السلام عليكم
رحت وكالة الجفالي واستقبلني الموظفون(عكس الوكالات الثانية الي مايطالعون فيك الا اذا اخدت كاتلوج خخخ)وعطوني معلومات عن السيارات فقال لي افخم فئةsوبعدهاeوبعدهاc
وانا خطرت في بالي الفئة Eفقلت الى الموظف ان نفسي في ذي السيارة من زمان بس اسمع الشباب-من المنتدى طبعا-يتكلمون عنها الي يقول ماتسرع والي يقول رخيصين حدها80الف والي يقول الخلفية مو بداك الزود ووو
ابتسم الرجال وقالي على فكرة الي تشوفهم هنا معظمهم من دبي ومواصفات المانية او امريكية يعني ماتصلح للخليج ومعظمهم موديلات قديمة 97 98 يشوفها في دبي رخيصة ب60الف ويغرة المظهر ويجيبها ويبتلي فيها قلت له طيب انا شفت سيارة E280في المعارض صاحبها شاريها من الجفالي ومحافظ عليها ماشية 50الف فقط ونوعهااليجانس وانا ناوي اشتري وش رايك قال خلاص الليل انا اطلع معك واشوفها_يا سلام على الخدمات-
وطلعنا وشاف السيارة وقالي الي يشوفها يفكرها وكاله من نظافتها وشاف المكينه وكالشي قالي اذا تبي النصيحة توكل على الله
كانت مواصفات السيارة كذا:
كراسي جلد
جنوط
فتحة
كمبيوتر وتلفون مشبوك علية
اسيات كهربائية
تدفئة الاسيات الامامية
ستارة كهربائية
السنادات الي ورى 3وينكفسو تماتيك
مكيف خلفي
حساسات
جهاز ضخ الماء للانوار الامامية
8ايرباقات|8|
ووووو
وموديل 2001يعني المرايات الجانبية فيها لمبات الاشارات
وهذا الي يميز هدا الموديل ان الاشارات في المرايات الجانبية وشكل المرايه مثل مراية الفياغرا
المهم ما اطول عليكم السيارة دفعة قيمتها 115الف مع التامين
الان نبتدي القصة من البداية:
ركبت السيارة وصكيت الباب وحسيت بعازلية رهيبة جدا حطيت المفتاح وكان بطاقة دورته على خفيف وهديته واشتغل الموتر الصراحة خفت من صوته
سخنت السيارة وشغلت المكيف وبعد ربع ساعو جمدت وكان على انزل شي
دعست البريك وجيت بحرك القير ماعرفت خخخخ(سيارتي كانت اكوورد2001)وديته الى Dورفعت هندبريك وشلت رجلي من البريك ومشت ولا انا حاس لها دعست دعسة البنزين يا الله ماكني داعس شي لينه بصورة ماحد يتوقعها
مشت السيارة على الخط 120وانا مو مصدق قلت في قلبي كيف متحمل الاكوورد
المهم وانا امشي طبعا الناس تناظر وذا موشي متعود عليه هههه
المهم وصلت البيت جيت ابي اتعلم على السيارة والحمدلله عرفت لها شوي بس في كم شي مو فاهمة
والسيارة صار لها عندي شهرين ولاصار فيها شي غير الكشاف الي تحت وانا امشي اول امس ماشوف الا الكمبيوتر راسم لمبة ومكتوب شيك لايت اندر ان رايت خخخ
نزلت الا محروق لنه نزلت علية مويه يوم اعبي السيارة
والحمدلله السيارة بعكس ماسمعت عنها انا اشغل المكيف وامشي واحسها تنطلق بصورة موطبيعية وطبعا فيها زر عند القير W Sلين تبيها تصير خفيفه واجد تحط Sلكن انا استخدمها في W
بس لاحظت ان فيها شي الاكوورد افضل لا وهو صرفية البنزين الاكوورد مايصرف الا قليييل اما هذي تشفط بنزين واجد يوم سالت واحد قالي لنها 12بوجي تحرق بنزين
بس يالله السرعه والراحة ماتجي مني والطريق:d
وانا ابي انزل صور السيارة بس الصراحة خايف من العين ههههههه
اسف على الاطالة
تقبلو تحياتي
مرسيدس بنز.....مستقبل السيارات
