والله احترت من هذي المشكله وادور لها حل وسبب وما حصلت وحلي والوحيد والاخير هو انتو يا شباب منتدى السيارات 000لاني طحت في مشكله وابغيلها حل000والمشكله هي كالتالي:-
اشتريت من عند ربيعي موستنج من فتره بسيطه موديل 95 اتوماتيك 8 سلندر قوة المحرك5,0 يعني السياره ما عليها كلام قويييييييييييه حسيت من سواقتها لاول مره انها مب بالقوة الي كنت متوقعنها وسالت ربيعي قلتله السياره مب قويه انته سويت فيها شي 000قالي لا السياره من اشتريتها من الوكاله وهي بنفس القوة ما شلت ولا اضفت فيها اي شي 000وانا متاكد منه لانه مب مال سوالف الريس والتلغيم واللعب00وشخص يحافظ على السياره لدرجه فضيعه المهم 000قلتله انا بثبتلك ان السياره ما فيها قوة او بالاصح مب قوة موستنج 8سلندر بمحرك5,0 قالي اوكي اثبتلي 000المهم اتصلت في اخوي وكان عنده موستنج موديل 95 القير عادي 6سلندرقوة المحرك3,8 مافيها اي اضافات بس القير محول من اوتوماتيك الا عادي 0000المهم قام يضحك ويتمسخر ويستهزاء ويقولي انته صاحي ولا سكران تقارن محرك3,8 بمحرك5,0يا فلان على الاقل جيبلي موستنج بمحرك4,6 ملغم ومزود يمكن اقول بيغلبني 000تروح وتجيبلي موستنج 3,8 ستاندر بدون اي اضافات وتقول تغلبني 0000وقعد يضحك000المهم طنشته وما اهتميت لاني عارفنه مب مال سوالف السباق والريس وما يعرف اصلا قوة سيارته لاني يوم جربتها حسيت ان قوتها صفر عالشمال وجربة سيارة اخوي وحسيتها اقوى من سيارتة000المهم جاء اخوى وقلتله السالفه وتردد في البدايه لانة مستحيل تقارن 6سلندر بـ8سلندر وفهمته وقلته انا متاكد من انك بتغلبه المهم 00000بو السباق وانطلقو00000الاول 00الثاني000الثالث:eek: اخوي غلبه 6سلندر غلب 8سلندر 0000رجعوا مره ثانيه وقالي اخوك غشني في القومه بنعيد من اول 000؟؟؟قلتله حبيبي لو غشك او ما غشك انته سيارتك اقوى ما في مجال اخوي يغلبك بس انا قلتلك سيارتك ما فيها عزم 00المهم قال بنعيد0000وعادو الاثنين ونفس النتيجه 0000المهم منو الخسران في النهاية من السالفه هذى انا طبعا لاني اشتريت السياره من عنده وخذتها بدون ما اجربها لانه ربيعي وعارفنه زين وعارف كيف يتعامل مع السيارات000ما يلعب ولا فيه طيش تهور 000المهم قلت بروح اشيك على السياره في الورشه وافحصها 000طلعت النتيجه 100%000بس والله بعدني مستغرب شو سالفة ضعف الهزم لهاي الدرجه مع ان السياره ماتم اضافة اي شي فيها او تم اللعب فيها بالعكس السياره بحالة الوكاله 00ومافيها اي حوادث او اضرار في المحرك00000وهذى هي مشكلتي الرجاء من الاخوة حل المشكله اذا امكن واعطائي اي حل يمكن يفيدني ارجع هزم السياره مثل الاول00ولكم جزيل الشكر
