تحسين أداء السيارة

ما شاء الله تبارك الله

موضوع طيب من شخص أطيب

شوف الغالي في انواع كثيرة للتعديل ،، منها البسيط للإستعمال اليومي ومنها الثقيل هم للإستعمال اليومي ومنها للسباقات بأنواعها

أعتقد إلي انت تقصده هو البسيط للإستعمال اليومي ،، في عدت أمور تسويها بتشوف سيارتك شي ثاني من دون ماتكلفك كثير ::

1- برمجة السيارة (( على حسب السيارة )) إذا كان لها مبرمجين (( موثوقين )) بيتغير أداء السيارة بشكل ملحوظ

2- تغيير زيت المحرك إلى اقل كثافه يعني تتحول من كثافة 20w50 إلى 5w30 من أفضل الزيوت للسيارة وبتحس بتغيير في اداء المحرك (( عن تجربة ))

2- تركيب مساعدات (( جامبينات )) رياضية من نوع ممتاز (( لأن الصيني لاعب لعبته هل يومين خخخخ )) بتشوف ثبات السيارة يتغير كثير على الملفات القويه وبتزيد ثقتك في سيارتك لي جيت تمشيها بسرعة عالية

3- تركيب قطعتين أمامية وخلفية اسمها (( سواي باااار )) او (( SWAY BAR )) هذي إيش تسوي ؟؟

توازن بين العجلات اليمنى واليسرى عند الملفات الحادة ،، مثال ::

لو جيت تاخذ ملف قوي على اليمين فا تلقائيا العجله إلي جهة اليسار بتدخل داخل البودي صح ؟؟؟ فا مع هذي القطعة تسحب العجله اليمنى معاها داخل البودي بقدر الإمكان فا من كذا تشوف سيارات السباق قليلة الميلان في الملفات الحادة (( اتمنى قدرت أوصل الفكرة )) عموما انسخ كلمة SWAY BAR وحطها في قوقل بتشوفها ،، وشوف فيديوات عنها في اليوتيوب مليان

4- لتقوية الفرمله :: تغيير الهوبات من هوبات عادية إلى هوبات رياضية إلي تجيك مخرمه بس مع تغيير القماشات إلي قماشات سيراميك عشان تمسك أكثر وتتحمل الحرارة أكثر بكثير من العادية ،، صدقني بتشوف شي يسر حالك

5- ركب عجلات أعرض من العادية ونوع ممتاز من التواير إلي يكون فيها رقم الإحتكاك أكبر بتشوفه على الكفر بحرف W

6- ركب انتيك مع البرمجة

كذا عندك سيارة ممشاها طيب وبفرق واضح في حلو