حصرياً بالصور والأسعار .. تقرير وصول فورد اكسبديشن 2018 الشكل الجديد للمملكة ..

ركبتها بالوكالة أبو 317 ألف
أستغرب وجود البلاستيك في كل مكان وبهذا السعر !!!

مشكور ياسميي على الموضوع

حقيقة السعر مخيب جدا للآمل ولا يحفز أبدا للأقتناء في ضل ارتفاعات الوقود الحالية

على هذه الاسعار اعتقد حان الوقت لأن نقول

ودائعاً فئة الجيوب ذات الحجم الكامل Full size SUV

ومرحباً بفئة الجيوب والكروس أوفر كبيرة الحجم Large size SUV/CUV

.

الجنوط حجمها 20 وتبين صغيره على السيارة

وبالنسبة للاسعار كلامك صحيح الاسعار مابتنزل الا شي بسيط، لكن احتمال تنزل فئة اقل من الـ XLT الي هي فئة XL المخصصة حاليا لمبيعات الاساطيل لشركات تاجير السيارات و الشرطة في الولايات وهذي عادة تكون اسعارها نازلة وخاصة ان المواصفات الي فيها تكون جدا قليله

الخوف ان السيارات المنافسه الجمس و التاهو يرفعون اسعارهم

عشان تعرف الاسعار الخرافية

عندك مثلاً فورد ايدج سعرها في الوكالة فل كامل 188 الف

+ القيمة المضافة 9400 ريال + قيمة اللوحات والتأمين

يعني طلع الإجمالي 200 الف ريال على سيارة مثل ايدج

فورد إلى أين

الاسعار جنونية

اذكر دخلت احدى صالات عرض فورد قبل سنة تقريباً وشفت اسعار مرتفعة مقارنة بالمنافسين على سيارات صغيرة واستاندر ايضاً

رحت اليوم اشوفه في توكيلات الجزيرة
بصراحة بلاتينيوم مافيه ذيك الفروقات اللي تبرر فارق السعر كلها اضافات ولمسات صارت تتوفر في اغلب السيارات الصينية والكورية باسعار منافسه
المراتب قاسية جدا على عكس الموديل السابق
لو فيه خيار محرك اخر اكثر قوة مثلا للفئات العليا نقول هذا مبرر لفارق السعر

السعر مبالغ فيه بشكل كبير ...

صحيح أن عادتهم يرفعوا السعر بداية كل سنة وينخفض تدريجيا

لكن عمرها ما صارت كذا ....

هزلت ....

مبيعات الجموس والسيارات الكبيره عموما خفت وراح تختفي تقريبا السنه القادمه واللي بعدها بعد مايرفع الدعم النهائي عن البانزين اذا نزل تاهو كهرب بالكامل او اكسبديشن على الكهرب ويمشيك 500 كيلو ذيك الساعه راح تنتعش المبيعات يعني بالعقل اعبي اكسبيدشن 250 كل اسبوع والسنه القدامه 500 ريال افلله ؟؟

قالوا سعره راح يكون بـ 410 ألف ريال

المبيعات قلت وبدليل مبيعات وزارة الداخليه ووزارة الصحه وانسحاب احد الشركاء في توكيلات الجزيره ودخول الناغي حسب الاخبار المتواتره

مستغرب من السعر وباين القيمة المضافة تضيف فلفل على سعر السيارة

من هاذي الناحية لاتخاف على توكيلات الجزيرة
مبيعات ارامكو لحالها تغنيهم وعلى فكرة اغلب الشركات تهتم وتركز على مبيعات الشركات والحكومة ولا طقو للافراد خبر شف اذا رحت للشرقيه شوف الوانيتات مثل f150 او سلفرادو او غيرها بالمئات مع الشركات الكبيرة من غير ارامكو من غير مبيعات الوزارات والامن العام والجيش
الوكلاء عندنا لاتخاف عليهم
غالبا اللي يتاثرون بقلة المبيعات صغار الموزعين اصحاب المعارض
موديل 2015 اول مانزل بالمحرك الجديد ارتفع سعره والناس تخوفت من المحرك على طول اول ماشفته منتشر في الشرقية على الباب لوقو ارامكو وقتها تشوفه كثر الاكسنت
.

السعر غالي لكن اتوقع على نهاية العام بتكون الاسعار شبه معقوله
اهم شئ عندنا اللحين



على قوة المحرك استهلاك جيد لسيارة بهذا الحجم وتنتج هاذي القوة

راح تنزل مبيعات توكيلات الجزيره على الاسعار هذي وما ينعرف هل الاسعار من الوكيل ام من الشركه الام الايام الجايه يتضح كل شي شكرا لك اخوي عبدالله

عجبتني من الخارج والداخل القير فرار مثل فيوجن الجديده واللي مادري متى بتوصل طولو ماجابوها

السعر لو كان على لينكولن كان ينهضم اما فورد مثل ماقالو الشباب يعتبر غالي

شكرا لك