حصريا الاسباب الحقيقية لتصنيع الاكورد في الصين

قبل يومين قايل مجنون من يشتري مازدا 6
والحين تقول مالهم أي منافس
+ كتاب إنفصام الشخصية

العجيب في وقت نزول الاكورد صار هناك تلميع لها من عدة وسيله اعلاميه ومن ضمن الاسباب هو تقليل التكاليف ومع ذلك زاد سعرها
وظهر فيها عيب مصنعي خطير في المحرك وهذا السبب ادى الى نقصان شعبيتها لدينا بشكل واضح

للأسف هوندا خسرت السوق السعودي من خلال افضل سياره عندهم وهي اكورد وماسلمت من العيب المصنعي بالاضافه الى صناعتها الصينيه و سعرها الغالي مقارنه بالمنافسين

انا من محبين هوندا ولا كان ودي يحصل هذا الشي

شكرا لك

السلام عليكم

بالنسبة للسبب الاول

مع كامل احترامي لمجهودك ومصادرك اخي العزيز بالعكس مصانع هوندا في امريكا تتوسع وتتطور وتصدر لخارج امريكا أرقام كبيرة من السيارات , وفي عام 2013 سجل رقم قياسي بتجاوز التصدير الامريكي لسيارات هوندا رقم اكبر من التصدير الياباني لسيارات هوندا !!

واذا على كلامك اعطال وسوء تقفيل وكوارث هل يعقل بأستمرار هذه المشاكل بدون حل سريع ان وجدت ؟ اين الادارة ؟ اين المتابعة ؟ حدث العاقل بما يعقل اخي الكريم لا سيما ان من سنين طويلة مصانع هوندا موجودة في امريكا , والصناعة الامريكية متطورة وقوية وذات جودة.

وايضاً اضف الى معلوماتك في عام 2013 انه تم استثمار 2.7 بليون من قبل شركة هوندا في امريكا لزيادة الطاقة والتصنيع.


ودائماً تذكر ان مبيعات السوق الامريكي الشهرية تعادل مبيعات الخليج بسنتين تقريباً والاهتمام طبيعي للسوق الاكبر والاقوى , وثق تماما ان الاكورد الصيني اللي وصلت لنا مجرد تصريف وتجربة على دول مستهلكة تدفع بدون سؤال.

وشكراً

شكلنا بنتحمس على الفاضي
لاني اشوف الوكيل طال عمره الى الان ماجاب السيفيك
شلون عاد الاكورد

أخوي اوتشيها مادارا يبدو أن عندك علاقات مع ناس بأدارة وكالة هوندا :c0214:


هل عندك معلومات ليش الأكورد ماصارت تجي من اليابان؟!

الحقيقة المرة ان المكينة ايضا تصنع في الصين والقير والهيكل بالكامل يسبك بالصين

كامل السيارة تصنع بالصين ولا تجمع ابدا


يعني اليابان ما تصنع لاجل تجمعها الصين لان التصنيع اصلا هو المشكلة في التكلفة وليس التجميع


وخطأ المحرك فعلا ماله علاقة بالصين وما اقدر اذم صناعتهم لانها ما فرقت حسب النتائج عن الامريكية والدليل تم سحب سيفيك 2016 حتى قبل بيعه بسبب خلل في المحرك في امريكا وهي تصنع بالكامل في امريكا


الخلل في استدعاء المحرك انهم لاول مرة غيروا المحركات عن المحركات المألوفة واستخدموا الحقن المباشر واللي استدعى تغيير التصميم عن المحركات اللي كانوا طول عمرهم يستخدمونها محركات سلسلة K

وهذا اللي ورطهم

للاسف اغلب المصانع تتجه للصين

يا رجل ناظر حولك وشوف كم شي ميدي انن شاينا :)

اتفق مع صاحب الموضوع بخصوص سوء التقفيل للسيارات هوندا أمريكا
مثلا : سيارتي السابقة اكورد 2012 ماكانت فيها مشكلة نقص الزيت لكن فيه كم شخص أعرفهم معهم نفس موديل سيارتي يعانون من نقص واضح في الزيت بعكس الأكورد اليابنية ماكانت تعاني من نقص في زيت المكينة

