وداعـًا لـ(تويوتا) وبالأخص (كـامــري) !

كلامك ميه الميه يا nick |1|

والكامري تجميع استرالي والقطع يابانية 100% لان اجور الايدي العاملة في اليابان غالية ويالتالي سيرتفع سعر الكامري عندنا...

والهيونداي حقت شكل فقط اما التويوتا فهي شكل+فخامة+جودة

واذا كنت تبي جودة لازم حيكون السعر غالي شوي..

وتحياتي للجميع

ما تتقارن
الشي الوحيد الي اقدر اقنعك فيه هو
شوف الخدمات وقطع الغيار
بس

وانا مع الي يرشحون تويوتا

اول شي انا ما عندي كامري

والبعدين ما يفرق مكان الصنع

الكامري ياباني حتى لو صنع في الصومال

لأن اللي صمموه واصنعوه واتقنو صنعه هم اليابانيين


وكل تقنياته يابانيه

انا عندي سوناتا


والله الكامري احسن منه واجود

مشكور اخوي عالموضوع الجامد و فعلا هالموضوع امسوي رجه في البيت اقصد المنتدى و انا معك في انه سيارات التيوتا مستواها بدأ ينزل و الدليل خرابات الكامري الجديد اللي ما تخلص لكن شو بتقول الناس ما تشوف غير التيوتا لانه التيوتا بنت لها سمعه و مكانه عالية من خلال السنين اللي مرت لكن هذا مو معناته انه ما قامت تنزل بمستواها في السنوات الاخيره لا و غير هذا الاسعار ارتفعت بشكل خيالي... لكن النا س ماسكه الاسم.......طبعا انا ما اتكلم عن قسم الفورويل او اللكزس لانه ما عليه كلام و الحق يقال..... و الايام القادم راح تكشف عن المجهول....


تحياتي

لوووووووووووووووووووووووول والله نكته هالموضوع

اجل هونداي جوده لووووووووووووووول تلعب على نفسك؟ والله العظيم انها ما تدري وين الجوده معه

واذا على محلات الايجار ياخذونها عشانها رخيصه ولانهم كل سنه يغيرونها ما يحتاجون شي بجوده هذا شي

الشي الثاني اقوى شي يدعم تيوتا جودتها وجاي تقارنها بكوري؟ قويه

وتقول لي قبل عشر سنوات طيب تعرف سياره اسمها كرسيدا؟ وتعرف سياره اسمها كراون ولاند كروزر هذي لهم فوق العشرين سنه وماخذين عرش السيارات وتقول لي قبل عشر سنوات

عام 91 يوم طلع الاندكروزر ما كان فيه ولا سياره دفع رباعي في مستواه وتوصل لسعره ما كان يقدر له الا الشيوووخ وتقول لي امريكي

الثمانينات كانت الكراون افخم سياره غير المانيه ومبيعاتها هائله وتقول لي كوري وامريكي وطلع عقبها اللكزس اللي من اول سنه مبيعاته خياليه

بداية التسعينات الكرسيدا كان مسيطر تماما على السوق وتقول لي هونداي

عزيزي تيوتا من يوم طلع عندنا وبرا وهو قوووووي ومافيه شي بيهزه واقوى شركة سيارات في العالم تيوتا وميزانية هالشركة لزيادت معلوماتك فقط تقدر تشتري فيها كل شركات سيارات العالم بما فيهم جينرل موتورز

وتقول لي هونداي عشانها معك؟ الله يهديك بس

عموما ما رديت الا عشان افهمك هالنقاط وما راح ارد مره ثانيه لاني ما اشوف انه من العقل ان الواحد يرد

تحياتي للجميع

اجابه على اسألتك



ايه هين الكوري يتفوق على الياباني.....اساسا متى صار الكوري جوده



ابو جميل افضل وكيل في المملكه.....وهو محل ثقه لدى الجميع.....مااضن انه راح ينهي مبيعات الكامري.....بل راح يزيدها في السنوات الجايه



من قال لك ان التويوتا جوده ضعيفه :confused: .....اللي زاد شعبية التويوتا هو جودتها.....ولا ليش صار لها شعبيه


