اخواني انا محتار بين سيارتين

BM 740 @user_10258 · 13-02-2004

السلام عليكم اخواني ممكن تفيدوني بشغله لاني انا قررت اشتري سياره ومحتار بين سيارتين

1_كابرسLTZ من 2000 الى 20002
3_قراند ماركيز من2000 الى 20002

بس الي ابي اعرف مو مقارنه بالسيارتين لا انا اعرف المقارنه بينهم لاكن الي ابي اسئل عنه الناحيه الميكانيكيه

والي استنتجته الشي هذا

اول حاجه نمسك الكابرس

الكابرس صح انه موتر ثابت وفخم ومنظر وممشى لاكن فيه عيوب الاوهي:

1_اذا فصلت الاسيارت تطلع الارباقات Air bag
2_اذا جيت بتغير البطاريه تحترق عندك الشمعات ولازم تغيرها وتشتري جديده والمسجل كذالك يقفل عليك وهذا النظام من الوكاله علشان ماتغير الا عندهم
3_الاقمشه تستهلك بسرعه ويبيلك اذا انت راعي مشاوير كل شهرين تغير من الوكاله اقمشه وعاد شوف بكم سعرها :)
4_الدينمو : واحد اعرفه احترق عليه الدينمو وهو جاي من الرياض بأتجاه الشرقيه وطلع نار والمشكله يوم جا بيشتري دينمو جديد مالقا ودور لين طلب من جده بسعر 1500 ريال
5_القزوز: يقولي بدلت قزوز الكبريس وكلفني كلها 1400 ريال

علماً بأن صاحب السياره رجال كبير ومحافظ عليه ولاهوب راعي سرعه وتفحيط وكلام فاضي

اما القراند ماركيز فما عرفت عنه شي للحين

ممكن تفيدوني يمكن اطلع ظلمت الكابرس ارجو الافاده

BLUE HUS @user_8574 · 28-02-2004

لوووووووووووووووووول

الصراحة أنا منك أبجي ..
واحد يقول كابرس وواحد يلعنها .. واحد يقول لأ الماركيز والثاني يذمها ..

تبي نصيحتي إخذلك مرسيدس S500 .. وبلا عوار راس ..

Caprice @user_9992 · 27-02-2004

ابو كشخة
خذ الكابريس
واللون
خذ رمادي غامق والله انه اسطوري وداخلي بيج;)

أبو كشخه @user_10011 · 27-02-2004

والله أنا زيك محتار في القراندأ والكابرس لكن أنا ناوي أشتري جديد شيرو علي الله يرحم والديكم وماهو اللون المفضل ؟ أرجو الرد سريعاَ .

BAssAM ss @user_8540 · 27-02-2004

خذ القرانــــــــــــد ماركيز . . . .

وأنت مغمض . . . .|1||1|

تحيااااااااتي
|3||3|
|3|

Ms.CapricE @user_5134 · 27-02-2004

أخذ كابريس ياخوي وتوكل على الله
ترى الكابريس مافي منها
أسأل مجرب ولا تسأل الطبيب

ودمت بود ،
أختك
Ms.CapricE

just me @user_6125 · 16-02-2004

ماركيز اول ثم الفكتوريا
لاانهم افضل سيارتين من ناحية القطع وصرفية البنزين ومن ناحية راحة المقاعد واتساعه وشنطة كبيرة مع فخامة الماركيز ويكفي انهم ماخذين خمسة نجوم في اعلى اختبار للتصادم التابع للحكومة الامريكيةلمدة ثماني اعوام من عام1996الى2003

blackss @user_5214 · 16-02-2004

الكابرس لا تاخذه الا 2004 واذا كنت ما تبي 2004 خذ ماركيز

وسام البدر @user_6347 · 16-02-2004

اعتقد الشفر وبس خذ كابرس 2004 واتكل على الله

لاندكروزر vxr @user_910 · 15-02-2004

كاتب الرسالة الأصلية المطرفي
نصيحة أخو

ونصيحة مجرب

ونصيحة مقاطعه الأمريكان :D

من جد السيارتين من أسوء السيارات في السوق السعودي
بدون مبالغه أوتحيز
بدون عاطفه بل من مجرب بعقل
كابرس 2004 فل كامل ماكملت العشرين ألف .. خربات وتحك وسياره من أسوء مايمكن.
شف هذا واحد يبي يبع

أنا شارى وحده فل كامل LTZ فتحه وجلد قبل يمكن شهر ونص بـــ 109500 ريال سعودى ؟

والسياره أكثر من رائعه من حيث الشكل وطبعاً القوه معروفه ان الكابرس قويه .

