الى جميع الاعضاء
السلام عليكم ورحمة الله وبركاته
اما بعد
افتح الموضوع هذا للجميع بالمشاركه بخبراتهم بالقياده بالطرق الوعره رمل او جبال كل واحد يشارك بمعلوماته اللي ممكن تفيد اي واحد مبتدئ بهذا المجال
يعني مثلا : عندك طريقه لتخليص السياره من التغريز بالرمل
او طريقه لصعود المرتفعات
اوتقنيه معينه للتحكم بالسياره في المناطق الزلقه
او موقف حصل لك وتتوقع ان الجميع ممكن يستفيدوا منه
ابدا بنفسي
يوم كنت ماخذ لفة صعود لكوبري وماشي 80 بالجيب اثر ان الارض ملانه ديزل وبدت السياره تزلق ناحية الحاجز قمت سحبت الدبل الخفيف بسرعه والله ان السياره التصقت بالارض تعلمت من الموقف ان استخدم الدبل في حاله الانزلاق لتثبيتها
الموقف الثاني: كنت بالهاف مون اطعس وشفت لاندكروزر جديد مغرز قلت اسحبه رحت عنده اثر ان الارض رخو اول ما وصلت طبت السياره بالارض على الدفرنش اللي سويته طوالي بدون تنسيم الكفرات حطيت السياره بالدبل الثقيل وبديت الف الطاره على اليمين واليسار يمين يسار بسرعه منخفضه وبدون دعس الين طلعت السياره وسويت نفس الشي مع اللاندكروزر وطلعت
الخوه الاعضاء الرجاء المشاركه بالخبرات
ارجو من الادراه التثبيت للفائده وشكرا
