السلام عليكم ورحمة الله وبركاته
شباب أنا رحت للوكاله يوم الخميس الصباح أبي أستفسر عن الجمس Z71 وتفاجأت بأنه غير موجود وأن الوكاله ما جابت إلا واحد بس وباعته وإذا أبي واحد لازم أسجل إسمي ورقم الجوال عالشان إذا وصلتهم دفعه يتصلون علي علما أنه في أربعه قبلي مسجلين أسمائهم وأنا بصراحه الموتر داخل مزاجي وسجلت إسمي عندهم وأنا رقم أربعه عندهم وقال لي لازم تصبر على الأقل شهرين
أنا أول مره أشتري وانيت فهل تنصحوني فيه واللي جربو الجمس إشرايكم فيه ينفع حق مشاوير وروحه وجيه ولا بس حق تحميل وتطعيس
أنا با خذه لأن عجبني شكله 2005 مررره حلو بس خايف أتورط فيه
والمقعد الأمامي يجي كامل ولا مفصول ؟لأن الصور اللي في النت أشوفه مفصول بس ما أدري إللي يجي عندنا كامل ولا مفصول إذا مفصول مصيبه
والله يكتب اللي فيه الخير
أخوي بو العابد أنصحك فيه بشكل غير طبيعي فهو موتر محترم عليه الكلام:o
تبيه حق دوران ومشاوير يصلح ومريح.
تبيه حق تحميل أفضل شيء وهو أختصاصه.
تبيه حق تطعيس أن ينتف المواتر كلها الي في الطعوس مع مراعات أخذ ناقل الحركة اليدوي مع الدبل اليدوي
للمعلومية ترى هذا النوع من جمس Z71 والذي يسمى بـ(سييرا) يقدر يطعس أحسن من تويوتا الشاص صدق أو لا تصدق أنا شايف بنفسي في طعوس حفيرة نساح في يوم الجمعة وقت العصر متجمعة مواتر كثيرة ومنها هايلكسات وشيصان
(جمع هايلكس وشاص:D ) المهم الشاص يجي من بعيد علشان ينطح طعس صعب للغاية وماشاء الله يرقاه كله
بينما جمس سييرا موديل تقريبا 93 غمارة يشوف الطعس على يمينة ويلف ثم يدعس البنزين كله وهو في بداية الطعس!!! يرقاه كله!!!!!!!!!!!!!!!!!!!!!!!!! وليس مرهم أبداً
ها وش رايك !!!!!!!!!!!!!!!!!!!!!
وأزيدك من الشعر بيت:
تبيه حق مقاوم فهو حق مقاوم :D مع مراعات المحرك الكبير له لفئة Z71 وهو 8 سلندر سعة 5.3 لتر شف بس القومة
وأي سؤال أخوي أنا حاضر
أنا ودي أشتريه بس على حسب توفر الدراهم علشان أشتريه , بشتري واحد أسود دبل غمارة طبعا وشف وش بسوي في الناس:D
بس مو شايف أن مكانه الصحيح هو منتدى الدفع الرباعي وسيارات النقل:rolleyes:
بنسبة أخوي للمقاعد الأمامية تأتي بشكل كأنه مفصولة زي المركة التي تنصفط لكي تكون تكاية أو تعيدها ليتسع لشخص في مكانه هذا مايوجد فيه وهو فقط في طراز SLE يوجد طراز SLT وهو الأفخم بس مايجي منه غمارة ياغمارة ونصف أو غمارتين
وأقولك مبروك مقدما ولا تنس يكون غمارة ;)
