السلام عليكم ورحمة الله وبركاته ..
أنا جاي طالب مساعدتكم وبستشيركم بكم مشكلة بالسيارة !
1- عندي صدمة بالصدام الامامي الجهة اليمين صغيرة تقريباً .. بس البوية راااحت يعني طالع أسود!
"بكم تتصلح هالصدمة" ؟
2- المراية اللي عاليسار منكسرة .. بس ما خرب شي كهربائياً .. سلك الكهرب ما زال موصول بس ان المراية نفسها طايحة وما زال متمسك فيها السلك
"بكم أغير المراية أو بكم تصليحها" ؟
3- رشاش الموية اللي للقزازة الامامية .. ما يطلع موية رغم إني معبيه! بس بعد حادث قديم صار ما يرش
"كم سعر تصليحها" ؟
4- أحد الطاسات اللي بالسيارة منكسر وأبغى أبدله!
"بس وين ألقى تجاري وكويّس؟ أو أصلي وسعره معقول؟"
..
هذي هي المشاكل اللي بسيارتي ياليت تدلوني لأفضل ورشة وتعلموني كم أسعارهم عشان ما ينلعب علي :d .. وشكراً لكم مقدّماً
عليكم السلامة ورحمة الله وبركاته
أهلا وسهلا فيك أخوي وحياك الله وجمعة مباركة عالجميع إن شاء الله
1- بما أنه المكان الظاهر في الصورة واضح أنه الصدام في المنطقة المذكورة أنه فيها حكة وفي هالحالة اللي اعرفه والله العالم يلزمك أنك ترش الصدام بالكامل ويكلفك في حدود 400 - 500 ريال وأتمنى أنك تلاقي أحد يقدر يرش لك المكان اللي تضرر فقط بدون رش الصدام كاملا
2- أنا ماعندي علم بسعر المرايا الأفضل أنك تبحث في قطع غيار تويوتا أو اذا مالقيتها مافي حل التشاليح أو الوكالة كآخر حل واذا سعرها غالي كثير شوف لك أحد عند خبره بشراء القطعة من الامارات أو من الانترنت راح تطلع عليك بسعر أرخص بحيث تنتبه أنها نفس الجهة المكسورة (اليسرى) left side والمهم تقريبا راح تجئ كاملة مع القاعدة مثل الصورة اللي تحت من شركة TYC وهي أحد الشركات المشهورة في هذا المجال
3- من الممكن انه الفتحات اللي يخرج منها الماء متسكرة ومسدودة أو من الليات وخراطيش الماء الخاصه فيها بس تأكد قبل كل شئ أنه دينمو ماء المسااحات شغال ومافيه شئ من ناحية الاسلك خصوصا حتى لو كان هذا الشئ استبعد أنه فيه خلل بس مايضر أنك تشيك عليه
4- طاسات السيارة شوف محلات الزينة أو في التشاليح وإن شاء الله تلاقي أحد يبيعك طاسة وحدة والا المعروف أنها تجئ أغلب شئ طقم كامل ........واذا مالقيت مافي حل الا الوكالة
