لمبة إيرباق ظهرت فجأة

السلام عليكم وحيا الله الوجيه الطيبه

فورتشنر 2010 أستعمله من 6 شهور وسافرت عليه كثير وطلعت للبر الخ الخ بدون أي مشاكل

من يومين ولعت لمبة إيرباق, صحيح اذا اعدت التشغيل احيانا تطفى شوي, لكن ترجع تشتغل واغلب الوقت تشتغل. من يعرف وش المشكلة يفيدنا بيض الله وجهه.

ملاحظات: حصل الاسبوع الماضي 3 أمور مادري لها علاقه اولا:

1. غسلت السيارة بستم (فقط تحت مع كفرات)

2. ثم طلعت للبر

3. ثم غسلتها غسيل عادي داخلي وخارجي


مع التنويه اني اطلع للبر دايما, واغسلها بستم وداخلي وخارجي باستمرار, والسيارة ما تغير فيها شي, ولأول مرة تولع اللمبة. بعضهم قال يمكن سلك تحت المراتب انفصل, دورت اسلاك ما لقيت. بعضهم قال افصل البطاريه واشبكها .. بس قبل اجرب: هل افصلها والسيارة تشتغل او طافيه؟ البعض قال اذا طافيه تخرب البرمجه عليك.

بانتظار تعليقات الخبراء .. وشكرا