قومه بين موستنق ولومينا وكابرس .... الحقووو

THE CORVETTE @user_8478 · 25-01-2005

السلام عليكم ورحمة الله وبركاته’’’

انا ملاحظ ان شباب اللومينا مستهينين جدا في الموستنق gt
لكن اسمعو السالفه

خويي الروح بالروح عنده موستنق 94 كشف ولونه اسود طبعا بالرياض واذا تبغون صوره له نزلتها
المهم ،،

حياته مقاوم الادمي هذا وقام على اكثر من لومينا للمعلوميه واذا احد يبي يقاوم نو بربلم ومع العلم انه ماتعدل لكن خرط المكينه وبس

الزبده انه انا قبل شهر شاف لومينا وكابرس وماادري كم موديلهم لكن فوق 2000 ويبغون يقاومون
خويي ماامداه يسكر الكشف علشان يقاوم فقاوم الومينا وهو فاتح الكشف (لاحظو كيف ) والتسارع معروف من السكون الى 100 خويي جاب 120 وبدى الومينا يجيبه مع العلم ان الومينا كان شكمانه يطلع من نار خفييييف (يعني معدل ) وصاحبه قايل انه معدل ومع ذلك قام عليه المهم رجعو لراعي الكبرس (راعي الومينا وراعي الكابرس اخويا) وسكر الكشف وتقاوم مع الكابرس وقام عليه الى 140 وبعدين جابه الكابرس
لانه يقوم عليهم بس في الخط مايقدر عليهم
لكن انا حبيت احطها عبره للي يتمصخر بالـ gt خاصه لاني شايف مواضيع وشف من موديل كم ويقوم على موديل كم

سلام |4|

THE CORVETTE @user_8478 صاحب الموضوع · 27-02-2005

m7md_ss : يالطيب احس انك متعقد من الموستنقات ترى اخرتها قبل يومين مقاومين بالعليا لومينا ss 2003 و وماجابنا الا بعد 140
عاشق لومينا ss : كيف الحال يالغالي؟ :) احس انك داخل على النيه

ترى هالاسود كسره قسما بالله مصخره بالنسبه للموستنقات اللي عليها الكلام

D.j @user_16609 · 13-02-2005

السلام عليكم ..

تسلم اخوي و مشكوور على جهدك الطيب

مع السلامه .. :cool:

عاشق الومينا SS @user_15754 · 12-02-2005

m7md_ss

بعدي والله

m7md_ss @user_16328 · 12-02-2005

|11| سلام شباب ياخوي لاتزعل مني لاكن انا اتحدى خويك راعي الموستنق بكابرس SS96اوLS2001الSSدحدره على30 وLSمن صفر دحدره مثل ماتبي وكلها ستوك وبزيت محروق وانت بكرامة|11|

THE CORVETTE @user_8478 صاحب الموضوع · 11-02-2005

يالغالي ترى فيه موستنقات معدله الى 700 حصان
مااتوقع انها هنا بس خلنا بعيدين عن التعديل

بس جالس اتكلم على راعين الومينات اللي يتمصخرون على الجي تي
رفعوا ظغطي والله
واجيب لك هالاسود البسيط جدا مثال ولا التعديل شي ثاني وانا مب جالس اتمنظر فيه بس كمثال
انا عاشق كورفيت مو موستنقات

عاشق الومينا SS @user_15754 · 10-02-2005

اقول يالاخو شكلك ماشفت هالوحوش جايني تهاوش على هالاسود الي عندك خارط مكينته

http://www.assayyaratnet.com/forums/showthread.php?t=59711

THE CORVETTE @user_8478 صاحب الموضوع · 10-02-2005

cobra s.v.t : مشكور على مرورك يالغالي
charger : مافيه مقارنه اصلا لكن وش تقول بس
خلها عل ربك

CHARGER @user_10413 · 07-02-2005

COBRA.S.V.T
قد قلت كلامك انا هذا اكثر من مره الموستنج GT مو سهل التسارع حقه في 5.2 ومجلات امريكيه جربوه تقول التسارع في 5,1 طبعا هذا الموديل 2005ا
للومينا كم ؟؟؟ سلمني عليها حتى الكوبيه ما يقدر يسوي شي قدام الموستنج 2005 بالتسارع طبعا نعرف حنا التسارع لين 100
**********

COBRA.S.V.T @user_16896 · 05-02-2005

ياشباب اتركونا من الموستنجات واللومينات الي إلى موديل 2004

الموستنجات 2005 ضيعت سوق الموديلات القديمة يعني اتمنى اشوف اللومينا SS2005 اش يسوي مع الموستنج GT2005

من وجهة نظري انو ولاشي قدام الموستنج الجديد

THE CORVETTE @user_8478 صاحب الموضوع · 05-02-2005

اخوي كامري: ماعمري سمعت بلومينا كذا وكاله يعني معدله لين قالت بس

charger : والله قايل لهم لكن مايصدقون وانا راح انزل الصور تامر امر لكن بأخذ اذن صاحبها اول شي

عاشق لومينا : حبيبي التوماتيك ممكن لكن مااقولك اكيد لاني ماقد جربت او شفت لكن العادي انت قلتها بنفسك الى 120 - 130 يعني قام عليك خلاص (التسارع من صفر الى 100 ) واذا على التحفير اللي تقوله انت فهذا ماتصير معه الا انه مو غشيم وبس الا سبيكه في المقاوم لان المقاوم يالغالي فن ودقه مو عشق وادعس واترك الكلتش وبس
هذا تلقاته مايترك الكلتش الى اذا وصل الظغط عند 5 الظاهر مع العلم واعيد واكرر ان اللومينا اللي تقاوم معها خويي معدله بعد

