بسم الله الرحمن الرحيم
حصل لي الشرف بتجربة سيارتين لهم سمعة وانطباع ممتاز بالسوق المحلي وذات رغبة بشكل كبير فالسوق,فحبيت افيدكم حول التجربتين
وطبعا لن اتطرق للمحركات كون اني جربت is350 والمرسيدس c300 فـ هناك اختلافات بالمحركات والفئة
كون is350 تنافس c350
طبعا الاي اس موديل 2007 والمرسيدس 2011
بداية صناعة السيارات طبعا للسوق الامريكي هذا)
-الاي اس صناعة كندية
-السي صناعة افريقية
الراحة والعزل:
في جانب العزل ,حقيقة الاي اس تتفوق بالعزل الارضي ,صوت العزل الارضي ملحوظ بالسي
اما العزل من الابواب والجامات السيارتين نفس الشي فيهم تسريب اذا فيه هواء
اما بالنسبة للراحة السيارتين مريحات ماشاء الله فقط الفرق ان تعليق الاي اس اكثر اريحية بالحفر وتشققات الشوارع وهذا معروف باللكزس
بس السيارتين تتقفز من الخلف اذا الشارع تعبان
الثبات:
حقيقة ثبات المرسيدس عجيب ماشاء الله وهذا معهود من هذا الصانع
جودة المواد الداخلية:
الاي اس لاحظتها ماشاء الله اكثر مركزين بالفخامة من السي
بس المرسيدس ملامسها فيها شوي جلد صلب
اما اللكزس جلد وشوي اللين
بس اقولها بصراحة الانفنتي gافضل منهم جودة
البريك:
ما لاحظت فرق كبير لانه مثل ماخبرتكم مواصفات الولايات المتحدة وليست بمثل سيارات الخليج
الايجابيات والسلبيات ما راح اذكرهن بشكل كلي فقط الاساسيات البسيطة لانه السيارتين ليست فل اوبشن وهذي من حسنات الوارد الامريكي
ايجابيات السي300(عالفئة اللي معنا):
-حقيقة المرسيدس بالرغم انه 300 الا انه مكينته شيطانه لما تعطيها بترول ماشاء الله لاتتأخر الاستجابة تحصلها معك حتى بوضعية الاقتصادية
-توفر الفئات الاخرى بكت amg اكان في 300 او350 ام250(اللكزس بالموديلات السابقة لاحظت الكت ينزل فيه 250 الوارد )
-لمسة الاشارة يعني تصغط شي بسيط لما تغير مسارك وتستمر الاشارة كم ثانية(الكرايلسر استفادت منهم لما كانو شراكة وطبقو الفكرة)
-وجود ثلاجة بالسدة
-نظام التخفيف التلقائي اذا كنت مو ضاغط على دواسة البنزين
-مصابيحها الداخلية جميلة وقوية ماشاء الله
-كشافات نهارية(وتقدر تخليها اوتو على الظلام تشتغل)
-وجود وضعيات القيادة كالاقتصادي والرياضي
-استهلاكها جميل صراحة واقتصادية ب امتياز
-سستم لوحة العدادات ماشاء الله مليئ بالتقنيات ويعطيك ضغط كل اطار بالنسبة والسيرفس القادم ولو لاقدر الله عندك خلل في مكان معين بيخبرك بالتفصيل وحتى لو الايرباج طالع بيقولك اي ايرباج طالع بالضبط
فئة amg(عليها شاشة وزينون احيانا وتبريد وتسخين المقاعد وكامرة)
سلبياتها:
-الكفرات اللي تحت السيارة(هذي كفرات حماية اسفل السيارة)
-مثبت السرعة موقعه يفر الراس اللي مو متعود
-المقود كبير جدا وغير مناسب لهذه الفئة (فئةamg مقودها جميل)
-عدم توفر المفتاح الذكي
-عدم وجود حساس المطر
-عدم انخفاض المرايا للاسفل عند الرجوع
-السيرفس جدا مرتفع حتى ولو كان 15كم
-عدم وجود جير التبترونيك
-عدم وجود تبريد وتسخين المقاعد(التبريد والتسخين بالفئة الاولى amg300)
-افتقار بعض المواصفات في فئتها(عكس اللكزس تحصل على اساسيات مثل المفتاح الذكي والمرايا والخز..)
ايجابيات is:
-350 صاروخ ارضي ماشاء الله
-التبريد والتسخين اساسيات في فئة الاي اس الوارد(3.0طبعا الخليجي الرقم 2بمخمل)
-عند السرعة العدادات تتحول للاحمر عداد rpm
-المرايا تنزل للاسفل عند الرجوع(اساسية)
-حساس المطر(ميزة اساسية)
-المقود انيق وراكب عالسيارة
-السيرفس رخيص
-وجود الجير التبترونيك
-ميزة اعجبتني في is ,570lx انه التبريد وقوة الدفع اوتوماتيك اذا خفضت البرودة انخفض دفع التكيف من درجتين الى درجة وهكذا
-المفتاح الذكي(وهذي من الامور المهمة صراحة اللي تهمني,واستغربت المرسيدس عدم وجود هذي الميزة بالرغم انها 2011)
-الزينون اساسي في جميع فئات 350+300الخليجي اعتقد بس الفل اوبشن+250 مع ميزة afs
السلبيات:
-خراب تتش الشاشة(تتصلح من عمان بـ50ريال)
-فيها صرفية اذا تسرع وكل ساعة تسابق الناس ر(اقصد فئة350)(السي 300استهلاكه حلو فما عندي فكرة عن350)
بالنهاية هي مسئلت اذواق وكل شخص وتجربته انا هذا اللي قدرت اتذكره حقيقة
واذا اخذت هذا الوحش
او هذا الوحش
اعتبر نفسك ماغلطان