عليكم السلام
حياك الله أخوي وياهلا وسهلا فيك
حرارة زيت المكينة بهذا المستوى طبيعية جدا وهذا الكلام من ناس عندهم نفس سيارتك ونفس الموديل والكلام منقول من رابط ملاك الكمارو وهذا نص البحث في المواقع الاجنبية وراح تظهر صور انه حرارة الزيت طبيعية chevrolet camaro 2010 oil engine temperature
أما بالنسبة الى كلامك عن الراديتر اذا ماعندك تهريب وماء الرديتر أصلي ونظيف وماعندك حرارة في المكينة بحيث تكون الحرارة بالمستوى الطبيعي وكل قطع نظام التبريد سليم وشغال من مراوح - ثيرموستات - طرمبة ماء ...الخ فما أي داعي نهائيا للتغيير الرديتر لأنه بها الحالة سليم ويكفي انه أصلي وبعدين ممشى الموتر ماشاء الله تبارك الله قليل جدا بالنسبة الى موديله
---------------------------------------------------------------------
اهلا وسهلا فيك اخوي بشير حياك الله ياغالي
الحمد لله الراديتر مافيه اي تهريب لأنه حريص ولا فيه حرارة المكينة وهي طبيعية جدا وكل شي سليم ولله الحمد
بس كان عندي شك ان الحرارة ليه ترتفع إلى اعلى من 250 شوي طبعا بالفهرنهايت لأنها امريكية وللأمانة ماكنت ملاحظ سابقا بالرغم ان السيارة عندي من وقت طويل
اشكرك جدا اخوي ويعطيك العافية
.
