محتار يا ناس

الكابرس معقوله تقارنه بهوندا اذا قلت هوندا يعني فخر الصناعه اليبانيه جير انسى توضيبه ماكينه تخدمك عمليه من الطراز الاول صرفيه اقتصاديه

ام الكابرس شكل ولافيه اروع منه لكن توقع اي وقت تدخل وتطلع من الوكاله وعورا راس بعدين الهوندا اقوى واصلب في البدي خصوصا الموديل الجديد من هوندا فيه لمسه المانيه وفيه عيوب بس مهما يكون عيوب الهوندا اقل من الكابرس

يعني مع احتراام الى الجميع ما فيه مقارنه في الجوده بين الهوندا والكابرس الكابرس ما تمر عليه اقل من سنه وتحض فيه صيانه ودى شىء وااضح بس لانه قطعه رخيصه وشكله حلو ننسى عيوبه ونقول تحافض عليه ما يخرب كلام غير منطقي فيه شىء يسمونه جوده قوة تحمل بشكل عام اليباني عملي اكثر ولا فيه وجع راس والهوندا الجديد ترى مشيته غير الهوندا القديم الكابرس انا معااك شكله جباار وهيبه وحلوو يعني ديكور بس هل يعيش ويخدمك مثل الهوندا مستحل طالع تاريخ الكابرس وتاريخ الهوندا من تدخل الورش اكثر اعتقد الملعلومه وصلت وانت وراايك االشخصي دي مسئلت ذووق ومبروك مقدما

الالتيما غااالية ؟؟

سعر الالتيما فل اوبشن 84 ألف رياال وانا بصرااحة أرشحها

على الكابرس و الاكورد . .


سلااااااااااام

حاول انك تسأل عن صيانة وكلاء كابريس وقطع غيارهم وأسعار السيارات نفسها


عندك ..
( 1 ) التوكيلات العالمية للسيارات
( 2 ) بالبيد للسيارات
( 3 ) العيسى للسيارات
( 4 ) الجميح للسيارات


وبالتوفيق إن شاء الله .

تسلم على الرد عاشق 2000
انا اوافقك الراي في اشياء كثيرة بس على قولة اخوي نك ما فيه دخان بدون نار :d
بس حتى الان الاغلب انها كابرس وعلى الله

اول شي انا اللي اعرف الكابرس من 2000 الين 2004 مين اللي قالك انه خرابات ومدري ايش اول شي كل سياره وفيها خراب من المصنع نفسه وثانيا ان الكابرس على حسب الاستعمال وان الخرابات كانت في الشكل القديم من 2000عرفت اخوي اما الان فقط تغير الكابرس شكلا وتصميما ومحركات ومكاين وصلحو الخربات التي كانت من الشكل 2000اما الاكورد اول شي موتقارنها بالكابرس ولا التيما ولا المكسيما او اللومينا عشا كذا انا اعطيك المميزات في الكابرس واللتيما توها نازله ولاتدري عن قطه الغيار والمكسيما برضو قطع الغيار غالية ومتعبة وخرباتها واااجد والاكورد قطع الغيار اغلى من الكابرس بووواجد اما الشكل طبعا كابرس والاختيار والراي راجع لك هذا وجهة نظري والله يوفقك ومبروك مقدما تحياتي

مشكورين شباب و ما قصرتوا و لو اني الى الان محتار ولا قدرت احدد
الهوندا جودة و شبابية و حلوه وراسية و فخمة
والكابرس فيها ميزات غير طبيعية و راسي وفخمة و شبابية و عائلية بس
مادري كلام الناس يحير
انا سقت الثنتين روووعة الثنتين بس
مع الزمن
مابي اسمع طقطقة و كل يوم وكالة و قلق و توضيب جير
والله مادري محتااار اهم شيء ابي اعرف لو حافظت عليها يجيها شيء ولا ؟

الكابرس يالاخو تعطيك مواصفات حلوه ما عليها كلام..لكن السؤال هنا هي بتقعد معك ؟؟؟ بتحتاج كم مره توضيب قير.. وبيطلع لك كم حاجه .. وكم مره قريت هنا عن اللي قدر شروا كوابرس..فيه من يشتكي منها... غير كذا راحت ايامها اللي تجي الحين استراليه..تقارنها بالكوري يعني..

أما الاكورد .. جرب سواقتها اول وشف ... وقبل رح للوكالة واركبها وشف كيف ... بس تركبها ما تنزل :D

ودور لك اول شي وحده اجار وجربها ...

واللي بيعجبك خذه ..

هلا اخوي شف كانك تبي سياره كبيره وعائله اجل شل الاكورد من راسك لانها صغيره وما يقارن وسعها بالكابرس انا ما انصحك لا تاخذ كابرس ولا انك ما تاخذه لكن هو اوسع واقوى اكيد اما الباقي اجهل فيه وبالنسبه للي تسمعه اخوي ما ادري والله لكن مافيه دخان بدون نار ولا انا غلطان لكن كانك بتحافظ انشالله يعيش معك
تقبل تحياتي

خذ الكابريس واتوكل على الله ..

افخم واارسم واقوى واريح... كل المواصفات للكابريس..

واسمحلي.. الكابريس ماتتقارن مع الهوندا حتى لو كانت 6 سلندر . .

