدون معرفة ..
الوالد كان معاه فولفو قديم مشت 500 الف كيلو وعاشت 15 سنة وللحين عمرها تقريبا 20 سنة عند واحد نعرفه وعدت 650 الف كيلو ومازالت تمشي على نفس المحرك ..
وانا عندي فولفو S60 توني شاريها مستعملة مالها شهر معاي ..
وان شاء الله جيب الفولفو في الطريق ..
الوكالة والصيانة وقطع الغيار :
اهم قضية تشغل كل الناس اللي تبي تشتري فولفو ..
صيانتها وقطع غيارها مهيب رخيصة لانها غير متوفرة الا بالوكالة ولو وديتها لورشة بيعفسونها عليك لانهم مايعرفون لها ..
قبل مااشتري سيارتي الكل حذرني من الوكالة حتى الوالد نفسه اللي كان معه فولفو فقلت خلني اقارن بينها وبين الوكالات الثاينة ..
وبديت اخذ قطع معينة واسأل عنها عند فولفو وعند اكثر من وكالة مثل الاسطب و البواجي و امور اخرى ..
اتصح لي ان الوكالة الوحيدة اللي اسعار قطع غيارها رخيصة هي تويوتا ولكزس بس ..
اما انفينيتي وشفروليه وفورد وميتسوبيشي وهوندا تقريبا نفس الاسعار مافي فرق كبير ..
واتضح لي ان اكبر وكالة في النصب هي وكالة بي ام دبليو ..
لكن لاتاخذ كلامي ان معناه فولفو ارخص من فورد او ميتسوبيشي او شيفروليه باسعار قطع الغيار لان بعض السيارات تتوفر قطعها برى الوكالة فتكون ارخص عليك ..
لكن اذا كنت تتكلم عن وكالات لافرق نهائيا بين جميع الوكالات كلهم اسعارهم ناااااااار ..
الفولفو بشكل عام :
فخمة وقوية لابعد الحدود وتنافس السيارات الالمانية بقوة وتتفوق عليهم احيانا ..
لكن نصيحتي لك انتبه تاخذ فولفو محركها صغير اذا مايكون فوق الـ 200 حصان لاتاخذه لان السيارة تقيلة واجد مو اي محرك يعطيها القوة الكافية واذا تقدر تلاقي فولفو فيها تربو فهذي افضل شي ..
ومادامك بتاخذها مستعمل خذها من الوكالة عندهم مستعمل نظيف ..
وماانصحك بالـ S40 اذا كان موديلها اقل من 2005 لانها مافيها فخامة نهائيا ..
