اليوم كنت مساك خط بسيارتي مازدا 6 2014 الفل كامل وكان الخط كله عباره عن منحنيات وبما ان الخط كان شبه فاضي
حبيت اني اثبت السرعه على 145 كم وانا ماشي في طريقي كان فيه منحنى قداام وقلت اخذ المنحنى على سرعتي نفسها وماني مهدي
اللي لاحظته ان السياره من نفسها لما بديت آخذ المنحنى انها ردتها نمره وهدت شوي من نفسها بدون اي اجراء مني
وجربتها اكثر من مره على اكثر من منحنى ونفس الشي السياره تهدي من نفسها مثبت السرعه على 145 اطالع بالعداد احصله على 130 بدون اي تدخل مني
واللي شفته انها تهدي على حسب قوة اللفه يعني كل ماكان المنحنى قوي كل ماهدت السياره اكثر والجميل فيها انها تهدي ولكن بسلاسه بدون ردة فعل واضحه للسائق وبعد ماتنتهي من المنحنى ويرجع الطريق مستقيم تشد السياره من نفسها وترجع لسرعتها الطبيعيه المثبته من السائق مسبقا
حتى اني عملت تجربه ثانيه طفيت المثبت واخذت المنحنى على سرعة 120 تقريبا وانا في نصف المنحنى شغلت المثبت واخترت سرعة 145 لاحظت ان السياره مادعست وانما بقت على نفس السرعه ولما استقام الخط بدات السياره تشد وتروح للسرعه اللي ثبتها انا
الشي الثاني انها لو كان المنحنى اقل خطوره تحصل السياره لما تثبت السرعه تزيد من السرعه ولكن بشكل خفيف ( السياره تساعدك تاخذ اللفه ب اكثر سلاسه ) وتوقف عند حد معين الى ان يستقيم الخط وترجعك لسرعتك المطلوبه
حقيقه هذه ميزه جميله اول مره اكتشفها في السياره وهي لها معاي اكثر من 3 سنوات اعتقد ممكن تكون موجوده في سيارات ثانيه بس بالنسبة لي اول مره ادري عنها وماهي مكتوبه في كتالوج مواصفات السياره وحبيت افيد فيها ملاك المازدا 6 الفل كامل
تحياتي | Matsuda
:xyxwave:
