سؤال عن الجفالي وعن المرسيدس

اخوي الشمري المواصفات الى ذي السيارات مايحتاج نقولها لنها تبين بالنظر بس القوة والمكينه ماتبين الا عند الدعس وقليل تشوف بنز داعس قدامك
بس بختصار السيارة تمتلك فخامة وقوة وانسيابيه وامان
وكل سيارة وضع عليها شعار المرسيدس لاحد يعتقد انها هينه يكفيك ان فيها لمسات من المايباخ
تحياتي

من هذي الناحيه فهناك مميزات توجد في الE-CLASS وليست موجوده حتى S-CLASS وكنت قد ذكرتها في اكثر من موضوع

واشكرك على تنبيهني على مساله السرعه لاتها مساله مهمه جدا

بسم الله الرحمن الرحيم



السلام عليكم ورحمة الله وبركاته وبعد ، ، ،




أخوتي الكرام الاحظ اهتمام الشباب يصب في نقطة الأنطلاق، والسرعة وما شابه ذلك، على الرغم هناك مميزات تميز السيارة، لم اقرأ احداً منكم تطرق لها على الأطلاق، بل لم يلقى لها أي اهتمام يُذكر، واخذتم تنظرون من نافذة واحده، فضلاً حينما نشاهد اعلان سوى كان بالتلفاز او بواسطة مجلة ما نجد نقاط تشير الى مميزات السيارة من الخارج كانت ام من الداخل، ويكتفون بقوة المكينة ولا يتطرقون الى انها تسابق هذه السيارة او تلك، من منطلق ذلك دعونا اخوتي من السرعة حيث قيل ( لا تسرع فالموت أسرع )، ولنجعل حديثنا عن مميزات السيارة التي لا توجد في السيارة المنافسة.




مع فائق احترامنا لشخصكم الكريم - الشمري

ولا ازيد عن الاخوان شي كفو ووفو الله يجزاهم خير

مثل ماقال اخوي 240انسى العزم بس 280 او 320 ادعس وانت تضحك
السيارة تبي السرعه بس مو الدعس مرة وحده وتجيب لك 260بس تمهل شوي يعني عكس 280و320
الجفالي ماعليه كلام وراح ترتاح معه

حياك الله وما سوينا الا الواجب والله يعطيك خيرها ويكفيك شرها

مساء الخير اخواني
فيه مثل يقول مايمدح السوق الى اللي ربح فيه
بالنسبه للسياره E240 بصراحه هي سياره اقتصاديه وسياره معروفه بقوتها كى كونها سياره المانيه ومرسيدس . ومعظم سيارات المرسيدس باحجامها وانواعها تعتبر سيارات القمه والرفاهيه والبرستيج.
بالنسبه للجفالي يعتبر هو الافظل في السوق السعوديه من ناحية المعاملة للزبون بعد البيع والصيانه وقطع الغيار جميعها متوفره. بالنسبه للسعر مختلف حسب القطعه وأهميتها في السياره ونت لاتشيل هم ادا أهي مازالت تحت الضمان.
انا عندي سياره الحوت S350 موديل2003وبصراحه مرتاح وايد منها من ناحية السواقه والصيانه والمعامله في ورشة الجفالي
وتقبل تحيات اخوك دانيال

اخي الغالي slaiskmm
لا تفهم كلامي اني استنقصت المصري او غيره بس من كلمة ( كده ) الي يقولونها المصريين شفتها في ردودك
عشان كذا قلت مصري ما جاء على بالي ان اهل الغربية يقولونها !!

ولا تغير كلامك .. انا ما قلت ان المكسيما تقوم على E320 انا قلت تقوم على E240 ردي واضح اذا كنت انت عندك E320 وتشوف انها تقوم على المكسيما مو معناها ان E240 نفس الشي !!

واحد من اخوياي عنده E240 وجربنا فيها كل شي العزم والمقاوم .. مستحيل انها تقوم على المكسيما ومن واقع تجربة والسيارة جديدة

اما بخصوص المقارنة كانت المقارنة على العزم وليس على السيارة بالكامل .. يعني لو كانت المقارنة على السيارة بالكامل الـ E240 افضل من المكسيما بكثييييير .. لكن لو كانت المقارنة من ناحية العزم فالمكسيما افضل .. مو علشان المرسيدس سيارة فخمة نخليها افضل في كل شي !! ( الحق حق )
والدليل على كلامك الـ S350 مقارنة مع الكابرس اس اس .. لو كانت المقارنة على السيارة بالكامل بتكون لصالح المرسيدس ولو على العزم بتكون لصالح الكابرس .. ومو معناها لما تكون الكابرس عزمها افضل انها افضل من المرسيدس لأن هذا معيار واحد وليس جميع المعايير .. ياليت نكون واقعيين اكثر من نتحيز لمحبينا وسيارتنا

