هلا شباب كيفكم؟!!!
مـــــــــــــــــــــــــــــــــــــــــــــــــــا أطول عليكم الحكاية أنه كنت في مكة يوم الخميس وكنت راجع من العزيزية و رايح للكعكية عن طريق الدائري ! و قبل مدخل الكعكية بالضبط الأ الناس كلها بترفمل (بتوقف) :eek: و أنا ماني عارف أيش الحكاية المهم طولت شوية و ا لأ الناس متجمعة عند لوحة أسماء الأماكن المهم أنا دخلت المدخل و قمت وقفت السيارة في الحارة ونزلت! و رحت أشوف أيش الحكاية و الأقي ديك الدايوو (ما أعرف أيش أسمها بس هي اللي أصغر من الليغانزا على طول ) داخلة في اللوحة بوجهها و من قوة الحادث المكينة حقت السيارة أتفتت و البودي الرئيسي للسيارة أنطعج و أنسحب لين وصل لمكان الكرسي اللي جنب السواق! و القزاز الأمامي طار بكامله قطعة واحدة حوالي 5 - 7 متر عن السيارة غير القطع اللي طارت أبعد من كده حتى وصلت الشمعة الأمامية للسيارة قرب محل المطيوري ( حوالي مسافة 700 - 800 م بعيد عن السيارة) :confused:
المهم السواق كان عايش! لما نزلت و كان قاعد بيتكلم فترة و بعدين فجأة سكت و غمض عيونه الظاهر أغمي عليه! المهم أنه حاولوا يبعدوا السيارة عن العمود لأنه فيه ناس بتقول أنه الظاهر أنه كان فيه واحد معاه في السيارة! و هادا الكلام بين الساعة 12.20 صبح و 12.41 المهم أنا مشيت و جاني مشوار لبطحاء قريش و جيت أخذ الدائري و الأقيه مقفل (بعيد عن مكان الحادث حوالي 5 كيلومتر ) من الزحمة و أخد طريق وراني و أمر قريب من مكان الحادث و أشوفلك شاحنات الدفاع المدني دوبها بتتحرك و كانت الساعة 1.35 صباحاً
راعي السيارة يحمد ربه أنه السيارة ما حاصت و أنه لما دخلت في اللوحة دخلت من الوجه بس من الركن اليمين! بعدين حاصت لما وقفها العمود بس!
و الله يستر علينا جميعاً
