Dr.moon من عبداللطيف جميل بالرياض يخبركم تقريرا كاملا عن اللكزس GS 2005

بدون فتحة وتخشيبه وحساسات

هذا عند ابو جميل فقط طلبيه خاصه له (عشان ارخص)

اما باقي الدول ماعندهم هالنوعيه كلها بـ فتحة وتخشيبه وحساسات

وشكراا

مشكورين على جهودكم

فيه نقطة حزنت عليها كثير

وهي ما توقع لكزس بدون فتحة وتخشيبه وحساسات

اسم لكزس فوق وأغلى من الذهب

ولكن السياسة الجديده لـ جي اس 300

احزنتني كثيرا

ولكن كهما يكون لكزس لها مكانتها اللي مستحيل ان تنزل

وتبقى معشوقتي الاولى والاخيره

واتمنى لها التوفيق

السعر غالي

رح تفاهم مع ابو جميل الي الاسعار على كيفه

لا شكر على واجب

واشكرك على مرورك الجميل وللجميع الشكر

تشكـــر على جهـــودك ,,,





تحياتي ...

مشكورين على مروركم الجميل

السعر غالي عالسياره ...
ومشكور عالتقرير ...
**********

مشكورين اخواني على مروركم وهدو اعصابكم شوي

وازيدكم من الشعر بيت حتى الكميرا مافي (اخر مره رحت امس ويقول مافيها والبيبان الشفط اضاهر مو اكيد)

على العموم الي شوه سمعت تويوتا ولكزس عبداللطيف جميل لانه يزود بالاسعار على كيفه ويطلب سيارات ناقصه قطع ويركبها من هنا يعني سياره بـ175 مافيها لاجناح ولا فتحه ولا حساسات ولا دي في دي ولاكميرا وستاره خلفيه ولا تخشيبة دركسون وقير وفيه بعض الانظمه الداخليه موجوده بالفول وغير موجوده فيها ماصارت لكزس صار ددسن


على العموم مشكلتنا اعيد واكرر من وكيلنا ابو جميل (مشاكل- ارتفاع اسعار -قطع ناقصه -قطع تجاريه ومركبه هنا)

لكن حسبي الله ونعم الوكيل


وشكرااا
Dr.moon

بالنسبه للاسعار انا ما ادري عنه الحين طايح ولا لا بس يمكن تذكر انتشار خبر ارتفاع اسعار الالماني والياباني لارتفاع عملتهم وحبيت اوضح لك ان الارتفاع ماله علاقه بقيمة الصرف فقط لا اقل ولا اكثر

بالنسبه للاودي الفل اوبشن رح مر الوكاله الحين وشف كم سعرها :) لاني شايف اعلانهم قبل فتره قصيره اللي يتضمن عرض الصيانه المجاني

وسعرها في الخارج الفل اوبشن ثمانيه سلندر لارج يعني مرره ب 73 الف دولار وتقدر تدخل موقع مجلة موتور تيرند وتشوف مقارنتهم بين اللكزس والاودي والبي ام والمرسدس ومعهم الفايتون وموضحه الاسعار وكل شي
اذا ما عندك موقع المجله عطيتك الرابط

بالنسبه للكزس هذا عندنا احنا فئة وحده اما في امريكا تفصلها على كيفك حتى شف موقع لكزس متضمن رابط بلود يور لكزس
اما ابو جميل يجيب لنا نص مواصفاتها ويبيعها علينا بسعر كامل المواصفات باستغفال كبيرر

واتوقع وبنسبه كبيررره انه ما جاب الجي اس بمثبت السرعه اللي يقيس المسافه ويهدي السرعه من نفسه
ولا جاب نظام توقع الحوادث وهالنظام بالذات سبب ارتفاع سعر اللكزس في امريكا بدونه تنزل لك قيمة السياره اكثر من عشر الاف ريال

تخيل يعني كم كسبان من الجي اس
ومثله ساماكو الحرامي الاكبر واكبر وكالة جشعه في العالم

بالنسبه للمرسدس e اليوم انا سائل واحد شاريها قبل فتره قريبه حقته فل اوبشن بسقف بانورامي و240 وسعرها مثل ما قلت لك :) ماخذها في حدود ال 200 الف اقل منها بشي بسيط

