لماذا نيسان صني الجديدة هي افضل سيارة صغيرة

أنا جربتها على أيام الشكل القديم قبل سنتين صني موديل 2011 لون صدفي وعجبتني بصراحه من جميع النواحي كسيارة صغيره بس يوم اختلف الشكل في الموديلات الأخيره صار عندي وجهة نظر من ناحية التصميم الخارجي اعتبره قبيح وسيئ نوعا ما ولكن اذا تجئ السيارة لونها حلو وفل أوبشن تختلف نظره الشخص لها من ناحية التصميم الخارجي وأعتقد اللي بيحافظ عليها راح تعيش معاه بغض النظر عن الوكيل السيئ

العالم اللي تتكلم عن قطع الغيار اعرف منطقهم وخبير فيه ..
القصة ان عندهم اعتقاد في مقولة ان نيسان مالها قطع وتحصله يروح العيسى ويسأله عن قطعه يقوم يقول له نطلبها لك وتجيك بكرة ولا بعد 3 ايام يقوم يرجع وهو يسب ويلعن ..

اولا: وللعلم هذي طريقة الشركات والاتجاه لها عالمي .. وهو انك تشحنها من مستودع رئيسي لباقي الفروع افضل واوفر من انك تسوي مستودعات صغيرة او متوسطة كثيرة. صح بيكون فيها تأخير وماتكون حاضرة مثل ما تعود الزبون لكن التأخير هنا نسبي .. واعيد واكرر لما الموظف حق القطع يطقطق على جهازه ويقول لك غير موجوده ليش تفهمها ان الوكيل ماعنده قطع!! عنده بس يقول لك انتظرني اسحبها من مستودعنا سواء هنا او في دبي او حتى من اليابان.


ثانيا .. لا تقارن وكيل له سنتين او ثلاثة بوكيل له 60 سنة
واذا جينا لقطع السيارات القديمة او القطع نادرة الاستهلاك ترى حتى الوكيل ابو 60 سنة يجيبها لك من اليابان ماهي مخزنة عنده وحتى ممكن يعتذر منك ويقولك ما نجيبها وهذي حصلت فعلا.


ثالثا .. من مزايا نيسان ان السوق فيه تجار نشاطهم في قطع نيسان ويوردون مباشرة لصالحهم من دبي وهذي ما تحصلها يمكن الا في نيسان وتويوتا عندنا و لذلك حتى لما عاشت نيسان كم سنة في السعودية بدون وكيل كنت انا وغيري من مستخدمي نيسان نحصل قطع سياراتنا .. لذلك هم لاعب مهم في الموضوع ومصدر اطمئنان.


رابعاً في ناس ماتروح لمحلات القطع ... يروح مباشرة للوكيل اذا عنده اعتبرها متوفرة وان ما حصلها اعتبرها غير متوفرة ..!! الوكيل يحاول قدر الامكان يوفر تسهيلات للتجار اللي يبيعون قطع لمساعدته في النهاية في هذي النقطة تحديدا وهي توفير القطع للعملاء.


وأخيرا وعلى المستوى الشخصي ومن تجربة .. اللي يشتري سيارة نيسان جديدة او شبه جديدة ويستخدمها بشكل طبيعي والله ما يعرف الورش ولا محلات القطع الا في شغلة فلاتر وزيوت
هذي اضمنها وعلى الاقل لخمس سنوات اذا مو اكثر

لا اله الا الله

اخوي رحت لاي فرع تبع العيسى؟
عشان نشوف المشكلة بالتفصيل

انا استاجرتها مرة السيارة جيدة وحلوة افضل من ما توقعت بس الوكيل العيسى سيء جدا جدا لا يوجد عنده قطع غيار تصدقون عندنا نيسان باترول جديد اكل صدمة ما عنده صدام ولا اصطبات ووديناها ورشة برا ودبر القطع والشمعة الامامية ولا لقى صدام امامي بالرياض وضبط وسمكر الصدام القديم

والله أنك شخص عجيب ما شاء الله
أهنيك وأرفع القبعة لك
ما عمري شفتك متعصب لأي شركة
بل ردود متزنة وفيها دلائل على تفوق كذا على كذا

نص الي يتكلمون ويسبون بتوفر القطع
عايشين على افكار ايام الحمراني
وماغير يرددون كلام قديم

وسبب رخص اسعار بعض سيارات النيسان
انها تجي من الخليج

هذا البريمي حق تويوتا ولكزس يجي رخيص
اكثر من السعودي

وما شفناكم تكلمتم عليه , تعصب بتعصب

نعم كلامك صحيح السيارة افضل في فئتها بالنسبة للسيارات المنتشرة الي هي اليارس والصني والاكسنت هي الافضل وانتشارها مخيف اما مع الغير انا اشوف في ثلاث منافسين لها فورد فيستا فولكس واجن بولو و مازدا 2 اذا تقدر تقارن معهم اما بالنسبة للصني الصراحة موتر شكله من الخلف يجذبني وتكييف فريزر موتر ممتاز لكن ماما ادري وش يسوي قدام مازدا 2 وبولو وفيستا ويعطيك العافية وشكرا لك

