يا جماعه الخير لو واحد فكر منكم يشتري سياره (( لومينا )) (( افلون )) وش يختار؟

السلام

انا اقووول برايي ان الافالون احسن و انا يوم جيت بشتري سياره احترت بين كابرس اس اس وافالون لاكن للااسف اخذت ss او شهر وناسه تدعيس ومقاوم وبعد شهر زهقت صرفيه بنزين على كيف كيفك وياخوي كابــssـــــرس انت مستهين الياباني مع العلم انه عملي اكثر ويمسك سعره واكبر فشيله بعد انه 8 سلندر يجيك موتر 6 سلندر ويقوم عليك الاي هو الالتيما وماتجيبه الا على حدود 200 بعدين تروح عليه ومع العلم فرق كبير بالمكينه الكابرس اس اس احلى مافيه شكله الخارجي بس وبعد كم سنه بيزل شكل جديد وبيكون حقك قديم ولو نتكلم عن المواصفات اخووي NICK قال اغلب المواصفات ونتيجه هي الافالون بلا منازع ولو نتكلم عن اقوه الكابرس اقوى وانا اقول اول شهر شهرين وناسه تدعيس بعدين تزهق والقوه مو كل شي والشكر

والله بصراحة .. الومينا فيها مشاكل .. والافالون كذلك .. لكن اللومينا ارخص ..

واذا كنت تبي بدائل أفضل .. عندك اللكزس 300 (( يمكن غالية عليك شوي )) ، وعندك الاكورد بسعر اللومينا تقريبا ..



تحياتي للجميع ..

يعني الغالب ان الكل يؤيد ان الافالون افضل !

وش رايكم طيب نقارن؟ نقارن الافالون بالكابرس ltz فل كامل 8 سلندر

اول نبدا اول من المحرك والقير والسواقه والفرامل وامور القياده
الكابرس 8 سلندر 295 حصان تسارعه في 6.8 الى7.5 ثواني تقريبا وقير بوكس 4 سرعات ويفصل عند 230 ورساوته لك عليها وفرامله سيئه واللي يقول انها ممتازه والله انه متعصب ومجرب حتى ال 2005 نفس المشكله
الافالون 6 سلندر 280 حصان تسارع 6.6 يفصل عند 250 قير 5 نمر مع خاصية التبترونك وراسوتها حلوه ما اقول مرره لكن افضل من الكابرس بكثير وفراملها ممتاااااااااازه جدا
واللي يبي يعرف كيف الاي بي اس صدق يجرب يضغط فرامل بقوه بالكابرس ويشوف وشلون التفحيط يجلس ساعه عشان يفك ويمسك هذا اذا ما هج بك لكن الافالون علىى طوول يمسك
زبدة الكلام على القوه تسارع السيارتين متقارب وحتى لو بدا يبعد الكابرس ما راح تتجاوز المسافه سياره الى سيارتين وبعدها بيفصل والافالون ما يفصل وش استفدنا؟
من ناحية استهلاك الوقود الافالون اقتصاديه اكثر
نجي للمساحات الداخليه
الكابرس المسافه للارجل المخصصه للركاب في الخلف كبييره وبدون مبالغه اكبر من السيارات الالمانيه الاارج لكن عيبه في النص ورا مكان مرتفع عشان عامود الكرنك وهذا اللي ما يخلي اللي يركب في الوسط مرتاح
الافالون وسيييع جدا لكن مو مثل الكابرس بس يفي بالغرض واكثر + امكانيه ركوب 4 اشخاص لان العامود مو موجود ففيه مساحه غير كذا الكراسي الخلفيه متحركه

الكراسي الاماميه تتفوق فيها الافالون من ناحية الراحه ومن ناحية اتجاهات الحركه

نجي للمواصفات
الافالون مراتبها مكيفه ومدفئه الكابرس لا
الطبلون ليد للافالون الكابرس لا
مسجل الافالون 6 سيديات + كاسيت اما الكابرس cd,sبس والافالون فيه خاصية قراءة السي دي
بصمه وتشغيل بزر في الافالون الكابرس لا
نظام الحفاظ على الاستقرار (في الافالون الخليجي لان السعودي ما راح ينزل الا بالدفعه الجايه) الكابرس مافيه
الكابرس فيه كمبيوتر تقدر تتحكم فيه ببعض الاشياء مثل قفل الابواب مع القير وعدادات وغيره والافالون مافيها
الافالون 7 اكياس هوائيه والكابرس 2 وزين اذا اشتغلوا بعد
الافالون 12 سماعه بنظام صوتي و 320 واط الكابرس سماعاته فاشله واللي معه يعرف هالشيء
اختبارات السلامه الافالون 5 نجوم الكابرس؟؟؟؟؟؟؟
الافالون انوار زنون بحساسات لاستشعار قوة الضوء الكابرس لا
الافالون حساس للضوء الكابرس لا
الافالون حساس للمطر الافالون لا
خامات الافالون الداخليه افضل بمراحل من الكابرس وتشطيب داخلي وجوده اكبر من الكابرس الا بسألك عزيزي كابرس ss الديكور عندك ما يطقطق :D
وغيررررره وغيييييييييييره وغيررررررررره

