لأصحاب الأوبل أوميجا ... هل تعرضت لهذه المشكلة ؟

انا حصلت معي مشكلة خلط الزيت بالمويه وسيارتي 6 سلندر بس ماحصلت معي الا بعد حادث صارلي وكانت الحرارة عندي لسا ماظبطت وصار اللي صار ... صلحتها بحدود 1200 ريال تقريبا ... طبعا بعد انتهاء الضمان
السيارة جدا جدا مميزه على سعرها وجودتها عاليه لكن عندنا بالسعوديه ماتنفع الحراره تقضي عليها وهي اكبر واكثر مشاكل السيارة وسبب خلط البنزين بالمويه انه تخرب الطمبه اللي تحت الثلاجه وغالبا بسبب الحراره الزايده .. وعموما تقريبا هو عيب مصنعي بالسيارة مو بس عندنا بالسعوديه حتى بأوربا تحصل وبأمريكا .. بس امريكا ماتجيهم باسم اوبل كانت تجيهم باسم كاديلاك كاتيرا .. وفعلا يشتكون من قضية خلط الزيت بالمويه .

اساسًا الرقم يجي بكرت إذا اشتريت السيارة

لكن
الرقم انا لقيته مكتوب بالسياره
افتح الشنطه افتح الدرج الأيمن
تلقا عند مفتاح البنزين رقمين مكتوب بقلم عريض
مثلا PQ 1234
هو رقم المسجل




لكن
انا معي المسجل
قفل
يعني راحت 10 محاولات
وتقفل
يعني مثل الجوال

طيب دورة عليه بالكاتلوج حقها

فيه قطعة حديده صغيره تجي في الباب على جنب

او تجي لافتحت الكبوت في بالقرب من المساحات

تجي فيها بيانات السياره

ومن ضمنها رقم المسجل

دور وتأكد انا مامر على الشي هذا

لاكن يمكن انت تحصل

لا أعتقد أن هناك حل آخر

انا حصلت هذي المشكله معي
على وقت الضمان واكيد غيرته
على الوكاله
قالو المشكله هذي ان الثلاجه
تنكسر وتخلط الزيت مع الماء


ومشكلة قطع الغيار
غاااااااااااليه
امس شريت
صره الكرتير بـ 45 ريال
خرب بسمار عامود التوازن ( بسمار طوله 20 سم ) بس
قالولي 430 ريااااااااااال بعد التخفيض حرااااام




عندي مشكله
تكفون ابي حله

عندي المسجل الرقم حقه ضااااااع
وللاسف المسجل توقف ولاعاد يشتغل
رحت للوكاله قالو ب650 ريال افك الرقم لك
(((((( يقول نرسل المسجل لألمانيـــــا ))))

تكفون اللي يعرف الطريقة اللي يفك الرقم وشلون
يقول يقول يقول

السلام عليكم

المشكلة هاذي الحمد لله ماواجهتني

انا سيارتي 4 سلندر والحمد لله ماشية معاي تمام موديل 2001
كل الي سارت لهم هالمشكلة عندهم 6 سلندر وما اعرف اذا ضبطت معاهم الحين والا لسة يعانون من الشي هذا ؟؟

على كل حال الاوبل سيارة جيدة وتعتبر كامري المانيا |6| حتى شرطتهم اوميجا

والله موتر يستاهل وغير كذا ارخص سياره فخمه بالمواصفات والرساوه والقوه والامان والشكل بعد بس للاسف الوكيل هو الي عادمها

اخوي معاه 4 سلندر والله كانها لي دايما اسوقها حتى اني صرت اعرف وزنيتها وقت الهجه
>>>>>>>راعي هجوله الله يصلحه خخخخ

بس صراحه كل قطعه غيار في سعرها مثلا الفحمات تقعد سنتين اذا انت استخدام مدينه
ولاحظت اسعار قطع غيارها نزلت شوي بسبب الشكاوي وانخفاض المبيعات بس للاسف لم تدوم اليورو ارتفع وارتفعت قطع غيارها

والحين اخوي بيبيع موتره لانه مستغنى عنه شرى التيما مثلي ومسببه الزحمه بمواقفنا هههههه

الي وده يشترى حياه
مواصفاتها 4 سلندر نص فل جنوط 17 زنون سي دي شنجر 4 اسطوانات وكاسيت كلها شد بلد بالاظافه لجلد تركيب بدون فتحه فيها تدفئه مراتب وكراسي كهرب ماشيه الحين حوالي 76 الف موديل 2002 لون ازرق مائل للاخضر على خفيف
فيها صدمات بسيطه في الخلف وتم تغير الصدام كامل ومافي البودي اي رشه
ماسمناها والسياره حاليا ماهي بالرياض ارسلت لجده لسومتها هناك

وانا اشهد بجودتها ....

