السلام عليكم ورحمة الله
انا اخذت باثفانيدر مستعمل موديل 2004 قبل كم يوم وبصراحة السيارة ممتازة واليك بعض الاجابات على استفسارك
1- اسعارة حسب ما اعرف من 79 الى 105 الف حسب المواصفات
2- السيارة تصرف بنزين لان مكينتها كبيرة وحسب التجربة اعبيها ب 61 ريال تمشي حوالي 400 كيلو
3- سعر قطع الغيار اعتقد انها مناسبة بالنسبة للياباني يعني القماشات القدامية ب 251 ريال والي ورا ب167 ريال
4- بالنسبة للعزم لاتشيل هم انا مشيت فيها 180 كيلو بالراحة وكان عندي لكزس 300 اي اس موديل 2003 وخليت واحد من الشباب يقاوم معاي وانا كنت اسوق الجيب وهو يسوق اللكزس وكنت معاه في القومة لحد 120 ويقول انه موقادر يعديني قبل كذا
5- مافي فرق بينهم الا ان الفئة الفخمة صارت جلد ومثبت سرعة
الشكل حسب ماسمعت انه راح يتغير في 2006 وبصراحة شكل الجديد روعة بس راح يكون اكيد بمحرك اكبر وصرفية بنزين اكبر
انا يومياً راح جاي من الدمام الي الخبر وبصراحة السيارة ممتازة بس بتحس بزياده صوت الهوى اذا كنت من سواقين السيدان وهذا طبيعي في كل الجيوب لانها مرتفعة
الي معاي قير اتمتك وجربتها في التطعيس في هاف مون وبصراحة سيارة عزم وقوة ماشاء الله
اذا نويت صلي ركعتين استخارة وتوكل على الله ومشورتي لك تمر الوكالة وتاخذ سواقة تجريبية احسن
وهذا موضوعي
http://www.assayyarat.com/forums/showthread.php?t=62279 
