فولفو S90 الجديدة كلياً تبدأ أسعارها من 179 ألف ريال

فرق تقريباً 15 الف دولار اميركي بين هذا السعر و سعر اللنكولن كونتينتال. ذكرت الفرق بالدولار عشان ما اعرف سعرها بالريال السعودي لان للآن لم يتم الاعلان عنه

ساب هي شركة مندثرة مع جي ام وغيرها كانت ضعيفة حتى بعد شراء جي ام لها وقضت عليها الموجه الاقتصادية

اما عن قولك كيف تطلع هذي القوة هذي كهرباء موطير جاهزة اذا 600hp ماتحتاج rpm عالي حتى تنرل القوة على الكفر مثل المحركات العادية هذي ادعس الدعسه وال 600 حصان تظهر مباشرة

اتمنى هالكلام ما يصير


فسبق ان اشترت شركة ساب السويدية وخربتها GM وسرقت منها كل ما يميزها وبراءات اختراعاتها وبعدها باعتها


اما تيسلا صراحة سيارة عجيبة، كيف تشتغل بالكهرب وتطلع هذه القوة! عجبتني قوتها وتماسكها ومرة هادئة وراسية




بس يضل السويدي افضل لدي

راجع الردود وبتفهم ليش قلت انتهى النقاش
ويله فتحته ثاني بكيفي:bigggrin:
لاانت ربحت ومرسيدس ربحت خلينا نمشي بهدوء ونحدد كل فئة وش هدفها
GLC مبنية على c class سيارة سيدان صغيرة فاخرة دفع خلفي من حجم الكورولا
GLE مبنية على e class سيدان متوسط الحجم فاخر دفع خلفي من حجم الكامري
GLS مبنية على s class سيدان كبيرة فاخر مبنية على الافالون
كمثال فقط ولا تويوتا مالها دخل:bigggrin:
الان انت عندك سيدان وش الهدف منهم الصغير لك وللعائلة الصغيرة مع مساحة تكفيكم ومحرك اقتصادي واداء جميل ومساحة خلفية جيدة ممتاز

نجي للمتوسط انت تبي عائلتك اكبر بشوي لكن انت تبي هم اداء قوي لكن هم ماتبي يشفط شفط بنزين وتبي مساحة مع اداء عملي فهذي الفئة لك

اما الكبيرة تبي كل شيء مبالغ فيه اداء كبير مساحة كبيرة جلوس كبير كل شيء مبالغ فيه خلينا نطبق هالنظرية على suv مرسيدس

GLC سيارة مرتفعة لكنها اقتصادية تمشيك اداء طرق وعرة لكنها مو كبيرة وبتضايقك تكفيك وعائلتك وصندوق خلفي وسيع ويكفيكم حلو

GLE لا عائلتك اكبر وتبي اداء اكبر لكنها مو يشرب بنزين ويخسرك وتبي راحة وتبي مساحة عائلتك اكبر وتبي اداء طرق وعرة لكنه مو ثقيل حيل وتبي مساحة خفيفة من الصندوق الخلفي ان كنت تستخدم الصف الثالث

GLS. تبي كل شيء مبالغ فيه محرك قوي ثلاث صفوف مساحة جلوس شنطة كبيرة اداء ثقيل في الطرق الوعرة كل شيء

انت الان تقول فرق كبيرة بين glc و gle لكن ما فيه فرق كبير
بين gle و gls
كانه مافيه فرق بين e class و s class
او مافيه فرق بين الافالون والكامري فهنا خلاص اذا نمشي عليك خلاص نوقف نصنع هالفئة

وشالفرق بين glc و gle الان ماصار شيء حطوا مكينة اكبر ومغطوا السيارة طيب وش استفدت بس مساحة شنطة ومكينة اقوى واذا ابي ثلاث صفوف ماعندي ثمنه ما اشتري وبالعكس الي تسويه مرسيدس تخلف منها كل المنافسين ثلاث صفوف ليش هي شالته

وبالمناسبة مو تشوفلي سيارة اطول من ذس او مساحتها اكبر يعني تدخل على فئة اعلى اذا الفروق بسيطة عادي وترى فيه شيء اسمه استغل المساحة باقل قدر ممكن مثال شوف فولكس واجن باسات انا استغربت لمن شفت طولها وعرضها اقصر من المنافسين واوسع منهم لانه المنافسين عندهم اخطاء في التصميم وما استغلوا الحيز بقدر الامكان


وانتهى النقاش مافيه شيء ارد عليك بعد ذا الرد اذا ما اقتنعت

النقاش لا ينهى من طرف بشكل مفاجئ دون الآخر
يعني مو على كيفك
وإلا تفرق كثير شوف المحرك والمساحة الداخلية والقدرات في الطرق الوعرة
طيب بناء على كلامك غباء من مرسيدس
أنا آخذ gle بمواصفات جداً قريبة من gls كذا أنا ربحت ومرسيدس خسرت
بينام فارق الحجم لوحده كبير بين gle و glc

