كورولا ما تتعدى 195 وش الحل

تويوتا _ كورولا _ 1.8 _ أوتوماتيك

أكيد لإنها أوتوماتيك , والنمرة الرابعة بتكون ضعيفة مقارنة بالرابعة بالجير العادي وتجي بعدها الخامس برضو بالجير العادي

أنا عندي سيفيك 1.5 بس طبعا والحمد لله أجيب الـ 210 بالراحة ومن غير تعب
ولو الجو بارد ومساعد ممكن أجيب 225

أنا ملغم تلغيم عادي وخفيف جدا بس الحمد لله أطلع على 1.8 كورولا
عموما حكاية إنك تجيب أكثر من 200 بالجير العادي ولا غيره تحتاج لإحدى الأمور التالية , وفي منها صعب وفي سهل :
1 _ التمرين الممتاز يعطيك عزم كويس << لو مامرنت السيارة كويس راحت عليك :)
2_ إنك تفصل الكمبيوتر << طبعا حركة خطيرة لإنك ماراح تعرف تفسل النمرة لو إنك بمطارحة وأخذك الحماس , وساعتها راح يصير مالايحمد عقباه على الماكينة >> شر برة وبعيد << بالمصري
3 _ لو عندك جنوط ترى راح تحد من الخط بشكل كبير
4 _تأكد إن الشارع مافيه ميول ومافيه دوريات امنية لإنها راح تتعبك نفسيا ههههههه
وأخيرا لو حبيت إنك تلغم ولو تسوي أشياء بسيطة قول وماعليك بنسدحلك كم فكرة تخليك تحس بفرق حلوو جدا :)

وبالنسبة للسيفيك , ترى مافيه مثلها مثل ماقال أخوي البحريني :d
والهوندا حط فيه بعشرة ريال تعطيك عزم ههههههههههه
تسلم حبيبي :)

غريبه وسيارك 1.8 بس يمكن لانه اوتو

ان جبيت بسيارتي القديمه كولا 2001/1.3 / اعلي سرعه 210
وجبيت بسيارتي الجديده كورلا 2004/1.3 */ اعلي سرعه جبته 205 بعد ما خلصت التمرين على طوووووول

غريبه...
انا كان عندي رولا (( كورولا )) 2002 اكس ال اي وحجم مكينتها 1800 سي سي بجير عادي,, كانت تجيب فصلتها على الـ235 كم وبسرعه ... وماعمري واجهت فيها اي مشكله والصراحه اعترف انها سياره جباره
ههههههههههههههه بس بدون ثبات كلش .. نظرا لشكلها اللي يشبه البومه من قدام
بس غريبه سيارتك ماتتعدى الـ200 ..... يمكن علشانها بجير تماتيك

السلام عليكم

نصيحتي لك بلا كرولا وبلا صني يا حبيبي غير السيفيك لا تدور يا اخوي السيفيك وحش كاسر لا سيما اذا عبثته ولغمته وساحات القومات تشهد في البحرين والكويت واسأل وراح تعرف الفرق بين السيفيك وغيرها من قواطي النيدو... اسف نسيت ساحات المقاوم عندنا في السعوديه..

على فكره تراني يعني ما عندي سيفيك96لون احمر ولا شي .. ايه اجل شلون يالله باااي

غريبة!!!!

الكورولا ما تتعدى 195 ليييييييييييييييه؟؟؟؟



أنا بالأكسنت(وهي أكسنت يعني ضعيفه) والله أجيب فيها 190
ويمكن لو مسكت خط أجيب أكثر,,,,,

حاظرين للطيبين انت تامر عزيزي

راح تطلع مع قير عادي لو تماتيك ؟؟؟

اذا عادي انصحك تطلع معاه 40 -400
واذا تماتيك انصحك 0-400

راح اعلمك الطريقتين

القومه من صفر

اول شيء تضغط الزر الا في القير هذا اسمه اوفر درايف
وتنزل القير في L وتمسك بريك مع بنزين تخلي الظغط يرتفع
طبعاً هذا حق تكون البدايه قويه شوي والظغط مرتفع

طبعاً لا تسوي هذي الحركه كثير بعدين تضر بالقير بوكس
حدك في القومه وانتهى الموضوع

المهم ترفع الضغط الى 2 كذا كويس وتبتدي القومه
تخلي RBM ساعه الضغط توصل الى 5.5 وانت ضاغط الدعسه طبعاً
ما تشيل منها ابد

وتحط القير في 2

س : ليش غير القير من L الى 2 والظغط لسا ما وصل كامل ؟؟
ج: لأنك خاصه في النمرة الاول لو طولت شوب راح تضرب سفاتي عندك
وتتاخر كثير

طبعاً انت راح تلاحظه الضغط يروح الى 6.2 وتعطي ثاني بكل سهوله وحلاوه

طيب الحين انت في النمرة الثانيه تمشي فيها الى غايه 6.1 وتعطي ثالث

لأنه النمرة الثانيه تستحمل كثير وبعدين تمشي في الثالث وتخلص القومه

====================================================
في القومه من 40

اول شيء تضغط الزر الا في القير هذا اسمه اوفر درايف
وتنزل القير في L وتمشي الى السرعه 40

وتبتدي القومه وبس الظغط يوصل 5.5 تعطي ثاني

وتكمل الباقي مثل القومه من صفر



معلومات هامه في القومه :

1-لما يضرب عندك سفتي تكلم قول ضرب عندي سفتي وعيد القومه

2- في حاله انك تخربطت في البدايه ومشى قبلك

على طول توقف لا تدعس وتكمل :mad:

وقف وعيد القومه |1|

صارت معاي اقول اكمل مع انه مشى قبلي وتالى تتفاجأ انه طلع عليك

وين تصرفها بعدين انه مشى قبلك ؟؟؟؟


3- خلك واثق من موترك

4- البنزين خليه ربع التانكي

5- لا تخلي شيء في السياره يزيد وزنها

مثلاً فك السبير وشيل العده الحديد والشغلات


وقبل القومه ادعس بالسياره شوي هنا وهناك وخلها ساخنه

حلاوت التويوتا ساخن

والنيسان بارد حلاوته

والله يوفقك ان شاء الله |3|

بسم الله الرحمن الرحيم
السلام عليكم
اخXLI 1.8
كيف الحال
اقول سيارتك كم ماشية ؟
كيف خليتها تجيب 210 رايق يعني كم مسافة الخط اللي انت ماشي فيه؟
وهل مركب عليها جنوط ولا لا؟
وشكرا جزيلا
الاخ ابو جاسم اخبارك
انت ماشاء الله عليك عندك خبرة كبيرة في قومة الكورولا الاوتوماتيك
فياليت تعطني بعض المعلومات لاني شوي مبتدء واحتاج الى تفصيل (طريقة الدعس ...الخ )
فياليت تساعدني
لان عندي قومة مهمة مع صني 1,8 معدل واحتاج مساعدتك

جزاك الله الف خير
اخوك stinger

هلا أخوي stinger

أنا سيارتي 2002 نفس مواصفاتك

والسرعة ماتتعدى 210 أبداً

على العموم أنا بأجرب طريقة أخونا Rami على طريق الجامعة اليوم :D

والله يستر

غريبه المفروض انها اقل شي توصل 220

لكن ما ادري والله اخوي

مرحبا بالشباب

هلا اخوي stinger

بالنسبه الى الطرق عندك وانت راجع من شاطىء نصف القمر

شارع كبير وواسع وطويل خذ راحتك ادعس لين تقول بس

وبالنسبه الى الصني ما اعرف قوتها

بس في البحرين موجودين 1.8 بكثره

اما هنا اعتقد انهم 1.3 و 1.6

وما جربت مع اي صني لحد الآن

شوف إذى السياره موديلها 2004 فأعتقد ما هو بسبب عطل أوتلف في أي شي السبب هو أنك ما عرفت تمرن سياتك عدل ترا التمرين يختلف من سياره لأخرى وعندي تجربه
أخوي عنده ماكسيما 2003 جاكر راعي ماكسيما 2003 والله أنه طرحه زي السلام عليكم وأني وعدين هدى خوي وتركه يطوفه لأني قلتله يمكن ما شد وضلينا وراه حتى صار سرعتنا 200 وتأكدنا أنه شاد على الأخر ثم دعس أخووي وطرحه مره ثانيه يعني مغطناه تمغيط ولاكن بعد 240 هدينا لأنو لو أنفقع كفر صرنا كفته.

صحيح ، أنا زيك عزيزي ، معي كورولا بس 2002 وطبلونها 220 بس بالقوه الشديده والدعس من القلب توصل 190 وأحس السياره بتطير بعدها !

حتى مره قعدت أدور زر الأجنحه .. !

هههههههههههههه لا لا أمزح بس فيه زر يجي في القير دائري اضغطه وتحس ان السياره تنطلق أكثر وتزيد السرعه وأنا مجربها ..

وأنصحك بترك السرعه سوا ً الطريق الفاضي والا مليان ..

تحياتي لك

وللللللل

صحيح ماتوصل 200؟؟؟

الصني 1،6 تتوصل 200 براحه وهي فدام الكورلا مو شي

وطبعا الكورلا اقوي من الصني
الصني 1،8 قوتها 130 حصان واصلا قليل منهم لاني تجي في فل اوبشن

سلملم

الكورولا مرتفعة نسبيا ولذلك مقومتها للهواء صعبة ... تحتاج الى تخفيض ارتفعها!.....

الاوتماتيك في اخر ترس له اكبر من الجير العادي (الترس الخامس) ولذلك توجد صعوبة لبلوغ السرعة النهائية !!

بالمناسبة / اذا كان عداد السرعة يوجد به ارقام كبيرة فذلك ليس من الضروري ان هذه السيارة تصل السرعة النهائية المدونة فيها في حالة الستوك (بدون تعديل) وخصوصا في الاربع اسطوانات :o

لا تنسى اتجاه الرياح ايضا ;).... هناك فرق كبير في السرعة من خلال اتجاه الرياح وشدتها على السيارة!!! اما اذا كانت في نفس اتجاه السيارة هناك فرصة كبيرة في بلوغ 220 كم

السلام عليكم
الاخ رامي: يعني بس اشغل الاوفر درايف و انشالله خلاص؟ انت كم اعلى سرعة جبتها بالكورولا؟
شكرا جزيلا على الرد
الاخ ابو جاسم: كم اقصى سرعة جبتها بسيارتك ووين؟
انا اخوك من الظهران و بصراحة ما اعرف اماكن جيدة للدعس فياليت تساعدني
وهذا ايميلي
[email]stinger_s7@hotmail.com[/email]
و عندي لك سؤال بسيط
من يطلع قومة و خط كورولا 1,8 اوتوماتيك ولا صني 1,8 عادي
وشكرا جزيلا اخوي ابو جاسم
اخوكم stinger

الكوريلا تسارعها في الخط بطيء

يبغى لك خط طويل حتى توصل سرعات

اما الخطوط الا هنا كلها زحمه وما ادري ايش حدي وصلت في السياره 200