وجايين تقارنون والله حرام عليكم مافيه وجه مقارنه ابد الكابرس والله حده 80 الف للفل كامل ونشوف مبيعاته بعد الافالون وش بيصير فيها

هنا عزيزي كابرس مافيه مقارنه لكن اللكزس ابيك تجيب لي شي في الالماني مو في اللكزس وانا اجيب لك عشره

:D

كابـــSSـــرس

مشكور على ردك اللطيف .............................ومافيه زعل ولا شيء أبداً بالعكس ........

بس أنا بما أني ( أميل للفخامة والمواصفات ) أكثر من المحرك فهذا اللي يجعلني أفضل الأفالون على الكابريس ...........

وعلى العموم.......هذا رأي ......

وعلى فكرة ..........ترى سيارتي ليست هوندا أكورد ..........

تحياتي لك

8
8

فهذي النقطة يالغالي انا معك ان من يبحث عن الاقتصاد فهذا امر اخر

رغم اني وبكل امانة الكابرس ماشي معي مظبوط وبدون مبالغه من طلعته ماقد عبيته في الاسبوع مرتين الى نادر

واعبيه ب51 ريال كل اسبوع الى مره عبيته ب 58 ريال اما في الخطوط الطويلة مريح جدا جدا جدا |1|

لكن بسنبه لي انا ماعندي اي مشكلة ولله الحمد

والخير واجد واهم شي يالغالي الراحة وساعة الصدر وتكون لك هيبة في الشارع من خلال قوة السياره

والفلوس تروح وتجي مع اني لاني موظف واعتمد على مكافئات الجامعه الى اني لم احس بمصاريف البنزين

لان الموتر يغطي علي المصاريف ويخلي الواحد ينسى من خلال قوته وادائه وفخامتة ورحاتة

ولاننسى يالغالي انه دفع خلفي وهذا مايميزه ايضا كباقي السيارات الفخمة

وكذلك يالغالي الكابرس كأنة يوكون مصفوطة مرتبته الاخيره << الله من زين الوصف

يعني ينفع لعائلة تتكون من 6 اشخاص يعني اخوي لكزس ES الي معه

اذا جينا نركب معه قدم مرتبه اخر شي على شان يفسح للي ورا ؟؟

ومثل ماقلت الرياض مافيه مرتفعات كثيره ولكن اذا طلعت برا الرياض هنا يفيد سوا في الخط او المرتفعات ( الغربية)

وصدقني يالغالي انا لاني محارب الاكورد ولا الافالون ولا الكزس وانا والله من محبين هذي السيارات والاكورد خصوصا

ولكن مثل ماذكرت لك الاسباب التي جلعتني افضل الكابرس عليهم ولكن انتم ياحقين الياباني محاربين ومتعصبين :D

لدرجة انكم جلعتوا الياباني يتفوق على الالماني :confused:


وانت وضحت وماقصرت في توضيحك والله يبارك فيك يارب وصدقني ان الزعل انا رافضة من اول

لان مهما اختلفنا وتحاورنا واختلفت ارائنا فأن الحديد لن يفرق الاحبة وسنظل اخوة متحابين

وانا والله احد الي يعشقون اكورد وبس من خلال ردوده ومواضيعه لان الحوار معك ممتع للغاية

تحياتي لشخصكم الكريم

أنا أبجي بكرا وأرد رد مرتب إن شاء الله

بس ودي أبين نقطة مهمة

أنا قلت ( القوة ليست كل شيء )

ويا مشعولي قلت ( اما اذا كان نظرك ان القوه فما هي كل شي فهذه غير مستغرب على مالكي السياره اليابانية )

أنا لو إني محتاج لسيارة قوية كان شريت أقل شي ماكسيما ، بنفس سعر الأكورد و6 سلندر وقوية جدا ، لكني ما أهتم بقوة السيارة بشكل كبير ، لأني أدري إني أبدفع ضريبة للشي هذا ، وهو صرف البنزين وأيضا زيادة تعقيد المحرك وارتفاع سعر صيانته وقطع غياره ، وهذا شي بدهي

بالإضافة إلى إني عايش في الرياض ، لا جبال ولا مرتفعات ولا شي يخليني أضطر أشتري مكينة قوية

