تركيب مروحة لمبرد الرديتر

[ثامر الجابري]

السلام عليكم ورحمة الله وبركاتة



انا اليوم شريت مروحة لمبرد السيارة الرديتر وحاب اركبها بنفسي
بس ابي مساعدتكم
طريقة توصيل الاسلاك الكهربائية للمروح هل اوصلها علطول علئ البطارية والا اوصل سلك للبطارية وسلك للفاصل بعدين للبطارية والا لازم كتاإوت ؟؟؟؟

[cover me]

وعليكم السلام ورحمه الله وبركاته

انا معلوماتي سطحيه لكن بقولك الطريقه الي اشوفها انسب و ممكن انا لو بركب مروحه بركبها كذا (على حد علمي )

اذا تبي تركب المرواوح و تبيها تكون بفاصل تحكم من عندك

بيكون السلك نصفين و يلتقون في الفاصل الي راح تثبته داخل السياره
و طرف راح يشبك في البطاريه و الطرف الاخر راح يركب في المروحه مباشره

و افضل و بشده تركيب كتاوت لحمايه كهرباء السياره من الضعف وقت تشغيلها بكذا التوصيل بدل مايروح للمروحه راح تشبكه في الكتاوت ثم للمروحه

اما اذا تبي المراوح تشتغل مع مراوح السياره خاصه اذا كانت كهربائيه

تلغي الفاصل او تقدر تخليه اذا حاب و التوصيل بدل مايكون على البطاريه راح يكون من فيش مروحه الحراره مو المكيف للسياره و توصها بالكتاوت كذالك ثم للمروحه

و يفضل لو تركب فيوز كذالك عشان لو صار اي حاجه يفصل المرواح من العمل و الدائره ولا تؤثر على السياره


هذا الي عندي و ان شاء الله اذا طريقتي فيها اخطاء احد الاخوان يطرح الطريقه الافضل

[fhad2007]

اهم شي لا تثبت المروحه على الرديتر عن طريق ادخال اسلاك الشد عبر خلايا الرديتر .. لانه مع الوقت راح يهرب الرديتر بسبب احتكاك هذه الاسلاك سواء كانت بلاستيك او نحاس بالرديتر ... هذا الشي صار معي واضطريت اشتري رديتر جديد .. لان الاول صار غير قابل للاصلاح ..