وعلى فكره كانك تبى تشترى أنا ممكن ابيعلك سيارتى موديل 2004 بسعر حلو ومغرى .

اذا كنت جـــــــــــاد هذى فرصه لك ،،

وهذا ر اي الثاني
من ناحية الشكل والسعر والقوة والمتانة ؟

الشكل

نوعا ما معقول !!!

السعر

ارى انه مرتفع بالنسبة للصناعة الاستراليه الرديئة

القوة

ان اكن تقصد المحرك فهو غني عن التعريف لانه صار له اكثر من 10 سنوات يكدح على سيارات شفروليه

اما ان كنت تقصد تحمل السيارة وجودتها ومتانتها فانا اشببها باي سيارة موديل 80 اكل عليها الدهر وشرب

شف هذا مولع جد

الانيس : اللي معه كابرس LTZ موديل 2001 يتفضل مشكور

أما الفورد

فعلا إنحش من ناحيه التوازن

والله فيه ناس فقدوا حياتهم من الفورد
فيها أخطاء في نضام التعليق قاتل
يعني لو إنك تمشي 100 وتبنشر ..
سبحان الله
تقل فيها جني .. تحوص وتوس وتتقلب

الي يشتري هالسيارتين .. إنسان بدون وعي

أخوي الطرفي

كيف حالك؟ علومك؟

صار بيني وبينك نقاش حلو وجميل تقريبا في نفس الموضوع

وكنت انت متحامل على الكابريس

الموضوع اللي كان بيني وبينك له شهرين تقريبا

وسبحانه مغير الأحوال تشتري قبل شهر ونصف فل كامل................

يوجد بردك نقاط أشهد عليها من تجارب ومن رؤيتي:

1ــ مقاطعه الأمريكان

2ــ تحك ( قريبة من الأرض ) >>الكابريس

3ــ القوة

ان اكن تقصد المحرك فهو غني عن التعريف لانه صار له اكثر من 10 سنوات يكدح على سيارات شفروليه

4ــ أما الفورد

فعلا إنحش من ناحيه التوازن

والله فيه ناس فقدوا حياتهم من الفورد
فيها أخطاء في نضام التعليق قاتل
يعني لو إنك تمشي 100 وتبنشر ..
سبحان الله
تقل فيها جني .. تحوص وتوس وتتقلب

تحياتي لكم

لاندكروزر vxr @user_910 · 15-02-2004

|3|

كاتب الرسالة الأصلية LOMINA
الكابرس لا تاخذه الا 2004 واذا كنت ما تبي 2004 خذ ماركيز

هذا الكلام الصحيح

نظرا لأن العيوب توجد من موديل 2000 إلى 2002

موديل 2003 قلت بشكل كبير

أما 2004 تقريبا تلاشت

تحياتي لك

BM 740 @user_10258 صاحب الموضوع · 15-02-2004

قطع غيار الفكتوريا اغلى من الماركيز ؟؟؟

مستحييييييل

أكورد وبس @user_7944 · 15-02-2004

Caprice

أخوي .. لا تنسى إنك أنت اللي جبت سالفة الياباني .. عشان ما تلومني بشي ..

وبإمكانك تدخل الرابط هذا عشان تعرف قوة الشركات اليابانية .. وخصوصا هوندا ..

http://www.assayyaratnet.com/forums/showthread.php?threadid=34465&highlight=%D8%C7%C6%D1%C9

وبعدين .. انا ما قارنت هوندا بشركات صناعة الطائرات .. أنا قارنتها بشركات السيارات اللي انهبلتوا يوم طلعوا 16 سلندر .. هوندا طلعت طيارة مهب 16 سلندر .. :D

mortally @user_10232 · 14-02-2004

ماركيز والي يقولك انها خرابات هذا ما يحافظ على سيارته واسمح لي من قلك انه الكابرس ثابت واذا انت تبي تتاكد جرب السيارتين وعلى فكره الماركيز افخم من الفكتوريا وقطع غياره اغلى شوي بس نفس المكاين وممكن تركب لهم نفس القطع واحنا عندنا ماركيز 98 والله انه ما اخترب الا لم سويت حادث اذا تبي ماركيز اخذ ال اس 2002 واذا كابرس اخذ اس اس وفي النهايه القرار قرارك

Caprice @user_9992 · 14-02-2004

شف ياطويل العمر

خالي معه فيكتوريا 98 ويقول انها بهذلته نوعا ما

والوالد معه ماركيز 99 وماشي حاله لكن يخرب بعض الاحيان مع انه محافظ بالحيل عليه

انا معي كابريس 2001 والعن جده ولا جاه شي

وانا اقولك عن تجرررررربة
انا كذا ياطويل العمر قبل لااشتري الكابريس كل العالم حاولو يمنعوني
لدرجة ان واحد يقول ان القير يذوب عليك وانت ماشي خخخخخخخ صار ايس كريم موب قير
واللي يقول تسخن ومادري ايش
والله انها ماقد وصلت للنص الحرارة والمكيف زي الثلج يبرد في اي وقت وشكل خطير وعزم وكل شي وش تبي اكثر

اكورد وبس
ياخي وش جابنا للطيارات حتى في الطيارات انتم خسرانين
شف الجمبو والتراي ستار الامريكية مسيطرين على سوق الطيارات

ياخي كل واحد له راييه;)
وانت تحب الاكورد وانا احب الكابريس خلاص

والصراحة الكابريس تحملها جااااااااااااامد وماتوقعتها كذا

BM 740 @user_10258 صاحب الموضوع · 14-02-2004

والله ماعرفنالكم كابرس ولا ماركيز

طيب الاقل خرابات الفكتوريا ولا الماركيز؟

أكورد وبس @user_7944 · 14-02-2004

Caprice

إذا ما أعجبتك تويوتا .. تراها أعجبت كل الناس ..

يكفيك إنها أزاحت كرايسلر من المركز الثالث بين الشركات الأكثر مبيعا .. وهي في طريقها إلى إزاحت فورد التي تحتل المركز الثاني والتي بدأت تقل أرباحها ..

كذلك .. جي إم بدأت أرباحها تقل .. على عكس الشركات اليابانبة .. مبيعاتها بازدياد واااضح جدا ..

هذا شي ..

الشي الثاني .. إذا كانوا اليابانيين بالموت طلعوا الـ8 سلندر .. تراهم صنعوا أول طيارة .. اللي هي أول طيارة تصنع في مصنع سيارات .. طبعا وين ..؟؟ في هوندا يا حبيبي ..

وين عضلات الشركات الثانية .. خلهم يصنعون طيارة كاملة متكاملة من مصانعهم زي ما سوو اليابانيين .. حتى الآن ما شفنا شي ..

مشكلة .. حتى استراليا سويتوا لها إعلانات مجانية وهي ما عندها أرباح تكفيها لتكاليف الإعلانات .. :D

MADE IN JAPAN وبس ... :)

Caprice @user_9992 · 14-02-2004

خخخخخخخ عاد الله اكبر من زين اليابانيين

ماعد صارو يصممون سيارات مثل اول
محركاتهم يالله تركبها على سيكل
يالله بالموت طلعو V8 والعالم وصلو لV 16
ولا مستوى راحة زي الناس
ولا فخامة الا لكزس والا نفنتي

بينما لومينا LTZ تحصلها نفس فخامة اللكزس جي اس

كنت من زمان افكر باللكزس لكن وش يقولون الناس شف راعي التويوتا خخخخخخ

ياخي المجتمع عندنا خلى التويوتا في مكانة الاله اللي ماحد يقدر يعيب فيه شي
مع ان التويوتا من اغبى الشركات من وجهة نظري