اجل صار الهيونداي صنعاتها جوده عاليه :D

أخووووي مع احترامي للكامري وش عاجبك فيها يكفيها انها للمزينات يعني قمة الاستهتار


والسوناتا احلى بكثير ولا الفرق شوي خصوصا 2005


وبعدين من قال كامري ياباني الله يصلحك افتح باب موترك وبتلقى استيكر حديدي مكتوب عليه مكان الصنع استرالي
واذا مو مصدق دق على الوكالة واسال قال ايش ياباني

ياعزيزي الكوري كله مايصف جنب التويوتا ،، والكوري ماصار ياباني ،، الإقبال اللي نشوفه على السيارات الكورية سببه الحقيقي إن بعض الناس مايقدرون على سعر الياباني ،، فلذلك يضطرون لشراء الكوري ،، وبعضهم يحاول يقنع نفسه أن الكوري أحسن من الياباني عشان يبعد تفكيره عن الياباني ومعاه حق المثل يقول مد لحافك على قد رجليك ،، ياعزيزي ترى يدلك على الخيل اثمانها ،، والتويوتا غالية ولو ماهي سيارة قوية كان تركوها الناس وراحو لغيرها ، ترى الناس ماهم أغبياء !!

تحياتي
CAMRY2K

ما اقول الا الله يعينك يا e2004 خخخخخخخخخ


يبي ياكلونك راعين التيوتا


شوي شوي ياشباب عليه


بس بيني وبينك الموضوع ماله داعي سوى خلافات بين الاعضاء

ياخي تويوتا احد اكبر الشركات في العالم

وانا عندي سوناتا 2002 اربع سلندر

اول شي كانت ماشيه زين

بس كلها سنه

الا بدت تخرف

مره سكرت الشنطه بقوه شوي اختربت ما قامت تفتح

واسمع الاصوات في المطبات

تحس ان الكفر بيطلع

وييين تقارنها بالكامري

واذا كنت تبي تقارن شركة تويوتا بشركة هونداي

مستعد اتناقش معك

هيونداى وبس

السامر : شكرا لردك

انا اعرف واحد من الزملاء معاه النترا مو سوناتا النترا موديل 2000 عدمها صدم فيها عشرين مره ما يحمي الصبح المطبات يمشي فيها 60 ( مايهدي ) يعني كارفة من جد وماشية معه الا الآن ....

ويمكن السوناتا الي كانت معاك منظولة :)

THE MAX : اشكر لك مرورك لكن من الادب والاحترام عدم كتابة موضوع الرد بالشكل الجاهلي هذا ..
احب اقولك (( كل ناجح وله اعداء )) وياليت تفهمها صح ولاتفسرها تفسير ثاني
لكن مو انا لوحدي على الكامري انا لاني عارف ان فيه اشخاص غيرك معاهم كامري ومثل الـ...... يزعلون بسرعة عشان كذا ارفقت روابط لثلاث مواضيع من نفس المنتدى والاخوان هم الي يكتبون مو انا ولو كان عندك وقت طال عمرك تقدر تشوفها ، ومنتدى السيارات يبقى منتدى عريق رضينا ام لم نرضى لا انت ولا انا اقدر اخرب سمعته ولا موضوع او ثاني يكره اعضاءة فيه الا طبعا الاعضاء اللي بس يحبون يترزرزون بالردود ومالهم هدف سو التحطيم .. تحياتي لك وشكرا مرة ثانية لمروك ياغالي .

نيسان للأبد : شكرا على تعقيبك وبما انك انت معاك السوناتا الجديدة تقدر تفيد بعض اعضاء المنتدى مثل الاخ العزيز THE MAX عن الفروق بين السيارتين .

Altima4ever : وجهة نظر حلوة لكن لو كنت انت تذكر او احد الاشخاص اكبر منك قبل 20 سنة (( انا طبعا ما اذكر لكني سمعت )) كيف كانت سمعة الامريكي مثل الكادلك والبيوك والكرايزلر والفورد وفي الوجهة المقابل سمعت التويوتا والنيسان ،، اذا عرفت الشي هذا راح تعرف ان مأساة الامريكي راح تتكرر ، لان الناس اولا واخيرا يبحثو عن الفخامة والجودة والسعر صح ;) ؟

شركة تويوتا هي من أفضل الشركات العالمية وليست اليابانية فقط ،،،

ومن الصعب مقارنتها بالصناعة الكورية الجديدة والرديئة نوعاً ما .

