السلام عليكم ...
هذي اول مشاركة ليي في المنتدى ...
انا حالياً عندي كامري 2008 بس ناوي اغير سيارتي لعدة اسباب ( منها: صوت الشارع والهوا كله عندي داخل ! ، رساوة السياره ابد ماهي شي ! ، هذي السيارات فيها شوية مشاكل في المكينة " يتجمع وصخ في فلتر الكرنكيس ويمنع زيت المحرك من الوصول للمحرك ! و العزم بدأ يقل بشكل ملحووظ !... الخ )
المهم ، فوقعت العين على الدودج تشارجر موديل بين 2012 و 2014 ، عجبني الموتر الصراحة مع اني ما قط ركبت واحد ، بس سمعت عنه ثبات وقوة حتى في الV6 ! .
بس في مثل الوقت سمعت الناس تشكي من الدودج والاكثر يقول الجيربوكس يخرب بسرعه و مشاكل اكترونيه يعني ببساطه سياره ماتدوم طويل وكلها خرابات .
فأنا محتار حالياً ... هل اغير الى الدودج ؟ او ابقى مع التيوتا ؟ او تقترحون علي شي ثاني ؟
الشي الوحيد الي موقفني عن الدودج هو كلام الناس عن خراباته ومشاكله !
للعلم انا شاب عمري 20 سنة طالب جامعي من البحرين ، مشواري اليومي تقريباً 40 الى 50 كيلو فقط .. افضل سيارة رياضية شبابية وفي مثل الوقت تحس كانك ملك داخلها