السلام عليكم ورحمة الله وبركاته
إخواني انا صار لي فترة محتار جدا في شراء السيارة
طبعا انا موظف من ست سنوات وهذي اول سيارة لي بعد السيارة اللي اهداني اياها الوالد اقضي عليها مشاويري واشغالي
السيارة اللي استخدمتها لمدة ست سنوات وخدمت معي بلا كلل او ملل هي ميركوري جراند ماركيز 2001 سعودية ستاندر
وهاللحين جا الوقت اللي ابي اهني فيه نفسي واشتري فيه سيارة لكني محتار بين سيارات مختلفة في الفئة والشكل
وحبيت اخذ استشارتكم ومساعدتكم لي وما خاب من استشار
السيارات اللي محتار فيها هي
1/ جي ام سي سييرا غمارتين SLT
2/ دود دورانقو ليميتيد او R/T "بالمناسبة فيه طراز ليميتيد وارد البحرين مواصفاته اعلى من السعودي مثل شاشتين ونقطة عمياء والفرق حوالي 11 الف ريال تقريبا.
3/ دودج تشارجر 2015 "ما ادري ميزانيتي تجيب لي فئة SRT ولا لا أو بس اعلى اصدار من فئة R/T"
4/ كاديلاك 2015 CTS
طبعا بالنسبة للميزانية عندي لا تتجاوز 165 الف ريال سعودي كحد اقصى
بالنسبة لطبيعة الاستختدام انا رجل عمري 27 سنة اعزب والزواج يبدوا انه سيتأخر
وبالنسبة للبر والتطعيس انا احبه لكن طلعاتي ومشاويري مقتصرة على الدوام والنادي فقط + سفر كل شهرين الى ثلاث اشهر ال الاردن بحكم قرب المسافة.
وانا رجلي ثقيلة على السيارة والماركيز اللي معي كثر الله خيرها تحملت رجلي الثقيلة
8 طبعا السيارات اليابانية والكورية خارج الحسبة نهائيا لاني لست من محبيها. يعني منا لاخر انا رجال هواي بالمواتر الامريكية.
واسف على الاطالة لكن حبيت ارصد لكم الموضوع من زوايا عديدة حتى تاخذون بالاعتبار طبيعة الاستخدام
وشاكر لكم ومقدر ارائكم مقدما
