افكر في دخول عالم NISSAN و اقتناء نيسان ماكسيما 2016 ، هل تنصحونني !؟

مواصفات الماكسيما الشرق الاوسط افضل من الامريكي

مواصفات الأساسية S استاندر موحدة للسوق الامريكي و للسوق الشرق الأوسط


مواصفات SV تتفوق مواصفات الشرق الأوسط على المواصفات الامريكية وهي خليط بين SL و SV الأمريكية

نبدا بالامريكي SV

1- بدون سقف بانورامي
2- بدون جلس امتصاص الجاذبيه


مواصفات الشرق الاوسط SV

اخذت من SL الامريكية

1- السقف البانورامي
2- جلد امتصاص الجاذبيه
3- تسخين المقاعد


واخذت من SV الامريكيه
1- انوار الهالوجين
2- بدون تخشيب

صورة ماكسيما SV النسخة الأمريكية



صورة ماكسيما SV نسخة الشرق الأوسط





ايضا مراصفات SR الشرق الاوسط تتفوق على مواصفات SR النسخة الامريكيه

نبدا بالنسخة الامريكية SR

1- بدون سقف بانورامي
2- بدون كاميرة محيطيه
3- بدون رادار امامي
4- بدون تحسس الاجسام بالارهاق

نسخة الشرق الأوسط SR

وهي خليطة بين بريميوم و SR النسخة الامريكيه

فئة SR الشرق الاوسط اخذت من فئة الفل كامل الامريكي البيريميوم

1- السقف الباتورامي
2- الرادار الامامي
3- الكاميرات المحيطية بمقدار 360 درجة
4- تحسس الاجسام بالارهاق
5- تخشيب الداخلي
6- الرادار الخلفي

فئة SR الشرق الاوسط اخذت من فئ SR الامريكي

1- انظمه التعليق
2- تعشيق خلف المقود
3- جنط 19 انش
4- المحرك مغطس بالصوديم مثل GT-R
5- انظمه التوازن مأخوذه من زي Z نيسمو


يعني تفوق فئة SR الشرق الاوسط اللي اخذ خليط بين SR والبريميوم. على النسخة الامريكية


صورة ماكسيما SR النسخة الأمريكية




صورة ماكسيما SR نسخة الشرق الأوسط



ايضا غلط 3 غلطات كريم

1- ان الاستاندر اجي ارباقين ( جميع فئات الماكسيما 8 ارباقات وكلها كاميرات خلفية ) للشرق الاوسط

2- قال ان فصلتها محددة الكترونيا 211 كيلو وهي في امريكا فصلتها 156 ميل و جميع فصلات الشرق الاوسط محددة لكترونيا 255 كيلو

3- قال انها مهب اقتصاديه وهذا غير صحيح يوم معي التيما 6 سلندر 2013 اذا امشي برواقه من 20 كيلو لين 140 برواقه البنزين يجلس معي اسبوع و يومين اذا زرزرت عليها كان بنزينها كثر الله خيره اذا جلس 3 ايام وهو من بدايه المقطع ويزرزر ههههه


اختم كلامي بملاحظه


مواصفاتSR الشرق الاوسط تتفوق على مواصفات امريكا البريميوم مع ان يشتركون في الرادارات و الكاميرات الا

1- شفترات خلف المقود
2- جنط 19
3- انظمه تعليق من نيسمو في الزي Z370
4- المحرك مغطس بالصوديوم مثل GT-R


السعر ماكسيما SR في السعودية ب 133 الف ريال مع الاوراق و اللوح
وسعر بريميوم في امريكا 152 الف ريال

( مواصفات افضل وسعر ارخص )

بالنسبة لصرفية البنزين فالسبب سواقته هو قال مدري في اي دقيقه انه له كم يوم يحرب السيارة وكل شوي يدز بها يجرب العزم والتسارع

بس تعرف لازم يبين انه ذكي وانه لقى عيب بالسيارة زي حسن كتبي .. لازم مميزات واختراع عيوب مو بس الماكسيما يسووها مع كل السيارات

وخيار جدا موفق لكن جرب المقاعد الخلفية شوفها كافيه او لا لانها فعلا اصغر شوي من المافسين

نعم انصحك وبشدة سياره جمعت بين الموصفات والسعر والاقتصاد

وعليكم السلام ورحمة الله وبركاته

الماكسيما أبدعت نيسان فيها في الجيل الجديد

مواصفاتها ممتازه وفيها أشياء مميزه مثل الكاميرات الأربع 360 درجه

لكن للاسف فيه نواقص بالفئات لان عالميا لها 5 فئات وعندنا بالخليج نزلت بـ 3 فقط

عيوب السياره بالنسبه لي ضيقه من الخلف الأمبالا والأفالون أكبر منها

و قير cvt للأن ماوضح أداءه مع الماكسيما وانتظر إفادة ملاك السياره عوضا عن المجربين والقنوات .

بخصوص الصرفيه فريق عرب جي تي خلال تجربته وضح ان السياره أستهلاكها عالي والمفترض تكون

أقل بـ 15 % بسبب التغييرات في المحرك وقير cvt الجديد , تابع تجربة فريق عرب جي تي ممكن تفيدك

وتجاوب على بعض أسألتك .




https://www.youtube.com/watch?v=6sJmq-Hz-zA

السلام عليكم ورحمة الله وبركاته


وحياك الله ياغالي فئة الماكسيما هي اصعب فئة بين الشركات العالمية يعني المنافس لها

من الكوري كيا كادينزا و هيونداي ازيرا
ومن الامريكي فورد تورس و شفروليه امبالا و دودج تشارجر

ومن الياباني الافالون


اللي يتميز بالفئة هذه التشارجر دفع خلفي عن باقي المنافسين ومحرك 8 سلندر



بخصوص المواصفات الماكسيما كل اللي في بالك بتحصله من المواصفات معدى الخروج من المسار مستغرب مهب موجودة بالماكسيما و وموجودة بالالتيما


اما اب دسبليه غير متوفرة وبديله لها شاشة الطبلون 7 انش غير شاشة الكنسول الوسطي ٨ انش
التفاف العدسات غير متوفرة بسبب سيارات الانفينيتي يتوفر فيها

اما الردار و النقطة العمياء و المكابح الطوارئ وعزل الصوت ومراتب فاخرة وتبريد وتسخين المقاعد وتشغيل عن بعد وسقف بانورامي كلها متوفرة



اما بخصوص قطع الغيار

اغلى القطع بسيارات نيسان تحديدا هو

1- المقصات
2- المساعدات
3- العكوس

هذولي الغاليات فقط في نيسان واللي يقول غير كذا كلامه غير صحيح


سيارة 6 سلندر 3.5 لتر و قوتها 300 حصان تاخذ 4 علب زيت للمكينه لو غيرت مع السيفون تاخذ 4 علب زيت ونص يعني نظام سيارات 4 سلندر هل هذه تعتبر غالية !!!!

زيت الجير CVT بحدود 160 الى 180 ريال وتمشيك 100 الف كيلو هل يعتبر غالي


البوجي الواحد سعره 70 ريال ويمشيك اكثر من 100 الف هل يعتبر غالي

سعر فلت الهواء من 70 الى 100 ريال يعتبر غالي

سعر فلتر المكيف بقرابه 100 ريال


اما الفحمات الجيل السابق شبيه بالجيل الجديد بالفحمات

سعر الفحمات الاماميه 250 ريال وسعر الفحمات الخلفية 180 الى 200 ريال اما 400 ومن الكلام هذا كله غير صحيح



بخصوص جير CVT كتبتها ووضحت لها اللي كان يسخن هي التيما 4 سلندر من 2010 لين 2012 تركيبه مبرد الجير بالصدام الامامي الايمن وهذا مناسب للسوق الامريكي بعكس اجوائنا

وهذه 6 سلندر مهب 4 سلندر علشان تسخن !!!



عيب الماكسيما المساحة الخلفية المنافسين يتفوقون عليها

المكسيما موتر لكن جحفلتها الامبالا