كابرس بدون تفكير اخوي لانها كشخة ورزة واكبر بكثييييييييييييييير من الاكورد والقطع حقت الاكورد مدري ليه غالية وبالتوفيق

هلا فيك أخوي ،
إذا كنت ما تحب التفحيط والقومات .. صدقني حتى المازدا 79 بتعيش معك :D

نصيحتي لك ،
توكل على الله وخذ كابريس |9|
سيارة رائعة وواسعة وشكلها جديد وتتفوق على كافة السيارات الأخرى اللي تضمنها موضوعك |1|

خذ كابرس أفضل من الاكورد

وإذا حافظت عليها ماراح يجيها شي إن شاء الله

سلام

تسلم حبيبي على الرد وانا مثل ما قلت لك الي جرب الكابرس ما يتكلم عليها
بس الي يسمع الكلام عنها هو الي يتكلم عليها
و تلقاه ماخذ الكلام من الي يستهبلون به ولا يحافظون عليه
او بس كلام قراه و يردده
عموما شكلها كابرس خصوصا مثل ما قلت انت
اكثر شيء شادني لها ان موديلها بيقعد فترة مو قصيرة مو مثل اي سيارة ثانية
وبانتظار المزيد

اكيد الكابرس افضل انت يمكن ما ركبت الكابرس

انا راكب الاثنين عند احد الاصدقاء

الاكورد حلوة لكن صغيره

اما الكابرس ltz الصراحه رووعه عزم خارق وفخامه والله ما توقعتها

الكابرس وخاصه الجديد 2004 الشكل الجديد يعني على الاقل 2008 يتغير

ويمكن بعد

ان شاء الله ماراح تندم على الكابرس

المشرف على منتدى الاستراحه : كابـــssـــرس عنده كابرس ltz2004

المشرف على الياباني : اكورد انا اعرف شخصياً معه اكورد فل كامل 4 سلندر

والله ندمان وهو قالي

بالتوفيق

هلا والله اخوي نيك تسلم على المشاركة
واحب اقول لك شيء
اولا واضح اني ابي كابرس وجاي اسال ههههه لاني فعلا مايل لها والي مخليني اجي اسال الكلام الي اسمعه عن الكابرس فحبيت اني استفسر المجربين له واعرف الفروق بينه وبين الاكورد لاني مقتنع ايضا بالاكورد و عاجبتني فحبيت اني اعرف اراء الاعضاء واعرف الفروق بين هالسيارتين و لو رجحت كفة الاكورد فيه امل كبير اني اخذها
لان بصراحة سيارة ما عليها كلام
و حتى الان ترى محتار شوي لكن ما تزال الكفة تميل للكابرس
بالنسبة للسيارات الي رشحتها انت فعلا خطرت ببالي بعضها مثل الافالون
لكن شكله ما خش مزاجي مع ان مواصفاته عالية و جودة و فخم بعيون بعض الناس
بس ما تقدر تشتري سيارة انت شخصيا ما اقتنعت بها صح ؟
بالنسبة للجراند ماركيز حلوه و رهيبه و عاجبتني بس شكلها خلاااااااص ياناس من 98 و كنت افكر فيها بس ماش يعني انا ابي موديل جديد مو بس 2004 او 2005 ابي شكل جديد اتمنى انك فهمت قصدي
و المونديو اتمنى من كل قلبي انك تحط لي صورها لاني ناسي شكلها
بس لو كانت الي ببالي فاظن انها صغيرة شوي وانا عندي مشكلة ان العائلة ما شاء الله و احتاج سيارة عائلية \ شبابية بنفس الوقت
مثل كابرس و افالون على قولتك و الجراند ماركيز فاتمنى انك لو تلقى سيارة مشابه لهالسيارات ترشحها لي
بس عاد موب تقول بي ام و تقهرني ههههه
يعني ابي سيارات اقل من 100 الف
ومشكور حبيب قلبي وبانتظار المزيد
باي

انا ما راح ارشح من هالسيارتين لاني احس انك تبي كابرس وجاي تسأل مدري ليه :D
بس بضيف لك خيارات
1- فورد مونديو
2-تيوتا افالون
3-قراند ماركيز
4-ما يحظرني شي الان لكن اذا ذكرت انشالله اقول لك

حتى الان افهم ان الكابرس افضل ؟ ولا لاني كاتب الموضوع في القسم الامريكي :d
عموما انا كاتبه بالقسم الامريكي لسبب اني اميل للكابرس والسبب الثاني اني ابي اخذ راي الي جربوا الكابرس ومعهم لكن كويس ان المشرف نقله عشان اخذ اراء اصحاب الاكورد
طبعا اخوي الهويشل ابو مطر صح انت ما رشحت شيء لكن كلامك كان واضح ووصل
انا عارف هوندا غنية عن التعريف من ناحية الجودة
لكن الكلام الي اسمعه عن الكابرس و خراباته يكون من ناس كارفين امه من ناحية مقاوم و دعسات اما المحافظين عليه سواء هو ولا اللومينا اشوف انه عايش معهم لفترة بدون حتى ما يشتكي من اشياء بسيطة
بالنسبة لك اخوي ريد شيفي والله مشكلة كبيرة شكلي باشيل الكابرس من راسي ياخي سماعة كاملة من 12 فيها خراب خفيف يلعن ام القهر ههههههههههههههه
والله ضحكتني من قلب لاني خاش معك جو حسبت عندك سالفة بتقول لي خراب جامد تقول لي سماعة وحدة يا حليلك خخخخخ
و مشكور على الرد اخوي بسام اس اس و النصيحة واتمنى اني القى ردود اكثر
سلاااااام

العضو يطلب النصيحة

هل يشتري هوندا أكوورد او شيفروليه كابريس

والموضوع كان بالمنتدى الأمريكي

وينقل للمنتدى العام لتعم الفائدة

وأنا لن أرشح لأن سيارتي وسيارة أخوي هوندا أكورد

شهادتي في الهوندا أكوورد مجروحه

أترك الترشيح للأعضاء وللمشرفين الآخرين

ةالموضوع نصيحة للعضو لأنه رايح يشتري سياره

يبيها له وللزمان