بالنسبة لنزول التاهو واليوكن

اشتر نسخة z17

صدام بدون لحية ومواصفات أخرى ممتازة

احس انه هاللحية مجرد زينة لا اكثر

تاثر ع شكل السيارة بشكل كبير ... ولا اعتقد نهائيا انها تاثر بصرفية الوقود او مقاومة الهواء

سيارتي تاهو 2008 انفكت اللحية عندي مرتين

الاولى حكيت رصيف وركبتها بروحي

والثانية صدمت كفر وانا رايح مكة واتطايرت اللحية قطع متناثرة وكملت السفر ورجعت والله ولا حسيت اي فرق يذكر غير فرق الشكل فقط

رحت الوكالة واشتريتها ب 400 درهم وركبتها بتدبيس

واعتقد 2015 نفس النظام ... لو دخلاتك البر كثيرة فكها وخلها ف البيت ولو انت حق خطوط ومدن فخلها ..

وعليكم السلام ورحمه الله و بركاته

مثل ماقال اخونا لحن المشاعر السياره مخصصه للمدينه و السفر
و الغرض الاساسي لوجود قطعه البلاستيكيه في تحت الصدام هو لتقليل دخول الهواء تحت السياره

لان الهواء الداخل تحت السياره في الطرق السريعه يرفعها و يقلل من تماسكها خاصه على سرعات عاليه و وجود هذي القطعه يحد من كميه الهواء الداخل
عشان كذا تشوف سيارات السبورت نازله و قريبه من الارض و تركيب جناح في الخلف لزياده ثبات السياره ( هذي فائده الجناح و اللحيه تحت صدام الامامي و بعد تحت الصدام الخلفي في حاجه اسمها مشتت الهواء الخلفي يادي بسرعه تفريغ و توزيع الهواء من تحت السياره و كذالك الزوائد الجانبيه ) <<<< شطحه عن الموضوع

واتوقعها حركه متعمده من الشركه بحيث تقدر تفكها بسهوله و تركبها اذا حبيت تدخل البر بالسياره

برئيي افضل حل هو تركيب صدام Z71 او انتظار نزول هذي النسخه اذا الغرض من السياره الدخول للبر بشكل اكثر من المدينه او السفر

و اذا الشخص راعي بر بشكل كبير الافضل ياخذ سياره مخصصه لهذا الغرض بشكل اساسي

معروف اليوكن موتر مخصص خط وديره فقط
ونزوله طبيعي جدا
وفك اللحيه عادي فكها ، اغلب راعين الجموس يفكونها عشان لادخل البر مايحك واجد
وفيه حل افضل ارفع الموتر من الامام 2 سم وبدون فك لحيه وامورك طيبه

هذة القطعة لتنظيم عملية اختراق الهواء على الطرق السريعة لهذا ازالتها سوف تتسبب في زيادة في استهلاك الوقود و ربما عدم ثباتها على الطريق بسبب دخول كمية أكبر من الهواء تحت السيارة، والله اعلم