السلام عليكم ورحمة الله وبركاته
اود ان اقص عليكم قصتي اللي صارتلي امس عند شارع الأمير عبدالله
وهي اني ديورت من الأشارة ودخلت على طريق الخدمة عند بنده العزيزية
وكان هناك تفتيش وقفت وطلب مني العسكري الرخصة والأستمارة عاد انا عطيته ايها احسبه تفتيش عادي بعدها قالي وقف على جنب نزلت وسألته وش القصه قالي انك قاطع إشارة!! وانا متأكد إني مديور والإشارة صفرا الغريب في الأمر ان اللي موقفينهم قاطعين إشارة 35 واحد ؟!!!!!!!
لقيتهم يكلمون الملازم ( وانتوا بكرامه ) مدري يحسب انه بذي النجمه انه ملك
واللي قاهرني ان احد العساكر جاني وقالي اني شايفك ماقطعت بس الملازم هو اللي قال وقفوه ومن بعض الناس اللي وقفوهم (دكتور وكان بلبس المستشفى وأستاذ جامعي وكان فيه مطاوعه واجد)المهم ان الملازم (الحرامي )
اتهمهم انهم قاطعين (على فترات كذا إشاره طبعا كلهم نفس الحركة مديورين )
ماشاء الله طلعوا كلهم كذابين إلا هو الصادق المهم بعد كذا الأخ قال للعساكر أكتب على كل واحد مخالفة وركبه (يبون يحجزونا بالناصرية) المهم ركبت (كان عدد سيارات المرور تقريبا 8) وبعد مامشا رحنا لمكان للمرور تحت كبري الخليج
وكان العسكري يقول لاتحطون شي بذمتي الملازم هو اللي قال أكتب المخالفة
وبعدها سوالي العسكري فاعل خير وقال بنزلكم بس لاتقولون لأحد الشي اللي أكدلي انهم متفقين (يعني تجميع مخالفات يبون يخلصون الدفتر )
ومن الأشياء اللي قهرتني انهم كانوا يسمون الهندي حيوان والله انه اشرف منهم
اسف على الإطالة بس كل هذا قهر وشكرا لكم