اما المجله اللي تقولها فقمة التخلف صراحه معلوماتهم وحرام تضيع وقتك في قرائتها

بالنسبه للمنتجات مهب كل ياباني ارخص اذا انت تقصد السيارات صح اما لو جيت للالكترونيات والجوالات والكميرات والكمبيوترات بتلاحظ فحش سعر الياباني بالنسبه للاوربي <-- مدري وش دخل هذا في الموضوع

عموما انا معك في ان السياره تنباع باكثر من سعرها الحقيقي لكن وجهت نظري انها افضل من الغير اللي ايضا ينباعون باكثر من اسعارهم فقط لا غير

تحياتي للجميع

أحب أقول لعبداللطيف جميل
أنا أكبر غبي في العالم أذا شريت من عندك سيارة من الأن
حسبي الله عليه ياشيخ أصبح الناس يكرهون تويوتا ولكزس بسبب الوكيل المحتكر لشركة العملاقة تويوتا ولكزس

كيف ماله علاقه ؟

اليوم في جريدة الشرق الاوسط يقول ان الين انخفض مقابل الدولار بعد وترى الريال مقيم بالدولار وهذا له تأثير كبير على الاسعار

وبالنسبه للجي اس فكما قلت انا ... وشوف اغلب الاعضاء مستغربين من غلاة السعر يعني السعر مرتفع فوق المتوقع ...

اما بالنسبه للاودي اخوي nick ياخي انا مار على ساماكو وعندهم الاودي الفل اوبشن ولاتنسى بعد تراها مهيب W12 وسعرها 380 الف ريال عدا ونقداً وتقدر تمر عليهم اليوم وتشوف ..... اما W12 اغلى بعد

اما عن سعرها في الخارج سعرها يبدأ من 232 الف تقريبا الى 430 الف ريال

يعني الدعوه حول بعض ولاتنسى ان لها فئات كثيره وخيارات متعدده اما اللكزس تجيك بتجهيز واحد

والفولكس واجون اسعارها واكبر دليل الفايتون ومانتشرت بشكل كبير لارتفاع سعرها

اما عن سعر الـ E اخذته من مجلة سعودي اوتو عن الطراز المجرب عندهم :)

والي احب اوضحه عند المقارنه بالاسعار المنتجات اليابانيه مع الاوربيه اليابانيه معروفه بان سعرها دائما اقل .. وهي احد اهم الاسباب الي خلت للياباني شعبيه وماحد ينكر هالشيء والاوربي من يوم عرفوه البشر وهو غالي ..وهذا مع انه طايح بعد تحويله لعملة اليورو ..

تحياتي :)

الجي اس 430 ما تجي بدفع رباعي ال 300 بس رباعي

بالنسبه للعملات انت مافهمت موضوع العملات الظاهر اخوي

العمله مالها علاقه كم تساوي من ريال لكن ان يكون لها قيمه معينه وارتفعت عنه هنا نقول ان العمله مرتفعه :) والين مرتفع عن سعره العادي

اما الفولكس واجن ترى الوكيل عندنا لاعب بالاسعار ولا ترى الطوارق فل اوبشن ثمانيه سلندر سعره ما يوصل ميتين الف وهنا حاط سعر السته سلندر ميتين الف وشوي
اما انا شاري باسات على وقتها ب 75 الف نص فل موديلها 2003 وسعرها في الخارج اعتقد ارخص بكثير طبعا ساماكو حاط مسجل كنود من عنده وسارق حق شد البلد يعني فيه من ابو جميل عرق :D

الفايتون سعره ما راح اقول لك عنه شي لكن ادخل موقع فولكس واجن وشف اسعار الفايتون
بتنصدم برخصه
وشف دام انها غاليه عندنا فشلت ولا قد شفت وحده تمشي في الشارع؟
شف الاودي a8 اول ما نزلت كانت ب 370 الف طبعا الثمانيه سلندر وتوهق فيها الوكيل وحطها ب 320 ريال تقريبا لااااحظ الفرق لا ومع صيانه مجانيه مدري كم سنه وبدت تنتشر

ساماكو عندنا لاعب بالاسعار لعب ولا الفولكس واجن رخيص هو والاودي
ال a8 L 4.2 فل اوبشن سعرها في امريكا ب 73 الف دولار تقريبا 274 الف ريال فقططططططططط وشف الفرق عندنا :(

