والله قهر ليش يسمون كامري سيارة .............

dr_xl @user_7016 · 23-06-2004

يا شباب ابي اعرف وراوه ( ليش ) يسمون كامري سيارة طعوس

انا عندي كامري اللون البحري ومستانس فيها |1| :D

وفجأه يقلبون الناس علي وش يقولون ؟؟

يقولون (((((((((((( سيارة طعوس |4| )))))))))))) :mad:

طيب ليش؟؟؟ !!!!!:confused:

والله اني صرت افكر ابيعها واشتري غيرها

تحياتي ابو فهد <---------------- زعلان

CAMRY2K @user_4753 · 27-06-2004

مراااااحب ،،

والله رأيي إذا كانت الكامري زي ماهي من الوكالة بدون تعديل ،، وتكون الطيس أو جنوط الوكالة راكبة فما فيه مشكلة السيارة زي أي سيارة ثانية محترمة وماحد يقولك سيارة طعوس ،،

لكن لو شلت الطيس أو ركبت جنوط كبييييرة ذاك الوقت الناس معاهم حق لو قالوا لك سيارة طعوس وخاصة شيلة الطيس ماتكلف ولكنها شبهه مابعدها شبهه <----- الدوريات يفرحون بشوفتك ويقولون لقينا لنا شيء نتسلى فيه |6|
اسأل مجرب <------ كان معاه كامري2000

وطبعا السبب يرجع لتصرفات معظم اللي يسوقون الكوامري (يشمل الإيجار) من تفحيط ووو..ووو..

وكل واحد له وجهة نظر

تحياتي|3|
أخوكم CAMRY2K

عبدالعـزيـز @user_12072 · 27-06-2004

اخوي لا تبيعها خلها عندك لانها سياره عمليه وخلها للمدينه بس اي للفرك
واشتر سياراه ثانيه للتكشخ عليه والسفر عليها
سلااااااااااااااام ياخوان

C_A_M_R_Y @user_10918 GLI · 26-06-2004

اولا السلام عليكم
الى الاخ/M.S.2
انت تقول عموما زي ما قال الاخ وقف عند تفتيش وانت فاك الطيس وش بيقول ,,
تحياتي
وانا اقولك عندي كامري 2004 ومن اول مااشتريتها على طول فكيت الطيس وعادي امر من التفتيش رخصة واستمارة يااخوي ترا مو ياواحد معاه كامري بياع او مفحط

وفي الاخير اقلك كامري عن كامري تفرق....

تحياتي للجميع...

TARIQ.M @user_74 · 26-06-2004

كاتب الرسالة الأصلية M.S.2
عموما زي ما قال الاخ وقف عند تفتيش وانت فاك الطيس وش بيقول ,,
تحياتي

اذا مريت عند التفتيش
بعض الاحيان مايقولون شئ وبعض الاحيان يقولون الرخصه والاستماره واذا كنت مضلل يقولون فك التضليله ( هذا الي حصل معي |3| )

Touareg 2003 @user_4898 · 26-06-2004

بدون اي مقدمات أقول .....
السياره تترجع الى الشخص اللي يسوقها ولو كانت السياره LS430 مثل ما قال الأخ سيارة
لكن بالنسبة للموصفات ليست أحسن من الأكورد أخوي M.S.2 حتى لو بنتكلم عن الرساوة لا يوجد مقارنة بين الكامري والأكورد مع العلم انهم اثنينهم ياباني لكن ياباني عن ياباني يختلف

وكل واحد ووجهة نظره

تحياتي للجميع :)

M.S.2 @user_10767 · 26-06-2004

بسم الله الرحمن الرحيم
اول شى اخوي انا من اكثر المعجبين بالكامري حلووه وعمليه وميزاتها احلى من الاكورد الجديده وسعرها حلوووو ..
لكــــــن صراحه السياره عند المطعسه بعضهم اوووف الكامري فك الطيس وابدا هجووووله وتفحيط وهباااااال يعني بعض المطعسه لو تخيره بين بي ام 745 او كامري (طيس) يقول لك كامري ...:D
عموما زي ما قال الاخ وقف عند تفتيش وانت فاك الطيس وش بيقول ,,
تحياتي

ابو مريم 501 @user_5815 · 25-06-2004

؟؟؟؟؟؟؟؟؟؟؟؟؟؟
اول مرة اسمع عن
هالخبرية ماعلي منهم
الكامري سيارة شبابية
وعملية وخليها عندك
افضل من غيرها