عاشق لوميـssـنا @user_3910 LUMINA SS 4 EVERE · 04-02-2005

السلام عليكم ورحمة الله وبركاته

شوف ياحبيبي اان معي لومينا 2002 وابي اعطيك وجه نظري
انا قمت مع اكثر من موستنق بمختلف الموديلات

اذا الموستنق جير اوتو يعني زيه زيي الومينا هاذا ماله اي امل مرررررررره يقوم مع لومينا

اما اذا الموستنق جير عادي فهاذا اذا كان نشيط ونظيف وصاحبه معتني بصيانته فهاذا راح يمسك مع اللومينا لحد 120 ــ 140 بعدها ماله اي امل

وبغيت اقول لك ملاحظة الموستنق اغلب اصحابه مايقدرو يقومو من السكون لانه يجلس يحفر فيقومو دحدره واذا صاحب الومينا مايعرف لسيارته ويخليها تنمر بسرعه حيروحو عنه بس في الخط يجيبهم

انا قمت مع موستنج 94 قومه 0 وقومة 40 في الصفر رحت عنه كثير وفي ال 40 مسك معي في الاول اما لما عشقت سيارتي الثاني طرت عنه

وقمت مع موديل 98 هاذا مره ماله امله لا ارض ولا دحدره ولاحتا 200

وقمت مع 2003 جي تي في القومه راح عني شوي انا عند الرفرف الخلفي حقه بعد ماعشقت اللومينا الثاني طلعت عليه

ولا تزعل مني
ولاكن هاذي وجهة نظري

CHARGER @user_10413 · 03-02-2005

THE CORVETTE
ياهوووووووووو ياموستنغ
لا يهمك اذا قالك احد الموستنغ مو قوي
انا بالرياض اروح لخط المطار القديم دايم اشوف الموستنغات تكسر راس اللومينات
اخوي كامري اذا الجي تي مو قوي في نظرك فيه الكوبرا السيلين وغيره |4|
المهم اخوي لو عندك صور له حطها هنا
وتشكر حبي
**********

كامري @user_798 · 03-02-2005

عطني لومينا قير عادي الي قوتها 6.0 لتير بت 400 حصان اوريك كيف

THE CORVETTE @user_8478 صاحب الموضوع · 02-02-2005

اخوي عميد السيارات : تحس انك داخل على النيه مدري ليش؟
احس انك ماقد شفت موستنق
انا الحين اقولك خرط المكينه بس فكيف لو يعدل فيها؟

اخوي binz : تسلم على ردك وانا قلت شكلها رياضي فقط لكن ماتنعد من الرياضيه الا الكوبيه وفيها من القوه اللي مكفيها وزياده ماشاء الله وانا ماانكر لكن الاخوان صارو يقارنونها بالموستق والبورش والظاهر بيكملونها وبيقولون كورفيت وفيراري ومرسلاقو
اخرتها كذا بس اصبر شوي

أبوطه @user_7017 · 31-01-2005

اخوي الغالي

اساس الموستنج والي شهره في كل العالم

الموديل الي بالتسعينات

وطبعا انا مع الموستنج

لاكن لاينكر جميع الاخوه انه اللومينا سياره رياضيه 100%

وخصوصا النوع اس اس

او الكوبيه

وترى الموستنج بكل انواعها تبقى الرياضيه الافضل في العالم

تحياتي

عميد السيارات @user_17163 Banned · 31-01-2005

المــوستنج القديم 94 من غير التزويد مايسوى شئ امــا الجديد مايصف جنب

الومينات الكوبيــه

تحياتي

عميد السيارات

THE CORVETTE @user_8478 صاحب الموضوع · 31-01-2005

يعني اعتقد فيه شهود يثبون على قوة الجي تي
اما الكوبرا لحد لحد يقارنها بالسياكل ذي لانه اللومينا والمكسيما سياكل عنده ولا احد ينكر كذا وتنفاس الكورفيت مثل ماقال الغالي
ومو الكوبرا وبس
عندك سالين وشيلبي و روش وغيره
بس اموت في السالين والروش

ماهر ls @user_5841 · 31-01-2005

لالالا الموستينق جي تي ما تقوم على اللومينا اس اس لو ايش يصير بس بشرط كلها تكون ستك مو ملعوب فيها

وانا شايفها بنفسي وكنت راكب بعد في اللومينا

اما الكوبرا فهذه شي ثاني

COBRA.S.V.T @user_16896 · 30-01-2005

ياشباب والله إني احب اللومينا وأموت في الموستنج وهيبتها وشكلها

بس الحق ينقال الموستنج GT انتبهوا قلت جي تي مو كوبرا الكوبرا تنافس الكورفيت

افضل من اللومينا من جميع النواحي الشكل يمكن اللومينا كوبيه تنافس الموستنج بشي بسيط

متعه القياده الموستنج افضل وهذا شي مجرب

جينا للقوه عاد الموستنج اذا جاك نظيف مو ملعوب فيه اعتقد اللومينا ولا كمارو تسوي شي معاه

اما اذا المكينه والجير تعبانه خذ شكل فقط المكسيما تتطلع عليه ولا يزعلو عشاق المكس انا اتكلم عن الجي تي

نسيت شي وهو شعبية الموستنق لاغبار عليه