احد يشرح لي معنى هالعباره ( مافيها مواصفات)

fhad2007 @user_69277 · 15-07-2015

السلام عليكم

جعلنا الله واياكم من المقبولين في هذا الشهر الكريم ومن عتقائه سبحانه ....

الموضوع /

كثيرا ما اقرأ في مواضيع السيارات هنا عبارة ( مافيها مواصفات) وما يدور حول هذه الكلمه ..

وش المواصفات المطلوبه في السياره يعني ؟ غير الحساسات الخلفيه والمكيف :smilie16:

من جد .. زي مثلا الكامري قرأت في احد المواضيع نصيحه لاحد الاعضاء اذا بتاخذ كامري فخذ فل كامل اما لو سياحي فخذ الاكورد احسن ...يعني وش فرق السياحي عن الفل بحيث انها تكون افضل فيما لو كانت فل والستاندر منها موهب زين ؟!!

الكامري مثال يعني وليس حكر .. والمواصفات تختلف من سياره لسياره ومن شركه لشركه والمتطلبات تختلف من لشخص .. بس وش ابرز هالمواصفات ؟

وشكرا لكم ومن العايدين مقدما :xyxwave:

رحاااااال @user_277946 · 03-12-2015

في نظري كلمة مافيها مواصفات هو ان السيارة مافيها مواصفات كمالية كافية مقابل سعرها !!!!

هذا إلي فهمته من الناس إلي يكررون هذي العبارة ، لأن لما تجي تسألهم تشوفهم يذكرون المواصفات الكمالية مثل الشاشة او التشغيل بالزر او تكييف الكراسي او او او من هذا القبيل

PC Master @user_197507 · 03-12-2015

مافيها مواصفات:

1. مافيها شاشة مع نفيغيشن
2. مافيها كراسي جلد مع التحكم بالوضعيات الكترونيا
3. مافيها لمبات عالاقل زينون اذا مو LED
4. مافيها جنوط كبيرة اقل شي 18 انش
5. مافيها فتحة سقف او بانوراما
6. مافيها تراكشن و ABS
7. مافيها متعة قيادة
8. مافيها الدخول والتشغيل بالمفتاح الذكي

اللي باقوله الحين يمكن البعض ما يتفق معاي
9. مافيها رادار امامي مع التحذير من التصادم
10. مافيها نقطة عمياء
11. مافيها التحذير من الخروج من المسار او الحفاظ على المسار
12. مافيها تشغيل العالي اوتومتك

وشكراً

كومبو11 @user_221939 RiYaDh 4X4 GrOuP · 02-12-2015

بالنسبة لي فالمواصفات هي ما أطلبها أنا
وليس عندي مشكلة أن يكون عندي كامري هندل وبدون ايرابقات وبدون ABS ما دمت أنا من اخترتها
فلا أريد أن أشتري شيء لا أحتاجه
وأيضًا ليس عندي مشكلة أن يكون عندي كامري 6 ايرباقات مع جميع أنظمة الأمان ما دمت أنا اخترتها
فلا أريد أن أحتاج شيئًا لا أجده
كلامي السابق فلسفي طبعًا
ومع ذلك أحب أن يكون هناك حرية مطلقة في اختيار المواصفات فمن أراد 6 ايرباقات يأخذ ولمن أراد ايرباقين يآخذ
ونشتغل على التثقيف أكثر من خلال هذا المنتدى فيكون المشتري باختياره هو من يجبر الشركة على تقديم أفضل المواصفات من ناحية الأمان مثلًأ أو الترفيهية أو غير ذلك
شعبنا الخليجي جدًا واع ويستطيع أن يتحمل مصير قراراته
مشكور على الموضوع

نورالدين احمد @user_192782 Banned · 17-09-2015

تحليلي لها

المر بيد الله

اي ماشي يحمي من قدر الله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نورالدين احمد @user_192782 Banned · 17-09-2015

مشكور اخي الغالي فهد 2007

fhad2007 @user_69277 صاحب الموضوع · 26-07-2015

لفت نظري مواصفات الامان انها قياسيه والمفروض تكون اساسيه .. بحيث ما تكون مواصفات بل اساسيه بحيث لو اراد احد يشتري سياره تكون مواصفات الامان مفروغ منها زلا يسال عنها لانها موجوده من الاساس ..
المفترض صراحه الايرباقين الاماميين ونظام ABS والدعامات الفولاذيه الجانبيه للابواب تكون مع السياره بشكل تلقائي وتمنع وزارة التجاره دخول اي سياره لا يوجد فيها هذه الاساسيات ..

أبـوأسـد @user_15810 · 26-07-2015

ممكن السيارة الي تقول عنها بحق مافيها مواصفات

الهايلكس وطقتها من السيارات (لا أقصد البيك أب من هذه الفئة فقط)

ولا نظام سلامة
ولا نظام ثبات
ولا انظمة رفاهية

بس مكيف ودركسون هواء ونوافذ كهرب وريموت واستريو عادي فقط!

mhs2014 @user_306663 · 26-07-2015

جميع السيارات السياحية من المصنعين تويوتا وهيونداي وكيا لا يتوافر فهيا ABS وفي كثير من الاحيان ايرباق واحد لازم اقل شي 2 ايرباق و ABS

في سيارات مثل تويتا في بعض الموديلات ما زالوا يستخدمو الداريش الهندل وما فيها سنترلوك هل كل هذا توفير في التكلفة

انا اشوف انه اقل مواصفات لازم مثبت سرعه و ABS و 2 ايرابق

C A D I L L A C @user_3378 · 26-07-2015

f

fhad2007

شكرا لكم

بس وش جاكم على تويوتا :bigggrin:

للاسف هذا هو الواقع و نتمنى أن يتغير

تويوتا ستاندر = ما فيها مواصفات أمان

اما في شركات ثانيه تحصل مواصفات الأمان فيها قياسيه في اقل الفئات

انا لا اعتقد ان الناس يوم يقولون ما فيها مواصفات يقصدون مواصفات الراحه و الرفاهيه لان اللي يبغي الراحه و الرفاهيه بياخذ فل اوبشن مثلا : شاشه نافجيشن - كاميرا - سماعات افضل - زينون - جلد - فتحه . . . الخ

أبو مؤيد @user_128009 · 26-07-2015

واقع نعيشه :bigggrin:

fhad2007 @user_69277 صاحب الموضوع · 25-07-2015

شكرا لكم

بس وش جاكم على تويوتا :bigggrin:

Kia Motors @user_308258 · 24-07-2015

مافيه مواصفات = تايوتا

أبو ماجد البشري @user_109566 · 24-07-2015

اي مواصفات بعد حتى الكرلا الضاهر حطو بها حساسات خلفيه يارجال لو تدحدر على سياره ثانه طاح صدامها هو وحساساته انا اشوف الكابرسات القديمه صداماتها كأنه مركبه من اسبوع وهي لها 30 سنه وتكد الخطوط وياويلك ياللي تقرب من اهل البلاستيك هذي بس زيادة فلوس على الفاضي بعدين حنا بالسعوديه بهالشموس والعج ماتعيش فيها التقنيه اكثر من شهر او سنه بالكثير

سلطان2020 @user_294746 · 22-07-2015

لأن الكامري الاستاندر مواصفات الأمان فيها ناقصة فقط ايرباقين و abs
أما الأكورد الاستاندر 6 ايرباقات و abs ونظام الرساوة vsa وغيرها من الأنظمة
الكامري اشتري الفل لتحصل على الأمان
الأكورد مواصفات الأمان قياسية لجميع الفئات

bo 3low @user_300999 · 22-07-2015

هذي تقال على السيارات الي مافيها مواصفات الامان ولا الرفاهية,

والاغلب هذي الكلمة اسمعها على سيارات تويوتا,,

:bigggrin:

fhad2007 @user_69277 صاحب الموضوع · 21-07-2015

شكرا لك ابومؤيد

الشاشه تكاد تكون الان شبه اساسيه

وش غيره من المواصفات التقنيه الي تدخل في الميكانيكا مثل نظام التوازن KDSS الي في البرادو ولكن لا يتوفر على حد علمي في الي عندنا ..

أبو مؤيد @user_128009 · 20-07-2015

المواصفات اما ان تكون امان عالي أو مواصفات تقنية

فيه مواصفات تقنية اصبح من الضروري تواجدها بأي سيارة
مثلا انا
لازم شاشة حتى لو بدون ملاحة
جلد طبعا
كاميرا خلفية وأمامية

للأسف تعودت على الكاميرا الأمامية ويصعب علي الوقوف بالسيارة بدونها :)