لازم الواحد يهتم بنوع المياه مثل اشتري مويه رديتر ميستوبشي او اي نوع جيد اسعارها حدود 30 الى 40
وخذلك ب 13 كرتون مويه مقطر واخلطها بالرديتر اما اللي يعبي مويه عادي كلها املاح ويقول حراره طبيعي
إذا كانت جديدة على يدك وكالة ما عندك مشكلة أنا عندي دورانجو 8 سلندر و ما شاء الله أمشي عليه يوميا من 100كم إلى 150كم وأحيانا زود ماعندك مشكلة , بس إذا مستعملة أنصحك تشيك عليها بتدقيق لا تكون كانت مع راعي مقاومات أو شي و تبلشك بعدين .
شوف أخوي اذا السيارة راح تشتريها مستعملة هذا يعتمد بشكل كبير بعد الله على مدى استعمال راعيها السابق ومدى اهتمامه بأمور الصيانه الدورية للمحرك وخصوصا مايتعلق بمنظومة التبريد من تغيير ماء الراديتر والتشييك عليه كل سنة واستخدام نوعية من محلول التبريد تكون ممتازة ومناسبة لنوع السيارة بس اذا كان راعيها يدق سلف ويمشي وخصوصا اذا كان ممشى السيارة مايقارب 100 ألف كم ولا يراعي الصيانه الدورية الخاصه بمنظومة التبريد على وجه التحديد ولا أي شئ فأنصحك تبتعد عن مشترى السيارة اللي كذا واذا تفكر تشتري سيارة خذها على الفحص سواء محركات او بودي ويكون ممشاها قليل نسبيا وفي النهايه اللي اعرفه وتقريبا هذا النوع من السيارات حالها من حال أغلب السيارات الحديثة مستوى الحرارة الطبيعي ودائما يكون النصف
اخوي انت بتاخذها مستخدمه ؟؟
اذا مستخدمه شيك عليها و خلها فتره شغاله و تابع الحراره اذا ارتفعت يعني تحتاج تشيك نظام التبريد للمحرك
اما اذا جديده ولا تفكر بالحراره و مافيها خوف ان شاء الله
30كلم هذي مسافه قليله جدا عشان الواحد يخاف يروحها و ترتفع عليه الحراره حتى لو تمشي 3000كلم بسرعه قانونيه و السياره مافيها مشاكل في نظام التبريد (سواء السياره جديده او مستخدمه ) ماراح يضرها بشي
اغلب اسباب ارتفاع حرارة السيارة سواء تشارجر او اي كان هو الاستخدام السيى.......قيادة سريعه دون مراعات درجات الحرارة الخارجية .....عدم الاهتمام بمستوى ونوع مياه الالديتر واذا كانت السيارة تماتيك وما فيها مبرد لزيت القير يكون في حمل اضافي على اللاديتر وترتفع مع السرعة والزايده
انا اعتقد اذا انت تتعامل مع السيارة ككتله حديد توديك وتجيبك فراع تعاني من الكثير من المشاكل لاكن اذا نظرت لها كمنضومة ميكانيكيه وكهربائية تتاثر وتحس بكل شي وتحتاج مراعاه للضروف ....فصدقني ماراح تعاني كثير
والله يكتبلك الي فية الخير