LONDANY @user_9405 · 25-06-2004

وانا مع اخوي سيارة

مع التحية

سيارة @user_5479 · 25-06-2004

يا شباب هي ترجع لحالة الشخص نفسة هل هو مضبوط ولا رايح فيها , حتى لو معة 430LS

TORNADO @user_4795 KING ZOOM · 25-06-2004

والله مادري يمكن قصدهم لانه شعبيتها اكثر من غيرها او مو عاجبتهم وهم واحد او اثنين بالكثير والموديل الجديد يثبت انها من افضل السيارات اليابانيه بل احسنهم من حيث العمليه

ولا اخفيك انهم عندنا مافيه سياره ماطعسوا فيها وانا اولهم ومنهم الكامري واللومينا والكابريس والماكسيما .....الخ
ولاترد على احد

سلملم

ابوسعد @user_951 · 24-06-2004

الله يفشلك محد قال انها سيارة الطعوس
هي سيياره فخمه زي أي سياره

سراب الحياة @user_5260 · 24-06-2004

الكامري ماهي للطعوس الكامري للشباب والطعوس هم الي يقولون انها سيارة طعوس

Galant VR-4 @user_8335 · 24-06-2004

طيب ليه اجيب لنفسك الشبهه وفاك الطيس ؟؟
ولله منضر الكامري بطيسها احلاااااااااااااااااااااااا ...

TARIQ.M @user_74 · 24-06-2004

اول من شوه سمعت الكامري هم المفحطين
اخي الكريم الكامري سياره عملية ومريحة لأخر درجه
وبدون مبالغه : الحمد لله ماقد خربت علي من سنتين ماغير تغير زيت وبنزين وفحمات والاشياء الروتينيه في السيارات

اخوي Caprice سيارتي اول ماشريتها إلى الان ماقد ركب عليه الطيس والطيس إلى الان بكرتونها وماقد فكيتها والتفاتيش دائماً امر من عندها ولا قد قالو لي شئ

ME-99 @user_10518 · 24-06-2004

ياخوي ماعليك في كلام الناس اهم شيء انت راضي بالسياره خلاص ماعليك..............

الاسم للبيع @user_10216 · 24-06-2004

ترى فيه عالم طاحو فيها قبل لا يطيحون الطعوس فيها ... واظن طيحتهم فيها هي اللي خربت سمعتها قلبوها سيارة بياعين ومفحطين ... واظن ما طاحوا فيها الا يوم عرفوا انها عملية ..

وانت وشعليك من الناس ... بعدين يمكن الكامري عندنا بالرياض بس هاذي نظرتهم لها .. رح لمدن ثانيه تلقى النظره غييير...

وياخوي Caprice وش بيسوون التفاتيش اذا شافوني فاك الاطياس؟؟؟؟ انا قد كنت بوحده بدون اطياس ولا صار شي ..واذا انت صاير لك شي علمنا

LEGACY @user_3814 · 24-06-2004

الكامري من ارووووع السيارات بالعالم كله ... واللون الجديد من ازحف الألوان ..

والحاقدين عليها كثر... الي يقولك .. تفحيط .. طعوس... تاكسي..... سيارة بوريالين .. والله .....

حقد والله العالم ويش وراه ...

خلك عليها مافي ازحف منها ....

وبالتوفيق...

Caprice @user_9992 · 24-06-2004

فك الطيس ووقف عند تفتيش وبتعرف ليش

Ghonaim.a @user_5082 · 24-06-2004

اخوي dr_xlوالله ما ارضى زعلك ترى معك كامري شيخة السيارات اليابانيه ولا يهمك اللي يقول

انها سيارة طعووووس مع انها كذلك فعلا

ولو تلاحظ وتفكر تلقى هذا شي يدل على جودتها القويه مع انها استراليه على قوله

الحساد

لانهم الطعوووس بيون سياره اذا قالها تعالي من هنا تروح بدون نقاش

حتى لو تراب والا رصيف والا تفحيط والمشكله انها ما تنظر باللي يسونه

ولذلك اصبحت سياره تناسبهم كليا

وانا معي كامري 2000 واعاني من نفس المشكله اللي انت تاعنيها بس ما اعرف

شي اسمه خراب *****ما شاء الله تبارك الله******

ولذلك انا مرتاح بالكامري واشوف الناس تعاني من سياكلها ....عفوا اقصد سيارتها

واله انك فتحت موضوع كان منسي

وارجوا اني افدتك

اخوك CAM 717