اشتري موستينج ؟

الله يادنيا طالي ثانوي و متبي موستنق ,, الله الله بالسرعه بس انتبه لنفسك , و يعطيك خيرها و يكفيك شرها !

اشتررررررها ومن القلب داعيلك

انا كنت مثلك و الوالد ماوافق يشتري لي موستنج ايام الكليه ( بعد التخرج من الثانوي ) قالي هي سياره 1 فقط
مع اني كنت اقوله موستنج موديل 98 ياباني اعتقد ارخص من الجديد ولما اتخرج من الكليه نبيعها ونشتري سياره جديده
للاسف ماوافق و اشتريت سياره جديده لكن تم الموستنج في البال
الى ان اشتريت واحد 94 مكينه 5.0 سياره مجنونه لكن واجهتني مشاكل و انتقلت للدراسه في منطقه ثانيه و بعتها

و بعد الزواج اشتريت 2006 نظيف و الحمد الله توفقت فيها و انبسطت مره فيه و جلس معاي 3 سنوات ماحطيت فيها اي حاجه فقط زيت و بنزين (غير اضافه المسات المميزه الخاصه الي كنت جايبها من امريكا )و صارت سياره مميزه وللاسف اضطريت ابيعها عشان استري سياره عائليه بدل المستنج و السياره الثانيه

زده الكلام صدقني اذا ماشتريتها الان و انت من جد متعلق فيها فماراح ترتاح الى ان تشتريه سواء تزوجت ولا

اللي بيحافظ على السياره بتعيش ويشيك زيوتها ولايعمل لها درفت او دعس على طول وبدون مايركب سستم يعني شد بلد تشييكها كامل بتعيش معك والسواقه الراكده ولد خالي معه موستنق 2011 والثاني معه 96 والثالث 90 والحمد لله زي الحلاوه طبعا 8 سلندر السر في السواق مو في السياره حافظ تحافظ

شوف الجي تي سعرها الفل حول 190 الف عندنا و عندكم نفس السعر في عمان بتحصلها الفل ب 165 الف تقريبا لكن المواضفات اقل بشوي مثل الرا ار

اما 136 اتوقع هذا سعر السته سلندر

انا ناوي اشتري موستينج جي تي 2015 الجديده عشان شكلها فل كامل بس في موقع الرسمي فورد مكتوب سعرها 136 الف ريال سعودي ابي اعرف سعرها هنا كم وين اشترا هنا ولا دبي ابي ارخص كان يبيعها ماودي اشتري مستعمله بصراحه

حبيبي انا عندي موستنج جي تي 5.0 موديل 2011 اشتريته في اواخر سنة 2010 و الحين بعد كم 3 شهربيكمل السنه الخامسه
و السياره ماشيه معايه فوق 200 الف كيلو لله الحمد

اللي يقولك ان الجوده تعبانه لا تاخذ بكلامه

اذا حافظت عليه بيعيش معاك و انا اقولك موتري انا لعبت فيه و زودته و صارت لي مشاكل و الحين رجعته وكاله و الحمد لله صار مثل العسل ما فيه اصوات في الديكور ولا مشاكل في المكينه

و الحين ها الاسبوع جربت الشكل الجيد بصراحه و الله انه موتر يستحق الاحترام طوروه بشكل كبير اذا بتصبر يومين بنزل موضوع لتجربتي للموستنج الجديد و القديم في المنتدى

بس ممكن تخبرني انت اي موديل ناوي تشتري جديد او مستعمل حتى نعرف نفيدك اكثر

و يقولك المثل اسأل مجرب ولا تسأل خبير و انا مجرب و ان شاء الله بفيدك في حالة الجديد و القديم جربتهم اثنينهم

حياك عزيزي اذا السيارة جديدة وبتحافظ على صيانها وماتفحط ولا تسرع راح تدوم معاك اقل شي ان شاء الله 5سنوات,,

بالتوفيق والموستنق الجديد سيارة بطله,,

ابي واحد مجرب يعني اشتري ولالا

حتى لو حافظت عليها ما أتوقع بتمشيك 5 سنوات

يعني كم انا اتوقع اشتري يا 2014 او 2012 فهمة يعني اقل من 5 ولا اكسر من 5 سنوات .؟

موديل كم بتشتريها
14 ولا 15
15 لو حافظت عليها بتعيش بإذن الله وخاصة أن الجودة فيها تحسنت كثير
بينما 14 أيضاً بتعيش لكن مو زي ال 15 بسبب الجودة السيئة

ابي خبير مع موستينج

اخوي متاكد