وعندهم ال ls 430 فل اوبشن ب 70 الف دولار تقريبا 263 الف ريال طبعا اللي عندنا حنا هنا نص فل وبسعر الفل في امريكا :(

يعني باين لك اننا ناس يستخفون فيهم هالوكالات شي الماني خلاص اشتريه بسعر غالي حتى لو ما يستاهل وطبعا حتى الياباني فيه حقه لكن ما يوصل للالماني اللي كل اسعاره جنون بدون مبرر

بالنسبه للمرسدس غلطان بالاسعار وانا عارف انك جايبها من موضوع احد الاخوان بس تحصله ماخذها من موقع اجنبي ومحول العمله

سعر ال e240 فل ب 200 الف اما ال 320 اللي هالسنه حطوها 350 فل اوبشن بيطق ال 250 وهو يضحك طبعا هالاسعار في السعودييه ما اتكلم عن الخارج

واسأل اصحاب السياره وراح يفيدونك لان فيه كم شخص هنا موجوده عندهم

وعلى قولتك ابو جميل وسياسته الجشعه لكن وش تقول بس

تحياتي للجميع

ولا بعد ... مافيها DVD :D

شوف انا قلت ماتستاهل سعرها عندنا ..عند ابو جميل ..لكن على سعرها بالخارج تستاهل وبقوة بعد ولاحظ هذا في اول رد لي ..

حتى لو زاد بس 10 اللاف عن الخارج مانرضى فكيف اذا زاد 30 الف ولا بعد هذا وهي بدون DVD ولا دفع رباعي ...اجل اذا صارت كامله كم بيخليها ؟؟؟ 250 الف نفس الـ430 ؟؟؟ هذا الجنون بعينه ...

نرجع للعملات ...

من الي قالك ان الين مرتفع ؟؟؟؟؟؟

عدد اليوم جريدة الرياض ... 26 /1

اليورو 4,9 يعني حول خمسة ريالات

الين الياباني 0,0358 يعني أقل من ريال واحد

شفت الفرق؟؟

لو ان الين مرتفع مثل اليورو كان تشوف سعر هاللكزس ضعف الحين 3 مرات ...

واليوم في الاخبار يقولون ان اسعار المواد الغذائيه ارتفعت عشان اليورو حتى ...

اما مسالة فولكس واجون رخيصه ؟؟

الجولف ولا بعد نص مواصفات بـ70 الف تقريبا وهي هاتشباك ... وين رخيصه معه؟؟ والفل بـ99 الف ريال

وشوف الفايتون سعرها اكثر من 320 الف ريال ....


اما المرسيدس لاتنسى انك مخير انك تتنقى مواصفات سياراتك ..يعني كأنك تفصل ثوب :D والخيارات امامك مفتوحه ...

وتقول أن المرسيدس 240 بـ200 الف

وانا حصلت المرسيدس E320 بـ 180 الف

هذا واليورو مرتفع ..

لو انه نازل كان اقل من اللكزس ...

واذكرك من جديد ان اتكلم عن سعرها هنا وجشع ابو جميل ..ولاتنسى ابو جميل مستحيل يجيب سيارة نفس الخارج ونفس السعر ... لازم يسرق منها كم ميزة ...

وانا ماقلت ان اللكزس جي اس سيئه بالعكس احسن سيارة في فئتها لكن ان يكون سعرها كما هو مطروح من قبل الشركة ونفس المواصفات ...:)

الله يرزقنا القناعة بس ..

لا شف اخوي الين مرتفع مثل ما اليورو مرتفع والالماني قبل ارتفاع اليورو غالي واغلبه على غير سنع

اما بالنسبه للسعر والمواصفات شف سيارات فولكس واجن كلها رخيصه ومواصفاتها افضل من الياباني اللي في فئتها ومع كذا ارخص

وكل هذا على الرغم من ان وكيلها رافع سعرها اكثر من المعروف فيه بالخارج بكثيررر

لكن الباسات اشوفها بما انها عندي افخم واحسن مواصفات من الاكورد والكامري وارخص منهم بعد
اما بالنسبه لي اشوف كل اسعار السيارات بشكل عام مبالغ فيها وبقوه اذا جيت للواقع