يارجال خذ لك كابريس اطلق من سيارات ذا الفطس اللي ماعرفو السيارات الا قبل 30 سنة

بينما هولدن لها اكثر من 70 سنة في صناعة السيارات

شف اذا منتب ماخذ امريكي خذ الماني هم ملوك السيارات حاليا

يعيش الكابريس يعيش>>>مظاهرات :D

أكورد وبس @user_7944 · 14-02-2004

كاتب الرسالة الأصلية المطرفي
نصيحة أخو

ونصيحة مجرب

ونصيحة مقاطعه الأمريكان :D

|1|

المطرفي @user_7273 · 13-02-2004

نصيحة أخو

ونصيحة مجرب

ونصيحة مقاطعه الأمريكان :D

من جد السيارتين من أسوء السيارات في السوق السعودي
بدون مبالغه أوتحيز
بدون عاطفه بل من مجرب بعقل
كابرس 2004 فل كامل ماكملت العشرين ألف .. خربات وتحك وسياره من أسوء مايمكن.
شف هذا واحد يبي يبع

أنا شارى وحده فل كامل LTZ فتحه وجلد قبل يمكن شهر ونص بـــ 109500 ريال سعودى ؟

والسياره أكثر من رائعه من حيث الشكل وطبعاً القوه معروفه ان الكابرس قويه .

وعلى فكره كانك تبى تشترى أنا ممكن ابيعلك سيارتى موديل 2004 بسعر حلو ومغرى .

اذا كنت جـــــــــــاد هذى فرصه لك ،،

وهذا ر اي الثاني
من ناحية الشكل والسعر والقوة والمتانة ؟

الشكل

نوعا ما معقول !!!

السعر

ارى انه مرتفع بالنسبة للصناعة الاستراليه الرديئة

القوة

ان اكن تقصد المحرك فهو غني عن التعريف لانه صار له اكثر من 10 سنوات يكدح على سيارات شفروليه

اما ان كنت تقصد تحمل السيارة وجودتها ومتانتها فانا اشببها باي سيارة موديل 80 اكل عليها الدهر وشرب

شف هذا مولع جد

قال طلقها وأخذ اختها

قال الله يلعنها ويلعن أختها وبنت جيرانهم بعد اللي مالها دخل ..!!!

إن شاء الله ياكريم أضحك عليك مثل ماكنت تضحك علي قبل كم سنة

نعبوا شيطانك تشوف الناس تنحاش من النار وتدور الجنة

وأنت تمشي عكسهم

ياخوي إذا ماعندك أخوان اكبر منك يفهمونك ترى ماعندي مانع توصف لي بيتكم

وأجيك اوديك لأقرب طبيب شعبي يكويك عشان تترك عنك هالافكار

أجل فرحان وأنت تسأل :

مارأيكم في الكابرس ..؟

لا ياشيخ

ياخوي لا تسأل عنه ولا تذكرنا به

الله لايعيده وجعله في أبليس أبو زنه ..

نسيت مواضيعي اللي كل يوم طالع لكم بها وأقول الله يخارجنا ..

والحين جاي تدور رأينا فيه ..!!

أنت صادق او تستهبل .. هاه ..؟

سواءً كنت تسأل عنه بغرض الاستطلاع أو بغرض الشراء

رأينا وبدون مجاملات أيها الأخ العزيز إنك تنحاش بجلدك ولابو الكابرس لابو شكله

ماشفنا من وراه إلا النكد وكثرة الدعاء ..

ياخي والله مالك حق احرقت دمي بهالسؤال وهالأفكار الغريبة ..

ياخي والله أحبك ولا ارضى لك بمرض السكر والضغط بسبب سيارة ..

الانيس : اللي معه كابرس LTZ موديل 2001 يتفضل مشكور

أما الفورد

فعلا إنحش من ناحيه التوازن

والله فيه ناس فقدوا حياتهم من الفورد
فيها أخطاء في نضام التعليق قاتل
يعني لو إنك تمشي 100 وتبنشر ..
سبحان الله
تقل فيها جني .. تحوص وتوس وتتقلب

الي يشتري هالسيارتين .. إنسان بدون وعي