مقارنة بين إطارات بريجستون ترانزا و قوديير و كونتينينتال بعد التجربة

انا غيرت اطارات سيارتي الثانيه الكروز باطارات PIRELLI-CINTURATO-P7-235-55-17 لجميع الفصول وهذي صوره للاطار وهو ممتاز بعد تغيري من الاطار الاول اللي كان مركب عليها الهانكوك شكرا لك على التجربه

تخلصت من الترانزا أبغى أفتك من القساوة واشتريت
ميشلان الماني ولقيت ان القساوة قريبة من البريدجستون,
لكن فيها هدوء مميز ورساوة,
مسكت خط 400 كيلو وأحس اني أسوق سيارة ثانية!
ما أعرف هل هو من الرساوة؟
فكرت لو اني ماخذ تويو؟
يقولون ليونة وهدوء لكن ما اهنا رساوة وثبات؟
وتحبل بسرعة؟
كل السلبيات الي ذكرتها عن التويو مقبلوة بالنسبة لي بإستثناء "الرساوة"
والي جرب يعرف,
لازلت أرشح القوديير,
لكن تذكرت كأن القودير كان مقاسها 55 ؟
بينما الوكالة 50
يعني أكيد بتكون ألين؟

النقشات والمسميات تختلف كل موديل والتغيرات غير واضحة عند الإنتقال من
موديل للموديل الي بعده لكنها تكون واضحة بعد عدة موديلات,
مثلاً البريجستون الترانزا مشهور من 22 سنة بالهدوء والقساوة بكل نقشاته أو موديلاته مقارنة بالإطارات في نفس جيله,
لو تقارت الترانزا قبل 15 سنة والحين بتلاقي الهدوء والتماسك مختلف لصالح الجديد لأنه مر عليه عدة موديلات محسنة,
الكونتيننينتال الي ركبته كونتاكت 3 وكان يجي على سيارات
أوروبية فخمة ولقيت ناس مركبينه ويمدحونه في البداية لأنهم كانوا يستخدمون دنلوب وتراجعوا بعدين تحت مقولة "الشوارع هي الي تتحكم بالهدوء"!
الإطار الوحيد الي كان مقاسه 55 من الإطارات الي طرحتها بالموضوع كان
القودير والباقيات 50
العفو.

اخوي رنج كروزر أشكرك على الموضوع، واتمنى لو مقارنتك دخلت في التفاصيل عشان نمشي مع التوصية

انت مثل اللي يقارن بين التويوتا والنيسان والمرسدس بدون مايدخل بتفاصيل

لازم تحدد أنواع الكفرات اسمها بالضبط ( للمعلومية تورانزا فقط فيه أكثر من نقشة) الاسم الفرعي و المقاس جداً مهم لان لايمكن أني أقارن مثلا ميشلان برايمسي 3 مقاس 17 225/55 بمثلا 225/50 الصانع اذا نقص نسبة ارتفاع جدار الكفر زاد من القساوة، فما بالك صانعين مختلفين وأنواع مختلفة ومقاسات مختلفة، مثلا عندك كونينينتال عندها أكثر من نوع كونتيسبورت كونتاكت 3 وفيه 5 وكل واحد له ميزات ويختلف بالصلابة والتماسك والصوت، ونفس الشي قوديير.

أنا كمستخدم مهتم تهمني التفاصيل ما استطيع أطلع بنتيجة من هذه المقارنة.

أتمنى أن يكون صدرك رحب لمثل هذه الملاحظة، لأن مثل هالمعلومات تهمني فأحب أدخل في التفاصيل :)

شكراً لك

ربما تختلف المواصفات حسب الصناعه ، مع التركيز على ابقاء مستوى الهواء مابين 33 او 35 حسب حمولة السياره
.

الكفرات الي جنطها كبير تكون أسعارها عالية
فما بالك إذا كانت أوروبية؟
أنا فرق معي القودير في الكفر 170 وهذا الي خلاني
ما أشتريه, ولو أعطوني فرصة ثانية كان أشتريه.