مقارنة مضلله فعلا في وقتنا الحالي لكن في وقت الثمانيات لا فعلا شيء عجيب على ذاك الوقت وفولفو
اول شيء محرك v8 4.4 تنفس طبيعي
ثم استبدل بمحرك i6 3.0 turbo twin scroll وبنفس الاداء لكن اقل صرفية وانبعاثات
ثم بعدها الان i4 2.0 turbo سوبر تشارج وعبقرية باداء نفسه لكن اقل صرفية واقل انبعاثات وانت مو غشيم عن الاحتباس الحراري والانبعاثات السامة تبي تموت مت بس لا تموتني معاك:bigggrin:
ومحرك اربع سلندر تيربو عشان انه يدور واقوى من السوبر تشارج لكن فيه لاق فولفو الحل نركب سوبر تشارج وناخذ قوة الاثنين والسوبر تشارج ماعليه كلام اما التيربو ركب عليه انظمة تبريد ممتازة وراح يعيش ولا بيخرب شيء
وشوف رقم الصرفية والانبعاثات جدا ممتازة
وشكرا
ما انكر اني احب v8 6.2 سوبر تشارج وصحيح صرفتيه جدا حلوة لكن الانبعاثات

انا قلت انتهى النقاش و gle هدفها suv فاخر متوسط الحجم 3 صفوف وانا شايفها كذلك اذا ماتجي تخلف من مرسيدس لانها مافرقت عن فئة compcat suv الفاخر الي هو glc
انتهى النقاش

ههههههه بقى كلمة ماقلتها في مرسيدس:bigggrin:

تيسلا سيارات كهربائيه ومايهم فيها عدد السرندلات

مقارنة مضلله ونقارن التفاح بالبرتقال!

الله يزيدك علم......

التيربو كتقنيه اصبح اداة لتوفير الوقود فقط

وليس للأداء العالي والممتع والرياضي

4 سلندر ولو تجي ب 8 تيربو اشوف انها خربوطيه وماتستاهل سعرها

خاصه مع تكاليف صيانة التيربو العاليه والغير مبرره

والحين محركات التيربو صرفيتها نفس التنفس الطبيعي

يااخي فيه اعضاء يحسسك انك تبي سياره سباق وحلبات هههههه

امين ٢ سلندر بس تعطيني عزم وقوه

وش ابغي ب8 سلندر وصناعه ابو كلب

قبل فترة كانوا يتكلمون عن استحواذ GM على تيسلا
الظاهر انه العكس كلها ١٠ سنين وتستحوذ تيسلا على GM

قبل شوي قريت عن الطراز الجديد منها *model 3

شركة تفرض احترامها يوم بعد يوم

وتملك تقنيات جميلة خصوصا اذا تحدثنا عن موضوع التسارع من السكون

كلامك صحيح لو كنا ما نزال في عام ١٩٨٠

اكثر من ٢٠٠ الف طلب استلمته تيسلا لسيارتها الجديدة
من قبل اشخاص ما شافوا السيارة حتى ولا يدرون عن تفاصيلها ولا عن مواعيد تسليمها!!

السيارة ٠ سلندر :wink:


الشركات الحالية اذا ما قدرت تتكيف مع الوضع الجديد وتطور محركات جديدة مدمجة بكفاءة عالية بتختفي من السوق
فولفو اخذت المسار الصحيح من وجهة نظري باختيارها التركيز على المحركات الصغيرة وبتصير من الأفضل في هالمجال

تحط فلوسك في سيارة اكثر من ٢٠٠ الف في 4 سلندر هذا بحد ذاته ضرب من الجنون
حتي لو كان عزمها قوي واحصنتها تتجاوزالـ 300

فولفو مالها رواج بالسوق عندنا وبالكاد تحصل سيارة ولا اثنين قدامك .

سيارة بمحرك اقتصادي وبمميزات جميلة وتصميم اجمل.

سعرها عالي جدا وهناك بدائل أفضل ب 200 ألف .

ليش متعصب لا هي اول ولا اخر سيارة تنتقد؟
شخصيا غير مقتنع بجيوب مرسيديس نهائيا ولا اشوف فيها اي شي مميز

الشكل الخارجي متواضع جدا مقارنة بالمنافسين ( اسكاليد / LX / QX80 )
والتصميم الداخلي ايضا قديم وممل

والجودة الداخلية نعم ركبت السيارة ولا فيه اي مقارنة لا مع الاوروبي ( رانج روفر / XC90 / Q7 ) ولا غيره

بالله عليك هل تشوف٤٠٠ الف للستاندرد سعر منطقي ومعقول؟ :bigggrin: