هل حصل لك موقف مع المرور ( لاتقول لا ) أدخل وقوله

vAMP

هههههههههههههههههههههههههه

لا يكون رحت الازهري و لا عند الاندلسية ...

;)

السلام عليكم
مشكور أخوي tristar

أنا صار لي موقف يوم الثلاثاء
آخر يوم بالاختبارات
ركبت سيارة خويي (اكسبديشن معبث)
ودقيت سلف وشغلت المكيف
وخذت لفة بهدووووء ومعي خويي
وبعدين رجعنا وقفنا عند المدرسة
ننتظر واحد من الشباب نبي نعطيه كتابه
طبعا ذاك اليوم حصار مشدد على المدرسة عشان التفحيط
شوي ولا يجيك دورية وحنا موقفين
يا راعي الفورد
نزلت أنا وخويي شوي جا يسأل
معك رخصه
قلت لأ
قال أنا شايفك تفحط :) وهو يتبسم
قلت له والله ما فحطت
قال اركب الدورية وبلا كذب
ركبت الدورية وسويت مكالمة تلفونية والهطف برا يتفاهم مع خويي
المهم
جا وركب اللومينا بيخوفني يعني بيوديني الحجز
وقال لخويي الحقني
شكله متهاوش مع مرته ذاك اليوم :)
مشى شوي بعدين قال منت ناوي تعتذر
قلت له لأ (قدني سويت المكالمه وضامن وضعي :))
وقف عل جنب
ووقف خويي قدامه مش وراه (شفتوا القوة)
أخذ بطاقتي واستمارة السيارة وطلع الدفتر
قلت له وش بتعطيني مخالفة؟
قال وش تتوقع
قلت له عطن اللي تبي
قال باعطيك عدم وجود رخصه 900 ريال عشان تتأدب
قلت له اللي تشوفه
عطاني البطاقه وقال نقلني الرقم عشانه ناسي نظارته
أنا طرت من الفرح
وأنقله الرقم كان أشطف صفر من النص
والغبي ما انتبه ان الرقم ناقص
قال خذ هالمخالفه ولا عاد أشوفك
قلنا له طيب

طبعا المخالفه ما تسجلت علي :)

هذا موقفي وتحياتي
أخوكم أبـــ خالد ـــو

سلام ياغاليين .. بصراحة سار لي موقف قبل يومين يمين بالله بغيت انهبل ..

سمعت إنه فيه شارع قومات بالمدينة .. عاد العادة المدينة ذي مابها شيء ابد ..

واللي سمعته انه سيارات جامدة تنزل بالشارع ذاك نسيان زد وغيره كل اربعاء وخميس ..

المهم يوم جاء الأربعاء إلا والله انا في الشارع ذاك الساعة 9:59 وكان معاي خويي بالسيارة مامعاه إثبات .. والشارع كان شوي طويل وواسع وشبه فاضي (أظني جيت بدري) المهم إلا وأوقف قدام شوي ما ادري إلا خمس لومينات تلحق وراي !! كلها مشغلة السفتي .. واحد جاء وراي لصق فيني والباقيين الأربع كلهم على يساري !!

بصراحة لو إنه فيني مرض بالقلب ولا بالمخ كان جاتني سكتة على طول .. !!

قعدت اطالع في خويي يمكن أبو دقيقة ادقق في وجهه اشوفه يشبه لواحد من ال 26 المطلوبين ولا لأ :)

المهم خويي قال لي انزل مامعي اثبات لا يجون عندنا .. نزلت خير ياجماعة الخير ايش فيه .. إلا يقولون لي هات رخصتك وإستمارتك وإثباتك وكل شيء وخل اللي معك ينزل !

جبت لهم اللي يبون والله يمكن قعدوا ربع ساعة يطالعون فيها ما ادري ويش عندهم! إلا وعطوني إياها ومنكحوا خويي .. ليه ما معك إثبات .. والله نسيته في البيت .. إلا وينادي العسكري واحد ثاني ويقول له حمله في الجيب! .. جاء الثاني وقام يسأل .. انت السواق ولا المرافق .. انا المرافق .. ويش قاعدين تسوون هنا .. إلا ويقول له الغبي خويي .. قسم بالله جينا نتعشى والله ماجينا لا علشان ---مقاومات--- ولا عشان شيء والله ماندري ويش يسير في الشارع ذا اصلاً << فضحنا الدلخ يوم قال مقاومات!!

المهم العسكري اظنه ما انتبه ومشانا بعد ماشاف دموع خويي خخخخخخخخ .. والله جاء يبكي ..وسووا نقطة تفتيش بعدها في الشارع ذاك وخويي قعد يلعن في ابو سابع جد اللي قال لنا عالشارع .. :)

تحياتي ..