وعليكم السلام,
أنت مجرب القودير والكونتينينتال؟


صحيح يحبل من تجربة ومن متابعة.
ممكن تعطينا مقارنة بالهدوء والرساوة والثبات؟
وهل السعر أعلى بكثير أو بقليل؟

راسية يا حبيبي راسية فوق ما تتصور
الكفرات القديمة ميشلان ايطالي رائعة وتتحمل خدمت معاي سنة ونص من احسن ما يكون وكنت بشتري مثلها لكن الرجال وضحلي البيرجستون تاريخه اقرب وفعلا فرق معاي الميشلان ممتازة ما يعيبها شي لكن من قساوتها احس عيون البس في السيارة قوي جدا بالمقابل البيرجستون تورنزا الياباني ناعم جدا جدا جدا وبالنسبة لضغط الكفرات اخليه 30او 35 مقاس الجنط 17

انا جربت الكونتيننتال وللاسف لم اوفق فيه يحبل وضعيف تحمل

غيرت الى بريلي جدا مناسب ممكن اقسى بشكل خفيف

السلام عليكم

تجربة مفيدة للراغبين بالشراء
شخصياً افضل الميشلان خاصة الفرنسي او الكندي يحمل مميزات البرجستون في طول العمر ويحمل مميزات الثبات في الكونتننتال ويحمل ميزة الليونه في قوديير
سعرة مرتفع لكن يتحمل
بالنسبة للعمر الافراضي الالاطارات المفترح انها تتغير كل 60 او 70 الف او 4 الي 5 سنوات لضمان السلامة وقله المشاكل في الاطارات

لايوجد كفر متكامل من جميع النواحي رساوة عزل صوتي للشارع راحه وعمر افتراضي لازم تضحي بشي يالراحة يالعمر الافتراضي ياعزل الصوت
الكفر الي تحس انه يقارب ويجمع بينها كلها يطلع فاحش السعر

صحيح, إعتماديته كبيرة إذا كان التريد وير عالي,
الي جت من الوكالة صيني والتريدوير 140 وماكمل 46 ألف وانشق
من الداخل لكن ماكان قاسي بحكم ضعف التريد وير, الحين الي اشتريته تريدوير 260 مثل القودير والكونينينتال لكنه قاسي,
تشتريه من الموزع أرخص من الوكيل وعلى الضمان.




التورنزا الي أنا مركبه ثبات وفرملة قوية,
لكن الرساوة معدومة, مرة يمين ومرة يسار!
وهذا شي مزعج.

بالنسبه للبريجستون جاء من الوكاله على سيارتي مازدا 6 نوعه تورانزا وصناعته يابانيه ، اللي لاحظته انه يتحمل ويعطي السياره ثبات ممتاز
لكن مشكلته انه قاسي جدا فقط لكنه جلس معاي سنتين ونصف وحاله من افضل مايمكن

بعدها ركبت هانكوك كوري ميزته انه ألين لكن مشكلتها تخلص بسرعه سنه ونصف بالكثير ولازم تغيرها وغير كذا بالرساوه والفرامل مايتقارن بالبريجستون ابدا
مشكلتي لما جيت ابغى اركب بريجستون نفس حق الوكاله لقيته غالي سعر الحبه بـ 990 ريال

وايضا اللي يميز هانكوك انه ارخص بكثير و موجود بكل مكان عكس الماركات الثانيه خصوصا وان مقاس المازدا نادر 225\45\19

يعطيك العافيه على سرد التجربه واعتقد بانها ستكون اخر تجربه لي مع هانكوك

بحكم تجاربي العديدة لايوجد افضل من كفرات بريجستون في الاعتمادية
والاهم وقبل كل مهما كانت الكفرات التي تقع عينك عليها الافضل تبحث عن الوكيل وتغير عنده حتى لو فرق في السعر

باقي مسألة الرساوة؟
هل حسيت بأن السيارة راسية؟
يعني ما تنحرف يمين يسار بسهولة؟
غير كذا وش كانت كفراتك القديمة وايش صناعتها؟
وهل أنت متأكد من ان ضغط الإطارات طبيعي؟ على 32؟

البنشري يجيب الكفرات الي تمشي,
هذا غالي ولاهو مشهور وتلاقيه عند وكالته.

اشكرك جزيل الشكر يا اخي الكريم على مشاركاتك بموضوع الإطارات
خصوصا ان الواحد قبل يشتري يتردد كثير ومرات تصيب ومرات تخيب
على العموم بالنسبة لتجربتي مع البيرجستون تورنزا لا يعلى عليها النوعية اليابانية
انا شاريه من جدة ما اعرف عن مدى توافره بالمدن الثانية .
الأكورد معروفة بقساوتها لكن مع هذي النوعية السيارة اتغيرت 180
درجة بدون مبالغة لدرجة اني شكيت اني غيرت مساعدات
الله يوفقك الجميع ونصيحة للي معاه الأكورد المعروفة بقساوتها انه يجرب
البربجيستون الياباني وراح يدعي لي

قوديير نلقاه بالبنشري ولا ولا نادر ؟؟

اول مرة اسمع هالاسم:44:

صحيح, القودير "الماني" هي الأفضل إجمالاً وأنا تورطت بالبريجستون وقساوتها ما تحتمل ويمكن أغيرها مع انها ماكملت اسبوع.