ليش عششاق الككوري ماعندهم ثقه في السيارات الكورية؟

صاحبي كان عنده اكسنت 95 و مافي شي ماسواه فيها تفحيط سرعه و ماشاء الله السياره ماشيه معاه مثل الحلاوه
و بعدها اشترى سوناتا 2005 فل مخمل طبعا اشتراها قبل لا يتخلص من الاكسنت و مخليها في الوكاله و صار يجلد في الاكسن و يمسك فيها خطوط بدون تشييك و لا يعبي لها ماي وفي النهايه وقفت عليه من الحراره بعد مشقه و انبسط انها اختربت تركها على الطريق و كلم واحد يشيلها و على طول راح الوكاله و استلم سيارته و يتفاجئ بعد يومين يكلمه الي شال السياره يقوله ماتبي سيارتك !!!! بس غيرنا الراس و امورها في السليم طبعا صديقي قاله ماببيها خلاص اخذها لك :)

طبعا ماشترى هونداي لا وهو مجرب و عارف كيف تحملها و نفس الكلام الان مع السوناتا كارفها كرف موطبيعي و انا اركب معه اشوفها افضل من الكامري بمراحل عزمها و رساوتها ماتوقعتها يمشي طبلون و ماشاء الله و الى الان يستخدمها و محركاتها ممتازه بس الصبغ الي يحتاج تجديد لانه اسود و صاحبي من النوع الي مايهتم كثير و رجله حاره على السياره مع بعض القطع الاستهلاكيه

الان بعد مشاوير لشراء سياره جديده له اشترى جيب لكزس GX460
وكان اختياره لهذي السياره بسبب تثير ابو زوجته عليه في طلعات البر و المستقبل و اول ماكان يفكر فيه و طلعنا جربناها هي الجينيسس و السنتنيال بالخصوص خاصه مع العروض الي كانت في 2013 و كان معجب فيها بشكل كبير لكن بسبب التاثيرات الي كانت حوله و فكره شراء سياره كبيره للسفر و جيب للبر وقع اختياره على الكزس هذا بسبب مواصفاته و قرب سعره من الندكروزر GXR الي كان يفتقر للكثير من المواصفات


غير عيال عمي كل واحد عنده سوناتا 2011 و 2010 و جالدينهم جلد و ماشاء الله مرتاحين جدا منها

المشكله اذا الشخص انجرف مع القيل و القال و العاطفه نحو سياره معينه و كل شي ولها زمانه و وقته اجل من يصدق الكزس في نهايه الثمانينات ماكان له ذكر و حتى الياباني ماكان بقوى و رغبه الامريكي و في فتره التسعينيات بدا يظهر اكثر و لكزس ماكانت مرغوبه لكن استمرت في 2000 كان في قمه ثوره الياباني و بدا في الانحدار و تطور الكوري على استحياء لكن بعد 2005 و 2006 كانو متساويين و بدا الكوري يبدع و يكون افضل و افضل هذا هو التطور مو معقوله يتطور في يوم وليله

و اوافق لايف ستايل على كلامه في اختيار السياره المناسبه لغض النظر عن اسم الماركه الي راح اشتريها لا اذا كنت مطنوخ و احب الفشخره بتهمني اسم الماركه اهم شي ماينطبق على المثل ( رزه و البطن فاضي )

اسف على الطاله و هذي وجهت نظري

عليكم السلام
طيب ليه ماسألت نفسك اللي معه 50 الف واشترى اكسنت
ليه ماراح للصناعات اللي تمدحها وتمجد فيها
وثاني شي ماهو ملزوم اللي اشترى اكسنت انه يشتري جينسس
الله رزقه وحب يجرب سياره ثانيه
وكل واحد حر بفلوسه

كلامك فيه تعميم ومغالطات واحكام تقديريه كأنك دخلت قلوب الناس وتعرف قراراتهم ورغباتهم ....
فيه نقطه بجاوبك عليها تقول لو معاك 200 الف بتحطها في جنسيس او كوريس ...انا واحد من الناس لما يكون عندي 200 الف احط كل السيارات اللي سعرها متقارب واشوف الافضل منهم سواء كانت كوريه او يابانيه او الماني ابدا ما يهمني الاسم يهمني الجوده والمواصفات ...وبالنسبه للسيارات الكوريه ترى المعادله انقلبت وتعتبر السيارات الكوريه الآن اجود من السيارات الامريكيه واليابانيه ولا ينكر هذه الحقيقه الا واحد ماجرب السيارات الكوريه في السنوات الاخيره ... الشغله مهي عشق اعمى فقط ..الناس تبحث عن المواصفات والجوده حتى لو السياره بنجلاديشيه وترى سعر الاوبتيما والسوناتا نفس سعر السيارات اليابانيه والامريكيه اللي في فئتها سوا كانت كامري او التيما او مازدا 6 او ماليبو او فيوجن ومع ذلك مبيعات الكوري اكثر منهم مو معقول كل الناس اغبياء لهذه الدرجه ...
لكن فيه ناس متعوده على نوع معين من الصناعه اما ياباني او امريكي يخافوا من التغيير وتجربة شي جديد عشان كذا باقي عايشين في اوهام ان الكامري زي الكراسيدا والكابرس الاسترالي نفس الكابرس القديم ...قل للزمان ارجع يازمان

بالعكس انا حاط نظري كله ع سنتنيال 17 الجديده

وانا الحمدلله مايهمني السياره وين مصنوعه

اسوق كل شي ، عندي مازدا فورد هونداي هوندا تويوتا وكان عندي جيب لبرتي و كابرس ووووو

عادي مافرقت فالاخير استقريت ع ازيرا 13 لين اخلص الدراسه ان شاء الله ، حاليا السياره ماتفرق ، لو معي اكسنت عادي

وجهة نظر واحترمها

لكن برضو إلى الآن ماشوف ناس كثيره عندها 200 الف وتشتري جنسيس أو كوريس مع أنهم من عشاق الكوري

والسؤال الثالث انت ماجاوبت عليه ليش الي يشتري كوري مايكرر نفس التجربة ويشتري مره ثانية سيارة كورية يعني ماعمري شفت أحد اشترى النترا وبعدين ربي رزقو بفلوس واشترى سوناتا أو ازيرا

واتوقع انت نفس تفكير عشاق الكوري بكل موضوع اشوفك تمدح بالكومارو وأنها سيارة أحلامك يعني مابتعيد تجربة الكوري مع أن الكومارو قريب من سعر الجينسيس

نورت الموضوع