لو إني في الجنوب مثلا كان ما أفكر إلا بالستة سلندر وطالع ، لكني بما إني في الرياض الـ 4 سلندر تعطيني قوة ممتازة ، يكفي إني أجيب فيها 220 ، وش تبي غير 220

عموما ، اللي عاش مع الـ 8 سلندر وجرب الـ 4 سلندر راح يحس بالفرق في الاقتصاد ، مشاوير الرياض تقطع الظهر

لعلي وضحت النقطة بشكل جيد :)

وبدون زعل يا شباب :)

8
8

طيب الي تشوفه يالغالي

وابشرك بعد ترى الاكورد تتفوق على الكابرس

بس حبيت اقول شي الاسترالي انا ماني مدافع عنه لانه هو يدافع عن نفسه في الشارع

ومن ناحيتي انا ادور القوه والحمد الله لقيتها هي والمواصفات والشكل الخارجي متوفره بالكابرس

اما اذا كان نظرك ان القوه فما هي كل شي فهذه غير مستغرب على مالكي السياره اليابانية

لكن نصيحة لو جه لاتجعل الله عرضة لايمانك في كل شي وخصوصا في هذه الامور لانها قد تصيب وقد تخطي

تحياتي لك

والله العظيم إن الأفالون أحسن من الكابريس LTZ ولا فيه أي مقاااااااااااااااااااااارنة .....يارجل خلك واقعي !!!! :)

وش جاب لجاب .......................

والمحرك ليس كل شيء .................وإذا كانت كذا ......

أقولك يكفي إن الأفالون (( تويوتا )) ........والكابريس (( أمريكي )) .....لا بعد (( أسترالي )) ......... :)


وش تتفوق فيه ...المحرك ؟؟؟.....فقط ؟؟؟


تحياتي

اخوي اكورد

الافالون وش تتميز فيه هل في الشكل ؟ هل في العزل الصوتي ؟

والمواصفات الكابرس فيه مواصفات كثيره وجميعها يمديك تتحكم فيها انت بالكميوتر وهذا ميزه ايضا

والكابرس اقوى ويالغالي مع احترامي لك اكيد اي واحد معه موتر ضعيف بيقول القوة ليست كل شي

لكن في الحقيقه ان القوه مهمه جدا في بعض الظروف

لكن انا من الاشخاص المعجبين بالافالون ولكن اعتقد انها لاتقارن بالكابرس v8 لانها ليست من نفس الفئة

ولكن قارنها بنفس فئتها كابرس ls 6 سلندر تجد الافالون تتفوق في بعض الامور والكابرس 6 سلندر يتفوق في بعض الامور

وفي النهائية كل الافالون والكابرس هما الافضل الان لعشاق الامريكي والياباني

وكلهم فخمات وفيها مواصفات حلوه

الكابريس 8 سلندر أرخص من الافلون 6 ...ليش بالله تبيه ياخذ ال6 ويخلي ال8 سلندر 340 حصان | |10|

القوة هيبة |4|

الأفالون أفضل من الكابرس ، وأنا عند كلمتي

وأنا أتحدى أي واحد يجيب لي مواصفات الكابرس والأفالون ويثبت لي إن الكابرس أفضل

لا من ناحية السلامة ولا الفخامة

أما من ناحية الشكل فهذا حسب الذوق ، الناس يختلفون من الناحية هذي ، وأنا أشوف إن الكابرس أحلى ، لكن من النواحي الأخرى الأفالون ولا شك

الأفالون 6 سلندر 3500 CC بقوة 280 حصان ، والكابرس 6 سلندر 3600 CC بقوة 230 حصان

أما الكابرس 8 سلندر فهي أقوى ولا شك ، وهذا اللي تتفوق فيه الكابرس ، والقوة ليست كل شي :)

لو تخيرت بين SS و أفالون فل كاااامل (( خذ أفالون وأنت مغمض وتضحك بعد :) ))

ولو تخيرت بين S و أفالون عادية (( خذ لك أكورد :) ))

تحياتي

انا عندي لومينا اس اس


و لو خيروني بين ال اس اس و الافالون اختار الافالون(الفلل)
لومينا اس و افالون (اقل نوع) فيه شوي حيره شوي

بس اعتقد الافالون

بس يا اكورد وبس الكابرس يمكن فيه افضليه من الافالون يكفيك هيبة وقوة وعزم جبار وحجم فخم وشكل اروع اما الفخامه لصالح الافالون تقبلوا تحياتي............

الافاااااااااالون اعقلهااااااااا وتوكل

اشكركم اعزائي على الردود الرائعه ! تحياتي لكم