تجربتي لسيارة سوبارو xv بعد ثلاث سنوات من الاستخدام
المحرك 2.0 بوكسر 150 حصان
السيارة اقتصادية بمعنى الكلمة وعملية ..
لحد الان ماغيرت فيها شي الا الزيت والفلاتر ..
حبيت اذكركم بمواصفات السيارة من خلال الرابط التالي:
http://www.motorcity.com.bh/model-de...p=1&Itemid=267
طبعا مبيعات السيارة عندنا في البحرين في تحسن وازدياد بسبب السعر المناسب وسعرها اقل من منافسينها وايضا بسبب تحسن الوكيل عندنا في البحرين وكيل سوبارو في البحرين هو موتور سيتي تبع وكيل كانو (( تويوتا )) واهو اكبر وكيل عندنا بالبحرين ..
..
و الوكيل السابق كان محمود جلال الي ذبح سيارات سوبارو عندنا ..
سعر السيارة يبتدي حدود 75 الف الى 80 الف مع ضمان خمس سنوات ..
بخصوص اسعار السيرفس وقطع غيار اسعارها متقاربة للشركات اليابانية مثل تويوتا
على سبيل المثال سعر سيرفس لكل 10 الاف حدود 450 ريال او اقل
ومينجر سيرفس 65 الف كيلو حدود 1200 ريال مع التخفيض 110 ريال ..
واسعار السيرفس وقطع الغيار متقاربة للشركات اليابانية الثانية ..
...
انطبعاتي عن السيارة لحد الان
- صرفها ممتاز واذا تعبي فل السيارة تعطيك مسافة تقريبا 620 كيلو خارج المدينة
- السيارة وسيعة من الداخل ومريحة ويوجد مسافة جيدة بين المقاعد الخلفية والامامية .. وهي اوسع سيارة من الداحل في فئتها ..
- تسارع السيارة جيد بالنسبة لحجم محركها وحجم والسيارة ..
- طبعا السيارة كارفها واهي قوية وتتحمل وماواجهت مشاكل لحد الان ..
- طبعا السيارة سياقتها حلوه وخفيفه ولكن سيارات السيدان اريح في السياقة ولكن من ناحية العملية سيارة كروس اوفر افضل .. ..
ملاحظة :
سوبارو xv موديل 2015
سوف يكون فيه تحسينات داخلية للسيارة مثل ديكور السيارة من الداخل واضافه بعض المميزات الداخلية والترفيهية ..
وطبعا من الداخل بتكون مثل سيارة ليجاسي 2015
[والي حاب يشوف التغيرات لموديل 2015 يدخل هالرابط :
http://www.subaru-global.com/2015xv.html
...
وقريبا سوف انزل مراجعة وتجربة لسيارة امبريزا 2015 وليجاسي 2015
الصراحة كانت تجربة ممتازة جدا
واي استفسار انا حاظر