شركة نيسان العريقة اللي تعتبر من أقدم الشركات اليابانية لم تستطع مواجهة شركة تويوتا وبصعوبة شديدة تحاول منافستها وأنت تقول الشركات الكورية .

أنا أحترم وجهة نظرك ... وأنا جربت الكوري والهونداي خصوصاً كان معي سوناتا 2001 سيارة جيدة أول سنة بعين تبدأ تطلع المشاكل والخربطه الكورية ... لكن التويوتا يعمر معك 5 سنوات بالراحة وبدون مشاكل ويمكن أكثر حسب الاستخدام .

شركه امس طلعت سيارات تتقارن مره وحده بنجاح التويوتا الكاسح تاريخ وتجربه ابن عن جد ^^ صعبه شوي نيسان يالله يالله عاد كوريا مره وحده :)

طبعا وجهة نظري

اخوي مشكور على موضوعك وانا عندي السوناتا الجديده 2005 افضل من كامري الاسترالية 2005 ولا الفرق شوووووووووووووووووووووووووووووووووووووووووووووووووووووووووووووووووووووووووووي



وهذي مجرد وجهة نضري ماااااااااابي احد يزعل منهااااااااااااااااااااااااااااااااااااااااااااااااااااااااا


وسلام عليكم ...,,,

السلام عليكم ..

الحين موضوع وش كبره وش عرضة ووداعا تويوتا وبالاخص كامري .. ويطلع الموضوع كذا ؟؟
جايب لي كوري تقولي افضل من الياباني ؟؟ لاوتقارنه بسيارات الايجار بعد ؟؟
صحيح ماعندك سالفه والله ...
ياخي وش فيكم على الكامري بالذات ؟؟ كل واحد يبي يطلع فيها عيوب غصب طيب ..
والله انا عندي كامري وماشفت منها الا كل خير وكثير من ربعي عندهم كوامري ولا واحد شاف منها شي واحد من كلامكم اللي لوعتوا كبودنا فيه .. اللي يقولك اذا القير عادي وانت حاطه في النمره الثالثه ولا الرابعه اذا استمريت في المشي تشوفه يجي في الفاضي .. واللي يقولك الكبوت وانت تمشي تشوفه يرفرف . واللي يقولك تنسم السيارة من الطبلون ويطلع له هوا من العدادات ... تؤتؤتؤتؤتؤ .. وش هالكلام تبون تطلعون فيها عيب غصب لا و كل عيب اقبح من اللي قبله .. بس بقول كلامي للكل وخاصة المقهورين وارجوا المعذرة يعني ... الكامري بتضل سيارة مفضلة لكثيييير من الناس رغم أنف الحاقدين .. رغم أنف الحاقدين .. طلعوا ولفقوا كلامكم وعيبوا فيها ماراح يزيدها الا اعجاب ...

قال ايش .. قال السوناتا بتكسر الكامري قال

ملاحظة : كثير من الاعضاء بدأيكره و يرحل عن المنتدى والسبب مثل هذه المواضيع السخيفة واللي هي بالطبع لاتعبر عن رأي المنتدى .. لكن لها اثار سلبية من ابرزها كره الاشخاص للمنتدى بسبب مواضيع تقلل من قيمة وثقافة هذا المنتدى ... وكأقرب مثال : ( شخص دافع في سيارة ثمن 80 الف ريال ومفكر من قبل الف مره قبل لاياخذها وفرحان فيها وبدل مايقرا عنها شي يعجبه فيها ويشده لها يقرأ مواضيع سخيفة مثل هذه اللي تحطمه من داخل ويتمنى انه ماانضم لهذا المنتدى ولا حتى زاره في حياته ) .. ومع احترامي للأدارة واللي ارجوا منها تدارك مثل هالشي .
آمري يالكامري .. فديتك والله

اخوكم THE MAX

يسلموووووو بانتظار ردود باقي الاعضاء