وانا اعتذر منك اذا قلت كلمة زعلتك بس تضايقت لما شفت التحيز وانا من النوع الي احب انصف في الحق حتى لو ضدي

وفي الأخير احنا اخوان ولا بينا الا كل خير انشاء الله .. تقبل تحياتي اخوك خالد

مرحبا
اخوي خالد لاتظن اني راح ارد عليك برد يجرحك او اي شي من هدا القبيل لني أخذت عهد على نفسي من اول يوم استخدمت فيه النت اني ما أجرح أحد حتى لو جرحني او حاول انه يجرحني
انا سعودي وشايف خير وحتى لو كنت مصري مافيها شي كلنا ولاد ادم ومايفرق بينا الا التقوى والله وش رايك
وعلى فكرة انت الان تكدبني بس مدري باي طريقه الي تستوعبها حتى افهمك
وبخصوص السيارة انا عندي مرسيدس E320موديل 2001 والحمدلله تقريبا معظم الفئات مال هذي الشركة المتوفرة في الاسواق جربت قيادتها وعارف كل نوع منها
بس ماعتقد ان نقارن الفئة Eمع الكامري
عجل Cمع شنو نقارنه مع الايكو؟؟؟
خلاص اذا بنمشي على هدا الاساس راح نقارن S350مع كابرس اس اس والله وش رايك؟؟
وبخصوص سيارة صاحبك مافي مشكلة جيب لي S600وكاله خله عندي بس شهرين وانا اخلي لك عزمه اقل من الكامري بلاستخدام
وتأكد أخي اني ما اكتب اي كلمة الا متأكد منها وأدا كنت مو متأكد الحقها بكلمة على ما اعتقد او روح اسال يكون افضل

على العموم مهما يكون هذي سيارات ونشالله ماتفرقنا على سبب سخيف
بس حبيت اصحح وجهة نظرك والفت انتباهك الى اشياء ولاتعتقد ان قصدي اجرحك اوشي
تحياتي

slaiskmm اخوي الغالي شكلك من مصر وأجدد سيارة ركبتها موديل 92
مدري من وين تجيب هالمعلومات .. الأخوان الي هنا يبغون يستفيدون بمعلومات صحيحة تفيد الجميع اذا ما عندك معلومات اكيده ياليت ما تحط معلومات خطأ لأشخاص يبحثون عن المعلومات الصحيحة .. ولا تزعل من كلامي بس تكرار هذا الشي نرفزني

واحد من اخوياي عنده E240 جديدة مو موديل 98 وعزمها اقل من الماكسيما والكامري قراندي ولا لها امل تقوم عليهم في اي حال من الحالات

بالنسبة لأستفساراتك

السيارة عملية ووكليها احسن وكيل بالنسبة للألماني .. من ناحية العزم انسى بس اذا انت من النوع السواقة الرايقة يعني ما يفرق معك العزم

واذا عندك أسأله ما راح يقصرون معك الأخوان وخصوصاً E500 لأن عنده السيارة ويتكلم لك من واقع مو توقعات

الى اللقاء

شنو اخوي مثل عزم الكامري؟؟؟
صحيح 240عزمه مولهناك بس مقارنه بمرسيدس حجمة 280 او 320
بس ماتوصل الصراحة الى الكامري
انا شايف مرة قومه قدام عيني محد قالي عنها E240ولا من القدم تقريبا موديل 98ومكسيما موديل 2004وطبعا المكسيما اذا ماهي اقوى من الكامري نفس القوى والمرسيدس قصة وهو يضحك
وطبعا صاحبه لاحاط له شي رياضي ولامعدل فيه ابدا بس الي اعرفه ان راعي المكسيما دعس الدعسا لحدها حتى السيارة واهي تمشي نزلت تحت من قدام صحيح كانها صاروخ بس البنز قصه

السيارة ما عليها كلام بس المحرك سعته 2400 سي سي يعني بنفس سرعة واندفاع الكامري ستة سلندر تقريبا
اما بالنسبة لقطع الغيار فهو غالي نسبيا بس القطع الغالية عمرها الافتراضي طويل نوعا ما
انا ابيع واشتري في قطع المرسيدس والبي ام واعطي اسعار ممتازة واجيبها من المانيا ومن دبي اذا حبيت الاستفسار عن سعر اي قطعة عندي انا حاظر
تحياني

مثل ماقال اخوي 240انسى العزم بس 280 او 320 ادعس وانت تضحك
السيارة تبي السرعه بس مو الدعس مرة وحده وتجيب لك 260بس تمهل شوي يعني عكس 280و320
الجفالي ماعليه كلام وراح ترتاح معه
تحياتي