بالنسبة لصاحب الموضوع : أذكر أول ماطلعت مشكلة مكينة أكورد 2015 كان لك موضوع تقول فيه انه الخطأ ماله دخل فيه مصنع الصين وان سبك صناعة المكينة في اليابان
والآن تقول انها تسبك وتصنع في الصين ... هل تقصد ان المكينة تصنع بالكامل في الصين ؟ أم ان السيارة بالكامل في الصن ؟

لو خفضو السعر لسعر منافسينها في السوق كان ممكن تمشي,لكن اسعارها جنونيه اربعه سلندر فل ب118 الف لو قارنها بالمازدا 6 ب97 الف فرق 21 الف ريال مع ان المازدا افضل بكثير من ناحية المواصفات والرفاهيه واغلب الاشياء تتفوق المازدا ايضا لو قارنتها بالليجاسي نفس المواصفات الفل ب79 الف والسته سلندر ب105 الف فرق كبير مع ان المازدا والسوبارو تجي من اليابان,هوندا مالها عذر,واضح الاستغلال.

أذكر في بداية إستيراد الأكورد من الصين

حسن كتبي تكلم في احد مقاطعه ان السياره هي هي بنفس الجوده

طبعا كلامه كان مصدره الوكيل عبد الله هاشم وذكر ايضا ان السياره زاد ضمانها

بالإضافه لبعض المواصفات مثل البريك الألكتروني وغيره , المشكله ان السعر ضل مثل ماهو عليه !!

يعني أستاندر بــ 95 -92 الف ونصف فل بــ 110 الف وصناعه صينيه , سابقا تقدر تقول تكلفة الايدي العامله

بمصانع أمريكا أغلى من الصين لكن حتى بعد أستيراده من الصين الاسعار بــ زدياد

ثم بعده حصلت الطامه واستدعاء كامل لتغيير المحرك . أفضل حل الرجوع لمصانع أمريكا

وتخفيض السعر المجنون لسياره وصلت لقيمة سيارات أعلى منها

فعلا

المنافسة في فئة السيدان المتوسط هي الأصعب في عالم السيارات
وكثير شركات تدخل وتنسحب
آخر شي كرايسلر 200 خرجت من السباق بالرغم من انها منتج أكثر من رائع, فيه ملاحظات على القير 9سرعات :xyxthumbs:

خسارة أكورد سمعتها في الفئه يعتبر ضربة قاضيه واتاحة المجال لفورد فيوجن او سوناتا

طلع اسوأ بكثير

ايام اليابانية والامريكية يقولولك خذ الاكورد جودة ورساوة ومنظر وغير القطع وانسى
لكن الحين صاروا ينفرون من الاكورد وبعدين حتى لو ترجع لامريكا وش استفدنا ؟

قير cvt
المازدا 6 والاوبتيما سرقوا هالفئة سرقة محترمة ماقي لهم اي منافس بها

هوندا تتميز بالرخص بامريكا لك عندنا غاليه لحد الجنون

مشكور اوتشيها مادارا على الموضوع

صحيح قد عانت شركة هوندا مشاكل بأمريكا بسبب مشكلة الأيرباقات مع شركة تاناكا أو أعتقد أسمها كذا

لكن أحضار المنتج من الصين وبنفس السعر أرى فيه الغباء فالشعب لن يتقبل سيارة من شركة يابانية تصنع أقل من تجميع أسترالي (كحال الكامري) فمابال أن كانت السيارة تصنع وتجمع بالكامل في الصين!!!

مقدار الثقة فيها كثقافة شعب بكل تأكيد 0%

أعتقد الهبوط الحاد الي صار للكورد جعل زيادة مبيعات مابين كامري ومازدا 6 وألتيما وسوناتا بشكل طيب لان التوجه كبديل عن الأكورد أمر جدا وارد بعد الصناعة الجديدة الصينية

اذا كان مصنع الولايات المتحدة يتسم بسوء التقفيل على حد قولك

فماذا عن مصنع الصين ؟؟

معقولة الاسباب لكنها ما اعتقد تقنع محبي الهوندا

اما عن تخفيض تكاليف التصنيع هذا كلام غير صحيح، السيارة زاد سعرها اصلاً عندنا ومبلغ مو بسيط

لا فعلا هذا السبب الحقيقي

السبب الاول هو السبب الاساسي

سوء التقفيل في التصنيع الامريكي


والاسباب الواهية اللي كانت الوكالة تصرف فيها قالها حسن كتبي

انه تخفيض للتكاليف ومدري ايش لكن الاسباب اللي ذكرتها انا ودهم هوندا ان محد نشرها :smile: