أضواء LED بديل للزينون هل قوي واعتمادي

ماعليش اخوي يالغالي

الليد ممتاز جدا وراح يغطي ع الزينون وهذا اللي جربه اعتقد انه مو جوده

شف اللي موجود بالكشاف عند حقين الرحلات وووو يتعدى ال 220 متر وبعضم يوصل اكثر من كذا بدبل الدبلات

فيه واحد باليوتيوب اختصاصي زينون وله مقاطع كثيره عن انواع الزينون ومقارانات الزينون مع الليد. انت ادخل القناه وان شالله تلقا اللي يفيدك.

https://www.youtube.com/watch?v=7Yzhnn05xb0

LED نوعين .. العادي اللي يركب كاضاءة داخلية ولإنارة اللوحات وغيرها .. بدون محول و نورها معقول لهذه الاستخدامات ولكن ماتصلح للضباب وغيرها بسبب قصر امتداد شعاع الضوء مثل ما تفضل اخونا..

في نوع ثاني اللي يكون مع محول و تكون قوة الشمعة بين 20 - 30 واط و هذي قوية .. والجيل الاول كان بمراوح للتبريد و الجيل الثاني بدون مراوح و يكون التبريد sink من الالمنيوم ..

مافي احسن من الأصلي اذا الاضواء LED

يعني مالك الا الزينون ويكون بنوعية زينة

ومثل ما قالوا الشباب، جرب تركب LED في الديكور الداخلي والأنوار الثانية

انا شخصياً مركب للديكور الداخلي بنفس اللون الأصلي (الأصفر) لكنه نوع LED والاضاءة ممتازة وقوية، وللمبة الرجوع للخلف ركبت LED لون أبيض ناصع (وليس مائل للأزرق) وطالع شكله حلو جداً، وبعد مركب أضواء الانعطاف LED وممتازين، يعني تقريباً كل شي LED الا الانوار الامامية زينون أصلي

اللي يبي أنوار الانعطاف يدخل هالموقع ويختار النوع اللي مكتوب معاه No Resistors Required يعني معاه المحول من أصل بدون تجريح أسلاك
www.ijdmtoy.com

اما الانوار الثانية مافي احسن من هالموقع
www.theretrofitsourse.com

لأن الأول أنواره البيضة تكون مايلة للأزرق او البنفسجي (بقوة 6000K) اما الثاني بقوة 5000K (للي يعرف في هالارقام)

شوي غالية لكنها تستاهل

واللي يبي نوعية رخيصة بجودة جيدة نوعاً ما عندك هالموقع
www.superbrightleds.com


وقبل الشراء تأكدوا من الحجم والنوع المناسب للسيارة

اخوي الكلام هذا ينطبق على اللي موجود في السوق
لكن اشتري اصلي ماركه.. او روح بي ام او كاديلاك محل القطع وخذها من هنا هم اللي يبيعو الاصلي..

السلام عليكم ورحمة الله وبركاته

كتجربة شخصية لأضواء الـ LED مقارنة بغيرها. أضواء الـ LED لا تصلح كشمعات أو الغمازات .فقط يمكن استخدامه في الديكور الداخلي .
وسبب ذلك لأن لمبات LED برغم شدة اضاءتها العالية لكن مدى الاشعاع الضوئي قصير قد لا تتعدى 50 متر تقريبا ففي الطريق السريع ليلا في شدة الظلام يحتاج السائق لإضاءة الطريق قرابة 100 متر حتى يستطيع أن يرى.
وكلنا نعرف أن لمبات LED قليلة في استهلاك الطاقة التي تبدأ من 0.4 -10 واط. لكن LED كشمعات تستهلك مثلما يستهلك اللمبات العادية التي تكون قرابة 35-50 واط. ولا يخفى عليكم بأنه كلما زادت القوة تكون سعرها ضعفي سعر الزينون. وبأداة تكافء الشمعة العادية التي سعرها أقل منها بعشر أضعاف
وأيضا لمبات الـ LED كشمعات لا تستطيع تحمل الحرارة العالية فلحل المشكلة لابد من توفير وسيلة تبريد مثل المروحة !!!! وطبعا البيئة عندنا كلها غبار فكل أسبوع تفتح الكبوت حتى تفحص مراوح الشمعات من الأغبرة مما يجعل الأمر مزعجا.

الخلاصة , لمبات الـ LED تكون فعالة لإضاءة الديكور الداخلي. المكان صغير وموفر للطاقة ودرجة الحرارة منخفضة والألوان جميلة فتستطيع العمل لساعات طويلة.

اخوي الانوار الled ممتازه وبي ام و كاديلاك و لاندروفر و مارسيديس تستخدمها في سياراتها
لكن انت اذا طحت بالنوعيه الزينه ماراح تندم.... ولا تاخذ الرخيص...

لا ما شفت نوعية بقوة الزينون

انا شاك من اول

لان عديلي اتدبس واشترا من واحد بموقع حراج ب250 ريال

والنتيجه نفس قوة السكن ضعيفة جدا

يعني شكل وتصلح لنور الضباب فقط

مالي الا الزنون

الله يعين ويسهل

مشكور اخي

وعليكم السلام ورحمة الله وبركاته

اذكر بعض الشباب تكلمو عنه لكن مع محولات خاصة زي الزينون


ولا تنخدع بمثل هذي الامور أعتقد اغلبها سواااااااااااااليييييييييييييف السواليف

شريت عندي شمعات اقوى من حقت البلد من امريكا مكتوب انها من شركة أوصرام

شف شريت اول وحدة موجدة بالاعلى الي تعطيك قوة أضافية تصل إلى 50%

يوم جربتها على موتري ماعطت إلا 15% فقط كأقصى حد ولا الفرق لأن كان شمعتي رايح من عمرها الكثير!!!!! فلا تنخدع زي ما انخدعت
ولا بالخط ماهو ذاك الفرق الي يحمس

(انا شريتها لأني مااحب اركب زينون)

قارنتها بوحدة ثانية جديدة بالسوق ماركة فيلبس هالوجين صارت الي جايبها أقوى بفارق مايتعدى 5%

هم يقارنون بنوعيات أردئ الموجود عندهم علشان فعلا تشوف هالفرق الشاسع :c0038:

تبي نور صاحي!

مالك إلا تركيب زينون وأصلي علشان العمر من ناحية تجيب محولات اصلية مستعملة علشان ارخص مع ضمان للي يركبها لك لكن شمعات جديدة وأصلية

مشكور وما قصرت

حياك الله،

إذا احتجت معلومات عن طريقة الشحن أو الطلب من أمريكا، لا يردك إلا الكيبورد 😊

الف شكر

وجزاك الله خير

أخوي سويت بحث سريع و هذا أفضل شي حصلته

http://www.ledin.us/high-power-7600lm-cob-led-headlight-60w-daytime-light-drl-fog-lamp-hb4-9006-bulb.html?gclid=CMrT5-iswsUCFQcOaQod56QAhA

جزاك الله خيرا

جميل ان نبحث ونستكشف

بارك الله فيك

لكن انا الآن كيف أعرف المناسبة لي

ولك جزيل الشكر

أخي

قعدت أقرا عن الموضوع و المقارنات بين الزينون و ال LED

طبعًا صعب تحكم على القوة بدون ما تشوف الشي بعينك، لكن تكنولوجيا ال LED تطورت كثير في السنوات الأخيرة، حيث كانت جدًا مكلفة في السابق و لا تتوفر إلا على السيارات الفارهة.

لكن حاليًا مع التقدم في التقنية، أصبح سعرها في متناول اليد و على سبيل المثال لا الحصر، سيارة تويوتا كورولا في أمريكا الشمالية متوفرة بإضاءة LED.

عندك هذا الفيديو يوضح لك إضاءة ال LED في الكورولا الجديدة (في أمريكا الشمالية فقط)

و صاحب المقطع يقول أنه تعمد تشغيل الكشفات لتلاحظ فرق اللون

https://www.youtube.com/watch?v=72r-BtpUn5I

و لك جزيل الشكر :smilie16:

معلومه قيمة

بارك الله فيك

يعني لا مفر من الزينون والمحولات

الله يعين

لاني سبق ركبت زينون وتلخبطت عندي كهرباء السيارة بشكل عام

فمن ذاك الوقت وانا ودي لكن محتار