واذا هامتك الحساسات وتخشيب الدركسون ياخي شف كل سيارات فئته يجون بمخمل وبدون حساسات وبدون زينون وبدون شاشه اصلا ومن ضمن مواصفاتها حاملات اكواب اللي هم الالماني ليش ما نعترض طيب ونقول ما تستاهل ولا خلاص الماني مرفوع عنه القلم

اخوي انا ما اقول لك اللكزس يستاهل سعره بحد ذاته لكن اقول لك يستاهل في حال انك قارنته بمثيلاته :)
وبالنسبه لسعرها في الخارج ادخل موقع لكزس وشف كم سعرها بالفل اوبشن ولاااحظ اني قلت سعر الجي اس 430 ما قلت ال 300

اما بالنسبه للميول والله انا ياخي اتكلم بمنطق ولو اني اشتغل عندهم ابشر بوحده :D بس الواقع يفرض نفسه اخوي

بالنسبه للمرسدس غلطان اخوي المرسدس e240 مو 350 سعره فل اوبشن بحدود ال 200 الف ريال كيف ال 350 :)

لو سويت مقارنه بينها وبين الالماني كله في فئته بتشوف انها الافضل

عموما على سعرها المرتفع الا ان الحجوزات عليها فاقت توقعات ابو جميل يعني يبي لك تنتظر سنه الين ينخفض سعرها :( والله يستر لا يزوده بعد ترى يسويها

نسيت اضيف نقطه ترى وكيلنا العزيز ما نزل نظام الدي في دي بلير اند فيو حق الجي اس في كل فئاتها

تحياتي للجميع

اخوي Nick شكلك نسيت حاجه اسمها العمله ..:)

انت تذكر ايام الشبح كم كان سعرها .. كان يصقع فوق الـ 400 الف ريال .. وانا اعرف واحد شراها بالسعر هذا ... موديل93 في وقتها

لكن بعد ماصارت العمله هي اليورو طاحت اسعار الاوربي بشكل عام ..

والحين ارتفع اليورو وشوف كيف ارتفعت الاسعار ...

والالماني معروف بارتفاع سعره ... واكبر دليل جبلي سيارة المانيه سعرها مثل الياباني ونفس مواصفاتها ..!

لابد تكون اقل منها مواصفات بس اعلى منها سعر ...

اما الياباني معروف ان سعره معتدل واما انه تجيني سياره تصنف من الفئات الفاخره المتوسطه ولا فيها حساسات ولا ستاره كهربائه ولا فتحه ...ولا حتى تخشيبة دركسون وبـ 175 الف ................؟؟؟

يعني زاربينا بابواب الشفط والكاميرا هذي وعشان شكلها جديد ؟؟؟؟؟؟؟؟؟

واكبر دليل شوف سعرها في الخارج وعندنا وشوف الفرق ...........

ولاتخلي ميولك للكزس ينسيك السعر وانه يكون مناسب لمواصفات السيارة وصناعتها ..الا عاد اذا كنت تشتغل عندهم فهذا شي ثاني :D

وبالنسبه للمنافس ..

مرسيدس فئة E اعلى مواصفات ومحرك 6 سلندر نفس الفياغرا وفل اوبشن بـ 180 الف :)

اخوي شادو احنا مو اغبياء عشان نقول سياره المانيه خلاص تصير غاليه بغض النظر عن انها ما تستاهل

طيب ليه غاليه جوده؟ ما اعتقد اكثر من لكزس تحمل؟ برضوا نفس الشي فخامه ومواصفات الجي اس الجديد اقوى من مواصفات كل سيارات فئتها

سعرها اقل منهم كلهم واشوف ان الجي اس 430 تستاهل قياسا على المنافسين وانصحك تروح تشوفها عن قرب وبتعرف

وبعدين سعرها من قال لك انه ب 190 الف؟ شف فيه موقع لكزس بالاوبشن كامل بحدود ال 220 الف

اللي صح رافع سعرها ال 300 لانه حاط سعر الدفع الرباعي وهي خلفي وماكل فيها فلوس كثير

فليش الا الحين عندنا هالنظره الغلط انه الماني خلاص غالي حتى لو ما يستاهل
الجي اس الجديده افضل من اي منافس واشوف انك تشتري غيرها بسعرها حرام والله الماني ولا مو الماني
وش ابي بالماني اذا محصل شي افضل منه بكل شيء ولا وش رايك؟

تحياتي للجميع

شكرا على مروركم