السلام عليكم ورحمة الله وبركاتة
يا اخوان انا معاي سيارة فور قراند ماركيز 2000 امريكي فل كامل
وكان الرقم السري الي على البيبان شغاله زي اللوز ولا فيه مشاكل
قبل اسبوع صارت معاي قصة والله غريبة
الساعه 5 الفجر اتصلت الوالده الله يطول بعمرها وقالت انا اشوف انوار سيارتك مشتغله وهي تطل من الشباك
عاد انا قمت بسرعه قلت اكيد فيه احد عندها و جالس يلعب فيها لأنها كم مرة يسرقون مسجل سيارتي والطاسات
ورحت للسيارة ولا عندها احد وجيت بفتح الرقم الباب بالرقم السري رفض وانا متأكد ان الرقم 73750 رفض والرقم السري
تغير ؟ كيف ما ادري ولا فيه احد يعرف الرقم السري غيري وحاولت اكثر من مرة والنظام حق الأرقام كويس شغال ولا ابي اوديها للوكاله لأنهم
بيقولون ب500 او بيصفقوني سعر خيالي فياليت احد من الأخوان اذا كان يعرف اغير الأرقام بطريقة اخرى او بحركة معينه
الله يجزاة خير
