الاكوورد الجديدة الافضل في المواصفات والتقنية لكن هل بتنزل بسعر معقول وهل بتنزل بكامل مواصفاتها بدون تشليح !!!؟؟
الافالون مطوله 2018 نفس 2017 الجديدة لموديل 2019 ان الله احيانا
المكسيما افضل الموجود حاليا
بين سيارتين فئة Large size sedan المكسيما هي الافضل من ناحية المواصفات مقابل السعر
لكني سأنصحك بتويوتا أفالون!
حقيقة لم أعجب كثيراً من نزول المكسيما الجديدة كلياً أعرف أنها أقوى وأقل صرفية وماشابه لكن أذا بتحط معيار الجودة والاعتمادية في الحسبان فأنا لا أثق بقيور CVT الخاصة بنيسان ناهيك عن خدمات مابعد البيع لا الوكلاء والادارة الاقليمية تطمن أحد بضمان صاحي علشان هذا القير وله تاريخ مشاكل فأنا لا احب أمتلاك سيارة بهذا القير
فنصيحتي لك خذ أفالون من البازعي أذا انت في السعودية وممكن تحصل خليجي بالمعارض يدخل عن البازعي لان ابوجميل مايخدم الخليجي ومو كفو من يشتري منه! لا سعر ولا مواصفات
نعم هناك بعض الملاحظات على الافالون مثلا ممكن المكابح والمواد المستخدمة داخلياً في بعض الاجزاء مو مرة وغيره
حقيقة رغم أني اعرف واحد من الشباب معه أفالون الجديدة إلا أنه لم يمتدح مستوى الراحة فيها مقارنة بالجيل السابق فقد كانت مريحة جدا فأتمنى أنك تجربها وتحكم بنفسك وطبعا لو تبي رأيي خويي الي معه أفالون وده يغير موتره إلى لكزس ES أربعة سلندر فأعتقد انه خيار ممتاز أذا يمديك تاخذه فهي عبارة عن أفالون بماركة فارهة وممكن افضل من الافالون فجربها وان كانت ماتهمك القوة في 6 سلندر فشيء جيد أن ES تجي 4 سلندر
بخصوص الـ Mid size sedan
أعتقد الاكورد أكثر قطع غيار خارج الوكالة لكنها أغلى من المازدا وكذلك سعر شرائها أغلى فأرى انها لا تستحق قيمتها أن كنا نتحدث عن الجيل الحالي بحكم أنك حاط 2018 فأعتقد تقصد الجيل الجديد كلياً
لكن أرى الاكورد افخم وأكثر تطور من المازدا أذا تم أستثناء خلفية الاكورد الجديدة
اعتقد مواصفات السلامة في المازدا 6 أعلى بكثير لما نتكلم للاثنين بالجيل الحالي لكن ما ندري هل بتنزل مواصفات الأمان عندنا أو لا
أشوف أفضل شيء خلك بين الأفالون ولكزس ES
قير الcvt فيه عيوب للالتيما 2013-2014 والباثفندر غيرها مافيه الا العافية
وهذه قوقل قدامك ابحث لي واحد يشتكي من قير المكسيما 2016 الجيل الجديد وطالع
في المقابل ترى حتى قير الاوريون والافالون والES ماهو بذاك الجودة وتوضيبه او تبديله اغلى من قير الcvt حق المكسيما
انا يوم رحت اطلع سيارة خويي الاوريون المخبط قيرها قبل سنه لقيت افالون 2015 مخبط قيرها يوضبها (لاحظ تخبيط وليس رجه )
ومستغرب من راعيها ماوداها الوكالة للضمان !!
ابحث في قوقل مشكلة في قير اوريون او افالون او es وشوف!!
مامعيش ورش القيور حاليا الا الموديلات الثالثه بالاخص الاوريون لان محل تبريد زيت القير سيء
غير النصب الي صاير حساسات تضرب ويغيرون القير بالكامل !!
انا اعرف الاشكالية بالضبط تماما الاشكالية نفسية
كما في مقولة الشاعر عين الرضا عن كل عيب كليلة لكن عين السخط تبدأ المساويا
التويوتا لانه يحبونه الناس يتغاضون عن عيوبه رغم ان عيوبه كارثية فعلا (اخذت الاوريون حقت صاحبي مرة وعلقت علي دعسة البنزين !!!)
والنيسان لانه مكروه طالعين من سنه جدي انه يهرب والحين طالعين سالفة الcvt رغم انه مافيه الا العافية (باستثناء 13-14 التيما وباثفندر )