الفرامل صح غاليه بس مغيرها على 95 الف ,.. ما قد مرت علي مثلها ... مو مثل اللكزس 40 الف وقامت ترقل فحماتها ..

والزينون ولله الحمد ما قد احترق بعكس السيارات الثانيه ...

على فكره الاوبل امويجا كورلا شركات التأجير بأوربا لسبب واحد جودتها العاليه وقدرتها على التحمل ... يكفي انها ب 80 الف وضمانها سنتين مفتوح الكيلو ... من زود الثقه بجودة سياراتهم ...

وبالنسبه لهالمشكله انا سمعت فيها ولله الحمد ما قد صارت لي ... وعلى فكره اصحاب اللوبل المزوده بمكينه 4 سلندر ما عانوا منها ابد ابد ... كل اللي سمعت عنهم 6 سلندر ... :) والله يستر

أخوي لو بنفكر سوا

بتجد سبب إرتفاع الأسعار

أنه ذو جودة عالية وتقنية فريدة

لأن الشركة اوبل ما قررت في السابق قرار بإقافها إلا بسبب الخسارة عليها

لأنها تصنع من مواد نادرة وثمينة جداً

أتمنى لكم التوفيق

ولكم التحية...

أتفق معاكم إنها سيارة ممتازة
لكن أسعار قطع الغيار .... نااااااار
تنافس أسعار قطع غيار الأودي

انا بعت السيارة

واقسم لكم بالله اني ندمت على بيعتها

اااااااااااااااه

كلما اشوف اوميغا اتحسر

والله سيارات

بصراحه اللي ماجرب الاوميغا ما ساق سيارة :D

هذه القطعة ما تخترب بس في الاوبل اوميجا ....... عندي فورد تورس خربت فيه ايضا .... وامرها سهل وتصليحها انك تلغي القطعة وتنتهي السالفة...... الاوبل اشوفها سيارة ممتازة .فكرت اني اشتري لي اوبل ولكن الناس الله يهديهم خوفوني منها ...ولكن انا اشوف العكس .عمي عنده اوبل 2003 6 سلندر .. وماشية تمام ومافيها اي مشاكل على الرغم من انه صاحب مشاوير ويقطع فيها مسافة 150 كم يوميا بحكم مكان عمله وللحين مافيها اي مشاكل غير التهريب اللي صار

بصراحة رغم إن عند أخويه وحده ولكن موديل 2002 وفل كامل

بس هذي المشكلة ما سمعت عنها

ولكن أنا أقول لك عزيزي بأن ليس من الضرورة أن تستغني عن السيارة

وخصوصاً وإن عرفت بأن سيارة أخوي ((ماشاء الله))ماشية 130 ألف كيلو

وكل الأعطال الي صادفته أشياء بسيطة وحظه حلو مع الوكالة وصيانتها

الأوميقا سيارة نادرة على لسان الخبراء

ولك التحية ياغالي,,,

الوليد الطائر
أنا سمعت عن واحد تعرض لهالمشكلة خلال فترة التمرين والسيارة ماشية 1500 كيلومتر فــــقـــط
أيضاً موديل 2003
والوكيل بدل له السيارة باخرى جديدة

mt252542
القطعة اللي ذكرتها اسمها Heater Valve
وهي أيضاً من القطع اللي تخترب في معظم سيارات أوبل أوميجا
لكن إنت ذكرت في ردك كلمة ( كان )
هل السيارة لازالت موجودة عندك ولا بعتها ؟

سيارتنا أيضاً موديلها 2002 وماشية 76000 وإلى الآن ما حصلت لنا المشكلة هذي
لكن من القصص الكثيرة اللي سمعتها عن هذه المشكلة تحديداً
طلبت من الوكالة إزالة القطعة هذي والمفروض إني أستلم السيارة يوم الأحد إن شاء الله

لكن يبدو لي إن المشلكة هذي نادرة عندكم

انا كان عندي 2002 ماكينة 6 سلندر

ماصار العيب هذا

بس فيه قطعة تهرب موية الرادييتور واصلحتها بما يقارب 200 ريال سعودي

علما بان السيارة ماشية 60 الف

يمكن اختلاف الموديل له دور