والله ياخوي ماني عارف ممكن بسبب ان سيارتي مو باثفندر الله اعلم
لاكن والله هذا الي حاصل معي
فيه حلول من داخل السعودية لتوفير القطع
لاكن اذا ماعندك مانع ايش المنطقة الي انت فيها والقطع الي اضطريت تجيبها عن طريق دبي

والله يا اخي أنا مني معك في توافر قطع الغيار ، أنا عندي باثفيندر 2008 اضطريت أبيعه بخساره كبيره لعدم توافر قطع الغيار ، كنت اجيب القطع من دبي لعدم توافرها وفي المقابل عندنا لاندكوزر 96 كل قطع غيارة متوفرة
ولَك الخيار اخي

بالفعل الافضل سعرا ومواصفات,,

كما الحال مع فئة المازدا 6 الافضل المازدا 6 من جميع منافسينها بنفس الفئة,



يعطيك العافية

أمانة
ماعمرنا طلبنا شيئ وتاخروا علينا كله موجود
بس كل طلباتنا أشياء عادية
كمثال فتحة مكيف مكسورة

السلام عليكم

يمكن تكون لاكن التصميم قبيح جدا بالنسبة لي

جميل جداا يعطيكم الصحه والعافيه
وننتظر المزيد من الاراء

اتمنى من اي احد من ملاك نيسان
يقولنا عن توفر القطع فقط
ومعناته ان وجدت
للمعلومية الجنوب مافية ولا وكيل لاكن فيه موزعين
وفيه اوتو ستار
ومحلات قطع الغيار والوضع مثل اغلب المناطق
بخصوص نزول اسعار نيسان
المشكلة في وارد الخليج يجي ارخص من الوكالة بفرق كبيير
وسعر البيع يكون على الجديد الي في المعارض
وبصراحة مافيه غير تويوتا يمسك سعره
قريبي اشترى سنتنيال فل الفل 2013 او 14
ماشية 20 الف ب 120 الف
شوفوا كم سعرها جديده

في نظري ان ملكه هذه الفئة هي الاكسنت من دون منازع
2015 نص فل عليها عرض بالمعارض ب 38 او 39 الف
والفل كامل 47 الف ومكينه كبيره موديل 2016




الى يحدد سعر السياره رغبة السوق والمستهلك
اكبر دليل شف الكيا و هونداي كلها ملك لشركه وحده لكن الهونداي ارغب وادرج عند الناس

ايضا شف الددسن سعره بالحضيض مع ان القطع بالبقالات والسياره عمليه وقليله الاعطال وسهلة الصيانه

نجي لتايوتا خرب عندي دينمو الكهرب حق كامري 2006 وسئلت عنه بالوكاله وطلع 2400 بعد الخصم
اتصلت على الجميح حب استطلاع وسئلت عن دينمو الكهرب حق الكابرس وقالي 1900 بعد الخصم قمت واتصلت على محلات الرمال وهو موزع لشركة دودج مثل الوكاله وسئلت عن دينمو الكهرب وطلع 1500 بعد الخصم للكريسلر

نجي للصيانه
سويت صيانه لجمس يوكن 2013 دبل حقت العشرين الف وكلفتني 490 ريال شامل الزيت والسيفون
وسويت صيانه للكامري 2012 عشرين الف كيلو وكلفت فوق ال 900 ريال شامل الزيت والسيفون

لما نتكلم عن توفر قطع الغيار مو معناه اللي ساكن بالرياض او جده لآن فيه وكالات وتجار قطع غيار كثير احنا نتكلم عن بلد كامل فيه عشرات المدن اما تقول رحت مخرج مدري كم ولقيت قطع لتيدا هل هالكلام يعني ان القطع متوفره .... لو كانت قطع غيار نيسان وانفنتي متوفره مالقيت اسعار نيسان في الحظيظ وحتى في المدن الكبيره نحتاس الين نلاقي قطع غيار اعتياديه لنيسان
انا ماني ضد نيسان بالعكس لكن اتمنى تكون في المكان المناسب لها لازم نيسان تكون هي وتويوتا في نفس المستوى

عندك دليل ان قطعها مب متوفرة ولا كلام فاضي؟

أنا رايح لمخرج 17 العيسى وطالب قطع لنيسان تيدا
الي هي من اندر السيارات بالشارع تحصلها
وحصلت كل الي ابي مرة وحدة

حتى القطع الي طلبتها ماكانت اعتيادية مثل فحمات وبواجي
لا اشياء داخلية متعلقة بالقير

حاول تصحح معلوماتك او تبحث بنفسك وتشوف

https://www.youtube.com/watch?v=rNomWep2elo