مشكورين أخواني على مشاركاتكم ومواقفكم الرائعه

أخوي S2K ما يصير خاطرك الا طيب بس وين موقفك :mad:

أخوي العمدة مشكور على مشكور على المواقف الرائعه :D

أخوي الاسم للبيع مشكور وما قصرت

أخوي msh3l1 صراحه هاذا مشكله حقيقيه

يعني هم يخالفون واحنا لا

هاذا ظلم لكن الله يكون في العون |2|

أخوي الهويشل ابومطر

رجال المرور الي مثله كثييير

وفي ناس منهم محترمين ونحطهم فوق الراس

لكن الي ما يحترم نفسه المفروض ما يحترم

مو يعني رجل أمن تاذي الناس

مهنتك تساعدهم

مشكور على الموقف

اسف اخواني على التأخير في الرد

تحياتي ..........|3|

حصل لي موقف ظالم مع احد رجال الأمن

والقصة طوووويله

تبدأ من أن احد الزملاء القدامى قام بزيارة لي في القويعيه

المهم ذهبت انا وزميلي لكي يشوف القويعيه

وما دريت الا وذاك التفتيش

مريت عليه والعسكري ما كان واقف على النقطه

ولكن كان ماسك اطفال وينفخ عليهم ويصارخ

انا مريت ولقيت العسكري مشغول ومشيت

شوي واذا العسكري يصيح علي ارجع يا هوووووووو

رجعت وانا مبتسم قلت آمر

قال ما تشوووف يا هووووووووووووووووووووووو

قلت / انت تخاطب مواطن سعودي انت في خدمته وارجوك حسن الفاظك

قال / تتهزأ برجال الأمن

قلت / حاشا لله انتم الأعين الساهره ونحن معكم قلبا وقالبا

قال / فين تشتغل

قلت / معلم

قال / تكذب انت شكلك عطلان بطلان

قلت / شكرا لك

قال / الرخصة والاستمارت والبطاقة وكل شي

قلت / تفضل

قال / وقف سيارتك على جنب

رحت له واذا هو يحرر قسيمة ( عدم ربط حزام الأمان )

قلت / يا اخوي انا رابط حزام الأمان

قال / تعقب وتخسى

قلت / أحترم نفسك وخاطب المواطن باحترام

قال / انت ووجهك تعلمنا القوانين

ثم صرخ على العسكري المناوب معاه / اركبه في الجمس

قلت / بأي حق تركبني في حوض الجمس

قال / الا وش رايك تشتغل مكاني

قلت / رح على سيارتك وانا وراك على سيارتي وخذ معاك الرخصه

قال / خلاااص خليك وراي

رحنا لمركز شرطة القويعيه

كتب تقرير مطول بأني ضربته وتعرضت عليه بالضرب واللعن

واسلوووب القذف وووووووووووووووووووووو

قلت للعسكري الخفر وش هذا

قال / المشكله ان رجال الأمن حالفين على المصحف

قال لازم تدخل السجن ويمكن يكون فيها سجن طوووووويل

اتصلت على والدي واتصل على محافظ القويعيه

طلعت من السجن بكفاله

مع وجوب الحضور للتحقيق

ذهبت لمركز الشرطة

شكيت الحال على احد الضباط

وقال القضية انتهت وهذا العسكري معروف بمشاكله وكذبه

المهم رفعت يديني شكرا لله أن انجاني من كيد الكائد

وحسبنا الله ونعم الوكيل

قبل تقريبا سنه كنت رايح اجيب عشا من مجمع المطاعم بطريق الامير عبد الله .. المهم وصلت المطعم اللي ابي

و لا اشوف عسكري يسولف مع راعي فياقرا و راعي الفياقرا موقف على الشارع .. وقفت و نزلت للمطعم و

اخذت الطلب يوم جيت اركب السياره و القى ورقة المخالفه على القزازه .. رحت للعسكري قلت وش السالفه

قالي وقوف خاطئ قلت طيب انت شايفني يوم اوقف ليش ما قلت لي قال ما شفتك <<< نصاب و الله شايفني

قلت طيب وراعي الفياجرا ؟؟ قال السياره باسم الامير فلان قلت طيب ليش تعطيني مخالفه قال رحم الله امرا

عرف قدر نفسه <<<< آبوك يالبجيح

قلت طيب العبد هو اللي كان يسوق الفياقرا ليش ما عطيته مخالفه على رخصته قال العسكري ما اقدر .. قلت

دامك ما تقدر تعطيه مخالفه ليش تعطيني انت ظلمتني الحين ..


قال خلاص المخالفه انكتبت و لا اقدر اسوي شي قلت لا تقدر تمسحه ..

و بالاخير اخذت المخالفه و توكلت على الله و انشاء الله باخذ حقي بعدين.

و عذراعلى الاطاله .

قبل كم يوم كنت راجع من الحلاق... ولوحة السيارة الخلفيه مسروقه واطلع بها وهي على حالها بدون اللوحه الخلفيه ...
المهم وانا رايح للبيت كبس لي العسكري واوقف على جمب ... احتريه يجي ابو الشباب مجلس بسيارته .. وطبعاً النظام ان العسكري هو اللي ينزل للشخص اللي وقفه...

ابو الشباب ما نزل الا يمكن بعد حوالي 10 دقايق... يوم فتحت الدريشه عطيته ورقة البلاغ وانا ساكت وهو ساكت .. سأل عن الاثبات وعطيته اثباتي... المهم ويجي يقول ليه ما نزلت لنا ؟؟!!!!
قلت والله النظام انك انت تنزل لي مب انا انزل لك... تشوفه حقد ولا يدري وش يسوي عطاني البلاغ والاثبات وهو ساكت وراح ...

الموضوع رائع وشدني اكثر للكتابة مشاركاتكم الكريمة انا عدة قصص منها حلوة ومنها مو حلوة
1
كنت انا والوالد آخذين الجالنت ورايحين الشرقية نقدم في البترول والمعادن المهم الجالنت حقتي كانت وقتها دوبني مضبط شوية المهم الوالد أخذ عني السواقة قال اقرالك كم كلمة عبال ما نوصل وتختبر المهم جينا عند تفتيش ويطالع الرجال في ابوي ويقول ولللللللل شايب (الصراحةو بطريقة وقحة جدا )لكن الوالد بطبعو هزأ الرجال ومشينا
2
الموقف الثاني
في الحج قلنا يا واد روح لمكة سوي زحمة على الحجاج وشوف الحبايب هناك وأخذت اخويا الصغير وخليناها سفرة عزابية وصلنا الطايف عند التفتيش استمارة بطاقة وكمان كلمة موجهة لأخوي ذا 14سنة بدون هوية هويتك ...والمخفة انا قلت هذا صغير طلعتلو بطاقة العايلة قال وراك مطلع بطاقة العايلة ما عندك عايلة عاد بدأ يسأل اخوي صف كم عمرك كم موفق ان شالله (اتفضلو )
3
الموقف الثالث رهيب بمعنى الكلمة
كنا راجعين من عرس في نص الليل كنا شباب في سيارة وفجأه نلاقي نقطة تفتيش وطبعا انا و السائق قدام بدون حزام ومن الربشة نحنا الاثنين نشد في الحزام مو راضي يفك معنى إلى ان وصلنا عند العسكري والعسكري شايف الموقف ويضحك عذرنا ومشينا
هذي هي مواقفنا ... شكلي طولت استحملو عاد
تحياتي للجميع

موقف! إلا مواااااااااااقف ودورين كمااااان :D

يا رجال كبر راسك ووسع صدرك وحط رجليك :D:D

يسلمواااااااا |3|

حلوه دي "مرورك الكريم" ..

خخخخخخخخخ

مشكور أخوي ابو ضرس على مرورك الكريم

مشكوربن شباب على تفاعلكم

((ابو اسعد))
معاند الجرح2
Driv3R Boys
صياد الطيور

مشكورين وما قصرتو

تحياتي ........

مره من المراير ... كنت راكب مع واحد من العيال ... وقفنا العسكري وطلب هويتي ..

قلت له ابشر ... عطيته الهويه ... قام قلي فين الحزام ...

قلت له يوووووووووووووه معلش يابو الشباب ...

قلي خلاص هي المره نمشيك ...

هذا اقوى موقف .. خخخخخخخخخخخخ

لأني ترا مؤدب وماني راعي مشاكل

تسلم على الموضوع الرائع

موضوع حلو

انا واحد ممتحني يستلم في نفس الحي الي انا ساكن فيه كل يوم لازم يمسكني

وانواع الأسئله والتحقيق هذة موقفيين معاه:

مره واحد من اصحابي جاب معاه اقنعه مرعبه على شكل وحوووووش تفزع المهم

وانا راجع البيت اخر الليل كان صاحبي لابس واحد منها وفجأه طلعلنا خوينا ماادري من فين طلع وشاف صاحبي لابس القناع وقفت عند البيت الا هو معاي قال لاتنزلون

من السياره مكانكم .....مكانكم

قلنا ابشر ونزل فتش السياره واخذ الأقنعه واستدعا الضابط ولمن جا الضابط

شافها قال يالله القسم وهذي فيها جلد هذي تنكر وهذي وهذي

وسرد لنا المخالفات بعد كلام طويل تركنا .



الوقف الثاني: مره صحيت من النوم على صوت واحد يقول :فوق تحت تحت بس بس

ارفع ارفع.

قلت خير لمن نزلت الا خويينا يبغى يسحب سيارتي يقول عليها بلاغ تفحيط

وهي المشكله فورد ماركيز فل كامل نضيفه جداً ماشاءالله حرام تفحيط فيها

قلتله والله ماتسحبها تزل الوالد تفاهم معاه وظف وجه .

هذا ماعندي حبايبي

بصراحة اشكركم على هذا الموضوع
اما عن قصتي فهي غريبة شوي

كان وقت الإختبارات النصفية و انا لحالي بالسيارة و النور الأمامي الواطي كان محروق ( الشمعتين ) كنت امشي في طريق الملك بعد دوار الكرة الأرضية و كانت سيارة قدامي و طفيت النور عشان ما اعمي اللي قدامي و مريت بجنب دورية إلا هو يلحقني و بعد ما جنبي قال ليش مطفي النور قلتله عشان النور محروق و ما ابي اعمي الناس و بعد مفاوضات اقتنع و يادوب اركب السيارة و ما مشيت مترين إلا و الدورية الثانية تجنبني طبعا بالجاز ( قاق قاق ) خخخخخخخخخ <<<<<< ابوك يا التشبيه
المهم و يقلي ليش ما تشغل نورك و رجعت حكيتله القصة و إلا و إلا يعطيني مخالفة بالذوق ولا بالقوة و بعد ما اقتنع قال طيب ليش مظلل قلت في نفسي ( وش ذا النشبة) قلتله انت ليش إلا بالقوة تخالفني قال لا مدير الدوريات هو اللي مبلغ عنك وقتها حسيت اني إرهابي المهم وبالصدفة مر مدير الدوريات من جنبنا و معاه كراون فكتوريا ابيض و جنط اسود باين عليه دورية طبعا بدون إستيكرات قال العسكري هذا هو اللي مبلغ عنك ، في الأخير و للأسف فكيت التظليل مع انه نظامي البيبان الخلفية و الواجهة الخلفية بس عبط منغولي في العسكري.


اعذروني على الإطالة



تحياتي للجميع

السلام عليكم اول شي
ثاني شي المواقف كثيره
جاء مره واحد وكنت واقف عند اشاره وهو ورار بالزبط
طبعا اخوكم استكرات ورى واشوف في المرايه جالس يحاول
يقراها ونا اضحك في السياره مكتوب HOLDEN
يتهجا حرف حرف
فكت الاشاره وجاء شاد فتحت له الخط معاه دباب هوا
المهم يتقدمني وياشر لي على جنب
وقفت ومانزلت جاء هوه الرخصه والاستماره
قلت قبلها قولي ليه الرخصه والاستماره وشو السبب
لالي خلاك توقفني قال اللصقات اللي ورى
قلت تعرف وش مكتوب قالي ايوه وقال وقالي شولدن
قلت اف اف قال وش فيه قلت هذي ماحد عرف يقراها ابدا من قبلك
ولا حتى اللي يدرسون انجليزي كيف عرفت تقراها
قالي معاي دورة انجليزي من المانيا (انجليزي ودرس في المانيا ولا شغلته راكب دباب دنيا غريبه)
المهم انبسط هوه وقالي خلاص خليها ولايهمك وراح اهم شي فكني منه
لانه لاعندي رخصه ولا اثبات كان معاي ولا شي نسيته الموضوع

السلام عليكم
موضووووووووووع اكثر من رااائع .. انا صارلي موقف يمكن ماتصدقونه ..
انا مثل ماتعرفون بالخبر وكنت امشي بالخط الساحلي طبعا الشارع هذا سايدين وزحمه
المهم سلمكم الله يوم من الايام كنت امشي بطريقي الا واشوف دوريتين باترول يمشون ورا بعض (( هم طايحين بالحركه هذي عندنا مدري ليه ؟؟)) المهم نمشي شوي والا راعي الباتروول (الدوريه) ينزل على التراب اللي على اليمين هو وخويه اللي وراه
ويتجاوزن السيارات ...:( طبعا انا فرحت باللحظه هذي :) لاني ابي افتك من الزحمه
والله امشي وراااااااهم وامشي شوي الا ويوقفني راعي الدوريه ؟؟؟ شوف الوقاحه
انا وقفت ويجيني يقولي ليه تتجاوز على اليمين؟؟ انا قلتله وبكل برود انا كنت احسبه مخالفه بس شفتك سويتها قمت قلدتك !! قال ها لالا هو ممنوع بس احنا شرطه
وكنا مستعجلين وانحدينا اننا نسوي الشي هذا !! قلت :ها ايه ..
قالي خلاص امش ولاتسويها مرة ثانيه
خخخخخخخخخخخخخخخخخخ
بالله شرايكم بموقفي

ماشاء الله عليك Polite

والله إنسان طيب وابن حلال

الله يخليك ولا يحرمنا شوفتك

تحياتي ......